Matiyu 10:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Awon siga rasul looy siꞌ sikasapu-duwa yana ituu: Duhuꞌ si Saymon ma pinag-awnan si Pitel maka danganakan na si Andru. Pasunuꞌ, si Yaꞌkub maka danganakan na si Yahiya, siga anak si Sibidi.

Matiyu 10:2 Iomraidhean Croise

Matiyu 17:1

Na luu jaꞌ siꞌ bay pingkaꞌ nnom ngallaw, lay na baw boo si Isa ga si Pitel ka ilooy duwa magdanganakan, yana ga si Yaꞌkub ka si Yahiya, pa taꞌ punu langkaw, sila-sila jaꞌ.

Matiyu 20:20

Pag-anu siꞌ, pasōng na baw nda si Sibidi ka ga anak na si Yaꞌkub ka si Yahiya pa mman si Isa. Luu jaꞌ siꞌ sila ni awpan na, kuwan danda looy lay pakokoꞌ maka yuk na, “Tuwan, bong siꞌ kadarihan ningkau, luu la paku ku ningkau.”

Matiyu 26:37

Sugaꞌ lay gi baw boo na si Pitel ka ga anak si Sibidi sikaduwa. Pag-anu, takkahan susa na si Isa maka yaꞌ na katoon-toonan na parasahan na.

Matiyu 4:18

Na disu llaw sasang si Isa lumān ni bihing Danaw Jalil, luu takita na duwa lalla padidilawut ngalambat, yana si Saymon ma pinag-awnan si Pitel ka danganakan na si Andru.

Matiyu 4:21

Pag lanja ga si Isa, luu na baw takita na duwa lalla magdanganakan du inawnan si Yaꞌkub maka si Yahiya, ga anak si Sibidi. Bbuwatan da munaan pukut da taꞌ kumpit da ka mmaꞌ da. Pag-anu siꞌ, lay du sila linganan si Isa nohoꞌ mmeꞌ niiya.

Malkus 1:29

Pag pōꞌ ga si Isa man langga looy, lay sila pa lumaꞌ ga si Saymon ka si Andru. Ga si Yaꞌkub pun ka si Yahiya luu na du bay mmeꞌ ninsila.

Malkus 13:3

Pag-anu siꞌ, lay na baw patukad ga si Isa pa taꞌ Punu Jaytun boꞌ da ningkōꞌ paawop pa langga mehe ni dambilaꞌ labbak. Pag-anu siꞌ, lay pasōng ga si Pitel ka si Yaꞌkub, si Yahiya ka si Andru, sila-sila jaꞌ, pa mman si Isa, yuk da,

Malkus 6:30

Na balik ta pa siga rasul si Isa, pag beleng da bay ngalataan lahat, nuntut na sila ni si Isa mimon bay pabuwat da sampay ilooy ma bay tōꞌ da.

Lukas 11:49

Sangkon, ni kalawom akka Tuhan, ndang luu na bay garaꞌ na mungka kalaatan bi. Yuk Tuhan maruhuꞌ, ‘Sohoꞌ ku du sina mintu kanabi-nabihan ka ga rasul pa mman bangsa Yahudi. Pag pōꞌ da ina mintu, kasohean bininsanaꞌ, kuwan kasohean sampay pinapatoy!’ ”

Lukas 22:14

Na pag taabut jaꞌ siꞌ waktu, siharung-harung na si Isa ka ga rasul na mangan.

Lukas 22:8

Dari yuk si Isa ni ga si Pitel ka si Yahiya, “Duhuꞌ na doꞌ kam pilay manyap ni paballangan tabi supaya tahan tabi mangan kohap.”

Lukas 9:10

Na balik ta pa siga rasul si Isa siꞌ, pag beleng da bay ngalataan lahat, lay na tuntutan da si Isa mimon bay pabuwat da. Pag lupus, lay na baw sila binoo meꞌ si Isa song pilay pa tagan daira inawnan Betsayda, sila-sila jaꞌ.

Yahiya 12:22

Dari lay doꞌ si Pilip maan si Andru, boꞌ da pa mman si Isa mahati.

Yahiya 13:23

Disu sila, yana si Yahiya ma tigiꞌ nganggalla dī na ilooy ma kaasean si Isa, ndang luu ningkōꞌ ni bihing si Isa pasande-sande niiya.

Yahiya 20:2

Dari siꞌ, lay ya sonse pa mman si Pitel ka mulit looy ma kaasean si Isa nuntutan sila, yuk na, “Luu la bay ngalakkahan mayat Papuꞌ tabi man jawom kubu na, boꞌ yaꞌ san katoonan kami bong nnoy man da bay ngannaꞌ!”

Yahiya 21:2

Ndooy siꞌ, luu ga si Saymon Pitel ka ga si Tomas ma pinagdē si Kamba, ka si Natanyel, lalla man Kana ndooy ni Jalil. Maka luu gi siga anak si Sibidi ka luu gi duwa pagkahi da mulit.

Yahiya 21:20

Dari lay du si Pitel mmeꞌ. Mulit looy pun ma kaasean si Isa lay na du mmeꞌ patuhut. Iya na silay mulit looy ma bay pasande-sande ni Papuꞌ Isa sasang da mangan bay sangom looy. Maka iya na du bay gi nilaw bong soy song nipu si Isa. Na pag teleꞌ si Pitel, takita na na ya patuhut.

Yahiya 21:24

Na mulit looy siꞌ ma bay pinagbitsalahan, yana aku na situ ma nuntut mimon salsila tuu ma bay suwatan ku. Na kami itu sukuꞌ si Isa, katoonan kami bana sadjaꞌ mimon ituu ma bay tuntut ku siꞌ.

Yahiya 6:67

Pag ndaꞌ si Isa meꞌ looy, yuk na ni siga mulit na sikasapu-duwa, “Pooy tu la kaam? Doman du kam patatak?”

Yahiya 6:70

Pag-anu yuk si Isa, “Saꞌ ba, luu kam sapu-duwa bay peneꞌ ku? Sugaꞌ luu situ disu ningkaam sineytan.”

Yahiya 6:71

Ilooy bay awnan si Isa yana si Judas, anak si Saymon Iskariyut, batan katoonan si Isa san si Judas tabeꞌ ni mulit na sikasapu-duwa, song hallom luu du masa na nipu iya.

Yahiya 6:8

Pag-anu, yuk mulit si Isa disu, yana si Andru, danganakan si Saymon Pitel,

Salsila siga Rasul 1:13

Siga rasul looy ilay siꞌ yana ga si Pitel, si Yahiya, si Yaꞌkub, si Andru, si Pilip, si Tomas, si Baltolome, si Matiyu, si Yaꞌkub, yana anak si Alpiyus, si Saymon ma bay pingkaꞌ ngatuhan parinta Rom, maka si Judas yana anak si Yaꞌkub. Takka jaꞌ siꞌ sila pa Jerusalem, lay sila dutai pa jawom bilik luha ni kaduwa pangkat lumaꞌ man da tamban.

Salsila siga Rasul 1:26

Na lupus jaꞌ siꞌ sila bay maku duwaa, lay takoot da yana awon si Matiyas. Dari iya na bay pinatabeꞌ ni ga rasul si Isa ma sapu-dambuwaꞌ.

Salsila siga Rasul 12:2

Boꞌ lay gi sohoꞌ na pinonggolan kallong si Yaꞌkub, yana danganakan si Yahiya.

Salsila siga Rasul 3:1

Pag-anu, luu disu llaw, lay pilay si Pitel ka si Yahiya pa langga mehe ga lisag tallu kohap, yana disu waktu man jama pōꞌ maku duwaa pa Tuhan.

1 Korin 15:7

Pag-anu, lay na baw ya patammu ni si Yaꞌkub, boꞌ na patammu pabalik ni siga rasul na sikamimon.

Epesus 4:11

Na ni kapasal jinisan kapandoyan bilang ladjikiꞌ ma ndean meꞌ Almasi, kasohean jama pineneꞌ binuwat rasul na. Kasohean binuwat tukang masampay siga umanat bay pinalahil meꞌ Rū Sutsiꞌ ninsila. Kasohean binuwat tukang masaplag umanat mahap. Kasohean pineneꞌ binuwat pa-mmean ngayaran siga baanan sukuꞌ si Isa. Maka kasohean binuwat guru.

Hibrani 3:1

Na siga danganakan ku, yana sukuꞌ Tuhan, kaam ina, meꞌ aku na du, lay na lliyun meꞌ Tuhan pa jawom okoman na. Sangkon kannahun bi na si Isa ma pinagbāꞌ meꞌ tabi ni manusiyaꞌ iya rasul Tuhan ka panghuluꞌ imam ma asahan tabi.

1 Pitel 1:1

Ituu itu aku, si Pitel, disu rasul si Isa Almasi. Itu suwat ku pa mman bi ma bay pineneꞌ meꞌ Tuhan, yana kaam ma sampi ni junyaꞌ tuu magkanatan nnaa ni Pontus, ni Galatiya, ni Kapadosiya, ni Asiya sampay ni Bitiniya.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

2 Yahiya 1:1

Ituu itu aku, yana si Yahiya, disu pa-mmean ni sukuꞌ si Isa. Itu suwat ku pa mman danda looy ma bay pineneꞌ meꞌ Tuhan sampay pa mman siga anak na. Maaseꞌ ku banahan ningkaam. Sarī man aku, sampay mimon ntuu ma toon kabanahan, maaseꞌ du ningkaam.

3 Yahiya 1:1

Ituu itu aku, yana si Yahiya, disu pa-mmean sukuꞌ si Isa. Itu suwat ku pa mman nu Gayus. Kau ina bagay ku ma kaasean ku banahan.

Siga Pakaradjaan bay Pinalahil 1:1

Isi kitab tuu yana siga pakaradjaan ma bay pinalahil meꞌ si Isa Almasi, yana hāl ma yaꞌ na hallom talpaksaꞌ tinakdil. Labbasakayi lay na bay pinamāꞌ meꞌ Tuhan ni si Isa supaya tapalahil na meꞌ na ni siga sosohoan na. Meꞌ si Isa bay malahil, lay ya bay nohoꞌ malaikat na pa mman sosohoan na si Yahiya, yana aku.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.

Siga Pakaradjaan bay Pinalahil 18:20

Pag-anu, yuk suwara looy lagi, “Kaam, siga kanabi-nabihan ka ga rasul sampay mimon sukuꞌ Tuhan ma luu na ntuu ni sulgaꞌ, subay kam gāk banahan. Subay kam gāk sabap lai na daira looy llabuan meꞌ Tuhan hukuman, yana hisab ni kalaatan bay pabuwat na ningkaam.”

Siga Pakaradjaan bay Pinalahil 22:8

Na ilooy ilay siꞌ mimon ma bay tuntut ku, aku na mismu, yana si Yahiya, bay kale sampay bay ngita. Pus ku bay pinakitahan mimon pakaradjaan looy siꞌ meꞌ malaikat looy, ilooy ma magti ku sujud numba ni battis na.