Lukas 9:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Na pag taaka Gubnul Herod pasal mimon bay kadarihan ga si Isa, yaꞌ na katoon-toonan na pamiki na sabap baꞌ-bāꞌ kasohean si Isa yana si Yahiya ma Tukang Mandi llum na pabalik.

Lukas 9:7 Iomraidhean Croise

Matiyu 11:2

Ni waktu looy siꞌ, kuwan si Yahiya ma Tukang Mandi, lay tajīl. Ndooy siꞌ, lay ya kaakahan pasal pabuwatan si Isa Almasi. Dari lay ya nohoꞌ mulit na kasohean pilay pa mman si Isa nohoꞌ nilaw.

Malkus 8:28

Tampung da, “Pamāꞌ kasohean, kau konoꞌ yana si Yahiya ma Tukang Mandi; yuk kasohean baw, kau konoꞌ Nabi Eliyas atawa disu nabi sarī man maruhuꞌ-ruhuꞌ luu na bay pinakallum.”

Lukas 13:31

Pus si Isa mitsala meꞌ looy, luu na baw pasōng pa mman na siga Parisi, yuk da, “Lakka na ko mantuu batan Gubnul Herod ilay doman mapatoy kau.”

Lukas 21:25

Maka yuk si Isa, “Bbos-bbos luu du sina pakaradjaan kahaylan-haylan tuwaꞌ ni mataallaw, ni buwan sampay ni siga potean. Mimon ina mintu kabangsa-bangsahan yaꞌ na katoon-toonan da parasahan da. Sinawan na sila sabapan ga lamba ag-agan na magsaw-simpāk na ngallub ni dilawut.

Lukas 23:7

Tampung da, “Ohoꞌ, Tuwan Gubnul.” Tasayu jaꞌ siꞌ meꞌ Gubnul Pilatu si Isa jama Jalil, lay na sohoꞌ na binoo pa mman Gubnul Herod hinukum batan Jalil ilay njawom sakup na. Sarī gi, luu gi du Gubnul Herod ni Jerusalem waktu looy.

Lukas 3:1

Na luu jaꞌ daka dangon taun bay pingkaꞌ, kuwan si Yahiya, yana anak si Jakariya, lay binuwanan meꞌ Tuhan umanat waktu na maglahat ndooy ni lahat lau-lau yaꞌ maglumaꞌ. Ilooy siꞌ bay magkadarihan meꞌ looy sasang si Tiberius panghuluꞌ sultan ni bangsa Rom luu na sapu-liman taun. Boꞌ ilooy na du silay masa man si Puntus Pilatu maggubnul ni Yahudiya. Si Herod Antipas pun, maggubnul du ndooy ni Jalil. Maka danganakan na si Pilip maggubnul du ndooy ni Ituriya ka Tarakuniti. Maka luu gi gubnul ni Abilin inawnan si Lisani. Lay du magsabtan ka jaman si Kayapas gantiꞌ si Annas binuwat panghuluꞌ imam.

Lukas 9:19

Tampung da, “Pamāꞌ kasohean, kau na konoꞌ si Yahiya ma Tukang Mandi lay na llum pabalik. Yuk kasohean baw, kau na konoꞌ Nabi Eliyas atawa disu nabi sarī man maruhuꞌ-ruhuꞌ bay pinakallum pabalik.”