Matiyu 3:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

^2-4 Pamakoy na bay pinabuwat ka bū untaꞌ maka kambot na kuwit sapiꞌ. Makanan na tompang ka gowaꞌ buwani. Ndooy siꞌ, wā ya masaplag ni siga jama ma bay pilay pa mman na, yuk na, “Nawbat na kam sabap tapit na katakka pamarinta Tuhan.” Na sabapan pabuwatan si Yahiya ilay siꞌ, lay na binakbul bay tunaꞌ Nabi Isaya, ilooy ma yuk na, “Luu sina mintu jama takale ngahowap ni lahat lau-lau, yuk na, ‘Saddiyahun bi na lān ni katakka Papuꞌ. Paintongun bi na mari tahan na patiluꞌ pa mman bi.’ ”

Matiyu 3:2 Iomraidhean Croise

Matiyu 10:7

Nnoy-nnoy mman bi masaplag, baan bi sila, ‘Tapit na katakka pamarinta Tuhan.’

Matiyu 11:20

Na si Isa ilay siꞌ, meka sipat kahaylan-haylan bay pabuwat na ni Korasin ka Betsayda sampay ni Kapelniyum. Salla na, kuwan kaekahan jama ndooy, yaꞌ bay pitsayaꞌ niiya. Maka yaꞌ du sila kuhi nawbat. Dari lay na baw si Isa nusunan sila,

Matiyu 12:41

“Na jama angkat-angkatan batnaa itu, pag taabut llaw hukuman Tuhan, luu na sina mintu siga jama man Niniba naksi sila. Kon da naksi batan pag bay jaꞌ takale da umanat Nabi Yunus mattoꞌ, tud bay paruli da sampay lay na tawbatan da dusa da. Boꞌ jama angkat-angkatan batnaa itu, luu na ntuu ni awpan da patingkat gi man Nabi Yunus, sugaꞌ yaꞌ san paruli da bitsala na.

Matiyu 13:11

Tampung si Isa, “Kon meꞌ looy sabap pangahati pasal pamarinta Tuhan ma yaꞌ gi bay lahil maruhuꞌ, ndean na ningkaam, saꞌ ninsila.

Matiyu 13:24

Pag-anu siꞌ, lay na baw si Isa ngandalil pabalik, yuk na, “Luu disu lalla lay naburan bani mahap ni jawom huma na.

Matiyu 13:31

Pag-anu, lay na baw si Isa ngandalil pabalik, yuk na, “Pamarinta Tuhan ina meꞌ karuha bigi mustard bay tinanom njawom huma.

Matiyu 13:33

“Damikiyan,” yuk si Isa, “pamarinta Tuhan ina meꞌ karuha pasulig pinalamud meꞌ danda njawom disu undam taligu. Minsan dangkitiꞌ du bay inannaꞌ, pag ngassob na, pasulig du mimon addunan na.”

Matiyu 13:47

“Maka Pamarinta Tuhan ina meꞌ tuu karuha na: Luu siga jama mukut njawom danaw, boꞌ meka jinisan daying lay takoleꞌ da.

Matiyu 13:52

Pag-anu, yuk si Isa, “Soysoy ina guru lahal ni kitab kanabi-nabihan, boꞌ isbat na lagi tōꞌ ku pasal pamarinta Tuhan, sibuꞌ du ya ka jama dayahan. Bila ya magnasihat, dansusun du ya ka jama makitahan siga pagkahi na altaꞌ na ma bahau ka altaꞌ na man maruhuꞌ-ruhuꞌ lagi.”

Matiyu 18:23

batan pamarinta Tuhan ina, meꞌ tuu karuha na: Luu disu sultan ninga siga tindog na ma utangan niiya.

Matiyu 20:1

Pag-anu, yuk si Isa, “Buwanan ta doꞌ kam pamintangan pasal pamarinta Tuhan. Luu disu lalla dapu kabbun anggul luha. Sayu alab lagi, lay ya lumān miha jama buwat ni jawom kabbun na.

Matiyu 22:2

“Pamarinta Tuhan ina meꞌ tuu karuha na: Luu disu sultan bay nohoꞌ nakap pangawinan para ni anak na pangantin ma lalla.

Matiyu 23:13

Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Matiyu 25:1

Yuk si Isa lagi, “Pag beleng Anak Manusiyaꞌ pa junyaꞌ magsultan, meꞌ tuu karuha na: Luu budjang sapū kaniya-kaniya ka palitaan da lay pōꞌ sangom nampang pangantin ma lalla.

Matiyu 25:14

Pag-anu, lay na baw si Isa ngandalil pasal siga sukuꞌ na ma nulut ni kahandak na maka niyaꞌ, yuk na, “Luu disu jama song lome pa lahat disu. Yaꞌ gi ya bay lome, lay ya nawag ga tindog na, boꞌ da pina-ntanan sīn na nohoꞌ pinalān likut na.

Matiyu 4:17

Dari pag takka si Isa pa Kapelniyum, labba mandooy lay na ya nagnaꞌ masaplagan jama, yuk na, “Nawbat na kam sabap tapit na katakka pamarinta Tuhan.”

Matiyu 4:23

Lakka mandooy siꞌ, lay na baw ga si Isa ngalataan Jalil magnasihat ni kalangga-langgahan ndooy sampay masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Matiyu 5:10

Njawom supaat sina sagannap ma nilaugan sabap meꞌ da mean kahandak Tuhan, batan kapasila na pamarinta Tuhan.

Matiyu 5:3

“Njawom supaat sina sagannap ma kabista tiksaꞌ nyawa da batan kapasila pamarinta Tuhan.

Matiyu 6:10

Kamura-murahan lillaꞌ na mimon manusiyaꞌ ni pamarinta nu supaya kahandak nu jaꞌ pinabuwat ni junyaꞌ meꞌ ndooy du ni sulgaꞌ.

Matiyu 6:33

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Malkus 1:15

yuk na, “Taabut na situ waktu binakbul ilooy ma bay tinunaꞌ mattoꞌ. Batan tapit na katakka pamarinta Tuhan. Sangkon nawbat na kam maka pitsayaꞌ na kam ni umanat mahap ma pinamahalayak na.”

Malkus 1:4

Na tunaꞌ looy ilay siꞌ, lay na binakbul batan tud luu du bana bay pōꞌ sosohoan looy, yana si Yahiya ma Tukang Mandi masaplag ni lahat lau-lau yaꞌ maglumaꞌ. Yuk na, “Tawbatan bi na dusa bi, boꞌ bi pinandi mari kam inampun na meꞌ Tuhan.”

Malkus 6:12

Dari siꞌ, lay na sila ngalataan lahat masaplag ni jama nohoꞌ nawbatan dusa da.

Lukas 1:16

Pag mehe na ina, bbuwatan na mitsalahan siga pagkahi na bangsa Israil supaya tawbatan da na dusa da boꞌ da pabeleng na pa Tuhan ngisbat iya.

Lukas 11:20

Padahal, ilooy ilay siꞌ kon ku kapalakka siga seytan man sabapan kawasa-kapatut Tuhan ni jataꞌ ku. Maka ilooy na silay siꞌ buktiꞌ mehe luu na pamarinta Tuhan takka pitu pa mman bi.”

Lukas 13:3

Pamiki meꞌ looy ilay magsāꞌ. Sugaꞌ baan ta kam banahan, bong baw ina yaꞌ tawbatan bi mimon dusa bi, binasa du kam bbos-bbos.

Lukas 13:5

Sugaꞌ meꞌ halling sambat ku na du siꞌ, magsāꞌ du jama bong sila mista meꞌ looy. Sugaꞌ baan ta kam banahan, bong baw ina yaꞌ tawbatan bi dusa bi, binasa du sina kam meꞌ karuha sila.”

Lukas 15:10

Na baan ta kam, meꞌ naa du sina kagakan siga malaikat Tuhan pag takita da disu baldusa nawbat.”

Lukas 15:7

Na baan ta kam, meꞌ naa du sina kagakan ni sulgaꞌ luu-luu disu baldusa ntuu ni junyaꞌ nawbat. Mas mehe kagakan ndooy ni disu jama meꞌ looy man siyampuꞌ-siyam jama intong ma yaꞌ gunahan ninsila nawbat.”

Lukas 16:30

“Yuk sawraga looy, ‘Sugaꞌ yaꞌ du bilay paruli da. Sugaꞌ kira ku, bong luu jama lay na matoy bbeleng na baw pilay mandaan sila, mastiꞌ tawbatan da na silay mimon dusa da.’

Lukas 21:31

Damikiyan, pag ina mintu takita bi binakbul na mimon ma bay sabbut ku siꞌ, malaingkan katoonan bi na du tapit na katakka ku ddas ka pamarinta Tuhan.

Lukas 24:47

Maka yuk si Isa, “Luu gi bay sinuwatan subay pinasaplag umanat mahap pasal Almasi ni mimon kabangsa-bangsahan nagnaꞌ mantuu ni Jerusalem. Subay jama binaan bong tawbatan da dusa da maka pitsayaꞌ ni Almasi, malaingkan inampun na sila meꞌ Tuhan.

Lukas 6:20

Pag-anu siꞌ, lay na baw si Isa paawop pa mman sagannap ndooy ma mmeꞌ niiya, boꞌ na halling, “Njawom supaat kaam ma miskin batan kapakaam pamarinta Tuhan.

Lukas 9:2

Pus meꞌ looy, lay na sila sinohoꞌ ngalataan lahat masaplag umanat mahap pasal pamarinta Tuhan sampay nohoꞌ ngulian jama ma sakihan.

Salsila siga Rasul 11:18

Pag bay takale meꞌ siga Yahudi looy tuntut si Pitel, bohoꞌ da lay na patagong nahawi. Pag-anu, boꞌ da mudji Tuhan. Maka yuk da, “Bong bilay meꞌ looy, lay na du hati buwanan Tuhan ga bangsa saꞌ Yahudi lawang man da nawbatan dusa da supaya sila koleꞌ na du kasampulnaan nyawa saumu-umu.”

Salsila siga Rasul 17:30

“Maruhuꞌ, ni kaawam manusiyaꞌ pasal Tuhan, lay gi pabiya na karupangan da. Sugaꞌ batnaa, sohoꞌ na na mimon jama ni sikaliput junyaꞌ nawbatan dusa da.

Salsila siga Rasul 2:38

Pag tampung si Pitel, “Subay kam nawbat saliꞌ-saliꞌ, boꞌ bi nohoꞌ pinandi ni awon si Isa Almasi. Meꞌ looy ilay, puwas na mimon dusa bi pa Tuhan boꞌ bi buwanan na ladjikiꞌ, yana Rū Sutsiꞌ.

Salsila siga Rasul 20:21

Tōꞌ ku ni bangsa ku Yahudi yaꞌ du luu bay pagtingkahan na ka tōꞌ ku ningkaam ma saꞌ Yahudi. Saliꞌ-saliꞌ du kam bay sohoꞌ ku nawbatan dusa bi ka lillaꞌ pa Tuhan sampay nohoꞌ pitsayaꞌ ni Papuꞌ tabi si Isa.

Salsila siga Rasul 26:20

Duhuꞌ-duhuꞌ man ku bay masaplag ndooy ni Damaskus. Pasunuꞌ, ndooy na baw ni Jerusalem. Paddus mandooy, boꞌ lay na ku ngalataan kakawum-kawman ni sikaliput Yahudiya. Lakka mandooy, lay na baw ku pilay pa kalahat-lahatan ga bangsa saꞌ Yahudi masaplag. Tōꞌ ku ninsila, subay sila nawbat ka maglillaꞌ pa Tuhan. Maka subay sila buwat kaayaran mari tumatandaꞌ lai na du labbahan da mimon dusa da.

Salsila siga Rasul 3:19

Sangkon, nawbat na kam boꞌ bi lillaꞌ na pa Tuhan supaya pinuwasan na dusa bi.

2 Korin 7:10

Batan bong ina kita susa sabapan dusa ta, boꞌ kasusahan ta lay dari poonan man ta nawbat, inaa ina susa pinagpiha meꞌ Tuhan. Maka susa meꞌ looy ilay moo kita pa jawom kasalamatan sampay kalakkahan sasso ta lagi. Boꞌ siga jama ma niyaꞌ ngisbat Tuhan ina, minsan tamūd magkasusahan sila ni bay dusa da, yaꞌ du kuhi nawbat. Dari toklas na, tiksaꞌ nyawa da.

Kolossa 1:13

Kitabi itu lay na pinaddusan meꞌ Tuhan man jawom komkoman Ibilis ma magbayaan jama njawom lindom. Sampay lay na tabi hinalin meꞌ Tuhan pa jawom pamarinta Anak na, yana kakasi na.

2 Timuti 2:25

Bong ya sinulang meꞌ jama, pag tampung na, subay hanunut-hanunut jaꞌ meꞌ na naup sila. Meꞌ naa ina, balangkali binukaꞌ na meꞌ Tuhan puad da nawbat sampay koleꞌ pangahati ni kabanahan.

Hibrani 6:1

Sangkon, ddong na kitabi kataddasan ni tōꞌ ma ndang lay na takoleꞌ tabi jaman tabi bahau bay mmeꞌ ni Almasi. Palanja na kitabi pa pangahati lawom mari pataggu na iman tabi. Ibaratan buwat lumaꞌ, bong kita lay na matangge tehang, san kita yaꞌ na matangge pabalik. Hati na, san yaꞌ na pagsibalik-balik tabi tōꞌ ma ndang katoonan tabi na. Awnan ku ilay siꞌ yana hāl meꞌ sapantun nawbatan dusa, pangando pa Tuhan,

2 Pitel 3:9

Sangkon sagannap ma mista Papuꞌ lawun numan janjiꞌ na pabeleng, magsāꞌ sila. Arapun lantan na jaꞌ silay katakka na sabap tahaꞌ pasensiya na ngagad manusiyaꞌ, kawu-kawu nawbat sila. Batan kainagon na ina yaꞌ luu san disu jama tanalkaꞌ.

Siga Pakaradjaan bay Pinalahil 2:21

Hallom na situ ku bay paagad-agad, kawu-kawu tawbatan danda looy na kajinahan na, sugaꞌ yaꞌ du ya kuhi nawbat.

Siga Pakaradjaan bay Pinalahil 2:5

Kamura-murahan tabista bi du ehe pagbiddaan bay aseꞌ bi niyaku maruhuꞌ maka batnaa, boꞌ bi nawbat. Bong ina kam yaꞌ nawbat, pilu du sina ku, boꞌ lakkahan ku palitaan bi ddas ka pananggehan na.