Matiyu 7:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Batan pooy-pooy jaꞌ ina meꞌ bi manding jama, meꞌ naa du sina meꞌ Tuhan ka pagkahi bi manding kaam. Bong nnaꞌ ta pa sukatan bohas, pooy-pooy sukatan pakoy bi ni pagkahi bi, meꞌ naa du sina sukatan pinakoy ningkaam.

Matiyu 7:2 Iomraidhean Croise

Matiyu 6:14

Pag-anu, yuk si Isa lagi, “Bong ina kam ngampun jama ma dusahan ningkaam, inampun du sina kam meꞌ Mmaꞌ bi ni sulgaꞌ.

Malkus 4:24

Yuk si Isa lagi, “Isbatun bi paayad tōꞌ ku. Batan mangkin ina kam magtuyuꞌ ngahati, mangkin pasōng gi pangahati bi. Boꞌ na, sinampunan gi sina meꞌ Tuhan. Sugaꞌ soysoy ina yaꞌ ngisbat bitsala ku, san luu pangahati na dangkitiꞌ, kinaddoan du.”

Lukas 6:38

“Muwan kam ni pagkahi bi manusiyaꞌ, boꞌ bi sa binuwanan. Yaꞌ du sina kam lugiꞌ batan taabut bi binuwanan, bong nnaꞌ ta pa bohas inisi njawom bakaꞌ, ndasokan gi, binubungan gi, sampay ngalilip na. Intomun bi, pooy-pooy ina meꞌ bi muwan ni jama, meꞌ looy du sina meꞌ bi binuwanan.”

2 Korin 9:6

Hāl muwan ina, papaham kam. Sibuꞌ du sina karuha na ka jama naburan bani. Soysoy ngumit meꞌ na bay naburan bani, pag kattom na, dangkitiꞌ du. Sugaꞌ soysoy ina bay nabud paeka, pag kattom na, mastiꞌ meka du.

Yaꞌkub 2:13

Batan pag ina mintu taabut llaw hukuman, soysoy yaꞌ bay manimbang ni pagkahi na manusiyaꞌ, yaꞌ du ya pinanimbangan meꞌ Tuhan. Sugaꞌ sagannap ma bay manimbang, yaꞌ na luu katawuhan da ni llaw hukuman.

Siga Pakaradjaan bay Pinalahil 18:6

Maka yuk suwara looy siꞌ, “Talpaksaꞌ jaꞌ sina Babilon kalabuan mulkaꞌ magpataꞌ ka bay kalaatan na ni jama, bong saꞌ lipat min duwa lagi. Bong nnaꞌ ta pa inuman pait, sa basag-basag pait inuman ma bay painum Babilon ni jama, pag iya pinainum, subay lipat min duwa lagi pait na.