Matiyu 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Ituu tu usuwan siga pangkatan kabboꞌ-bboan si Isa Almasi, panubuꞌ Sultan Daud, yana disu panubuꞌ Nabi Ibrahim.

Matiyu 1:1 Iomraidhean Croise

Panagnaan 12:3

Sagannap ma mitsala kau pa kaayaran, supaatan ku du sina. Sugaꞌ soysoy baw ina numpaan kau, sumpaan ku du. Bbos-bbos kau ina poonan man mimon kabangsa-bangsahan taꞌ babaw junyaꞌ koleꞌ supaat.”

Panagnaan 2:4

Na balik ta pa salsila Tuhan bay mapayak junyaꞌ ka langit, meꞌ tuu karuha na: Sibuwa na mapayak,

Panagnaan 22:18

Maka bbos-bbos ina mimon kabangsa-bangsahan sinupaatan man sabapan panubuꞌ nu sabap meꞌ nu bay ngasip niyaku.’ ”

Panagnaan 5:1

Na balik ta pa jaman Tuhan bay mapayak manusiyaꞌ, yana si Adam ka si Hawa, lay pinabuwat meꞌ na ni limbagan arat-tabiat na. Pag-anu, boꞌ da sinupaatan meꞌ na sampay inawnan “manusiyaꞌ”. Na ituu batnaa yana listahan ga panubuꞌ si Adam.

Matiyu 1:18

Na si Isa Almasi ilay bay pinamaddihan, meꞌ tuu karuha na. Nneꞌ na, yana si Mariyam, lay sipagtunang ka si Yusup. Sugaꞌ niyaꞌ gi san sila bay takawin, ndang lay na ya battong man kawasa Rū Sutsiꞌ.

Matiyu 1:2

Labba man jaman Nabi Ibrahim ngabut sampay Sultan Daud, ituu na siga pangkatan kabboꞌ-bboan si Isa: Nabi Ibrahim mmaꞌ si Isahak, si Isahak mmaꞌ si Yaꞌkub, si Yaꞌkub mmaꞌ si Juda ka siga danganakan na.

Matiyu 15:22

Ndooy siꞌ, luu disu danda bangsa Kanan lay pilay pa mman si Isa nganjunjung, yuk na, “Ū Tuwan, panubuꞌ Sultan Daud, panimbangan doꞌ ku sabap tud malasahi la anak ku bay inasok meꞌ seytan.”

Matiyu 3:16

Pag tunga si Isa man jawom boheꞌ, sarunduun takita na langit pabukaꞌ maka luu na Rū Sutsiꞌ duwai meꞌ dagbos atsang, boꞌ na nampi taꞌ baran na.

Matiyu 9:27

Pag lakka ga si Isa mandooy, luu na baw duwa lalla buta patuhut ngahowapan iya, yuk da, “Ū panubuꞌ Sultan Daud, panimbangan doꞌ kami.”

Lukas 1:33

Maka anak nu ina mintu magbayaꞌ ni siga pagkahi nu panubuꞌ si Yaꞌkub saumu. Boꞌ na, pamarinta na ina yaꞌ na luu katapusan na.”

Yahiya 7:42

Saꞌ ba, yuk njawom kitab, Almasi konoꞌ panubuꞌ Sultan Daud maka lahil du ya ni Betlehem, kawum man Sultan Daud bay pinamaddihan?”

Salsila siga Rasul 2:30

“Na maruhuꞌ ilay, sasang Nabi Daud masi magsultan ni Israil, lay ya njanjian meꞌ Tuhan binuwanan disu panubuꞌ ma magsultan saumu-umu. Boꞌ lay gi sinapahan meꞌ Tuhan. Dari, lay na du kinanna meꞌ Nabi Daud. Maka taabut na bay nuwat bitsala looy siꞌ, ilooy ma yuk na, ‘Yaꞌ du ku pabiya nu ni tahanan jama matoy,’ maka ‘Yaꞌ du ku pabiya nu ngahaluꞌ njawom kubu,’ ndang katoonan Nabi Daud saꞌ du tuwaꞌ pa dī na. Arapun, meꞌ iya disu nabi, bay jaꞌ ya mōꞌ tunaꞌ pasal kadarihan panubuꞌ na ma bay bāꞌ Tuhan magsultan saumu-umu. Dari, sabapan tunaꞌ looy, tahati tabi na hantak bitsala Nabi Daud pinakallum du Almasi pabalik.

Suwat si Pol pa mman Baanan Sukuꞌ si Isa ndooy ni Rom 1:3

Umanat mahap ina yana pasal Anak Tuhan, Papuꞌ tabi si Isa Almasi. Ni kapasal pagkamanusiyaꞌ na, panubuꞌ Sultan Daud ya. Ni kapasal pagkaTuhan na, sutsiꞌ gi ya man sutsiꞌ, boꞌ tumatandaꞌ na Anak Tuhan ya Sangat Kawasa sabap meꞌ na bay llum pabalik.

Suwat si Pol pa mman Baanan Sukuꞌ si Isa ndooy ni Rom 4:13

Na ni awwal jaman, ndang bay nganjanjiꞌ Tuhan ni Nabi Ibrahim ngandean junyaꞌ niiya sampay ni ga panubuꞌ na bbos-bbos. Na Tuhan ilay bay nganjanjiꞌ meꞌ looy, saꞌ ga sabap meꞌ Nabi Ibrahim bay mogbogan saraꞌ, arapun sabap meꞌ na pitsayaꞌ pa Tuhan. Sampay ilooy na man na bay initung intong. Sangkon, bong inawnan mogbogan saraꞌ, yaꞌ luu kabigiꞌ-bigian na ni bay janjiꞌ Tuhan ni Nabi Ibrahim.

Suwat si Pol pa mman Baanan Sukuꞌ si Isa ndooy ni Rom 9:5

Maka kabboꞌ-bboan kami ilay yana Nabi Ibrahim, Nabi Isahak ka Nabi Yaꞌkub. Boꞌ na, pōꞌ man bangsa kami lagi Almasi bong inikut usuwan pagkamanusiyaꞌ na. Iya ilay yana Tuhan, ilooy ma magbayaꞌ ni sikamimon. Pudji mehe niiya saumu-umu. Amin.

Galatiya 3:16

Meꞌ naa du sina karuha bay pagsulutan Tuhan ka Nabi Ibrahim. Yaꞌ du dari sinampunan atawa kinulangan. Hati na, janjiꞌ Tuhan ni pagsulutan da ka Nabi Ibrahim yaꞌ du tasampunan ka saraꞌ Nabi Musa ma bay pasunuꞌ paddus mpat hatus tallumpūꞌ taun. Na bong ina lay na baw sinampunan ka saraꞌ, malaingkan yaꞌ na sā pagsulutan Tuhan ka Nabi Ibrahim. Na njawom janjiꞌ Tuhan ni Nabi Ibrahim, yuk na, “Bbos-bbos mimon kabangsa-bangsahan sinupaatan man sabapan panubuꞌ nu.” Na jaman Tuhan ilay bay halling, “man sabapan panubuꞌ nu,” saꞌ silay ga panubuꞌ Nabi Ibrahim ma meka bay awnan Tuhan, arapun tuwaꞌ pa disu du panubuꞌ na, yana Almasi.

1 Timuti 2:5

Kabanahan ina meꞌ tuu: Tuhan ina disu du. Damikiyan, disu du utusan ni antaraꞌ Tuhan ka manusiyaꞌ, yana si Isa Almasi, pagkahi tabi manusiyaꞌ.

2 Timuti 2:8

Kannahun na pin kabanahan pasal si Isa Almasi. Numbul satu, pus na bay pinapatoy, lay du ya pinakallum pabalik. Maka iya na Sultan bay tinunaꞌ mattoꞌ, ma panubuꞌ Sultan Daud. Inaa ina yana umanat mahap ma ndang pinasaplag meꞌ ku.

Siga Pakaradjaan bay Pinalahil 22:16

Yuk si Isa lagi, “Aku na mismu bay nohoꞌ malaikat ku malahil siga pakaradjaan tuu siꞌ ningkaam siga baanan sukuꞌ ku. Aku na situ panubuꞌ Sultan Daud ma bay tinunaꞌ njawom kitab. Maka aku itu ginalla Kababbasan Dantaꞌ.”