Lukas 9:52 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵² Dari lān ga si Isa siꞌ pilay, luu ni duhuan da disu kawum bangsa Samariya. Dari lay doꞌ si Isa maruhuꞌ siga jama pa kawum looy nohoꞌ miha man da pahantiꞌ.

Lukas 9:52 Iomraidhean Croise

Matiyu 10:5

Pag-anu siꞌ, lay na sohoꞌ si Isa siga lalla looy siꞌ sikasapu-duwa ngalataan lahat masaplag. Sugaꞌ yaꞌ gi sila bay lakka, tugun si Isa ninsila, “Daa na doꞌ kam pilay pa siga kawum jama saꞌ Yahudi atawa pun pa siga daira pinaglahatan meꞌ bangsa Samariya.

Lukas 10:1

Pus meꞌ looy, lay na baw Papuꞌ Isa meneꞌ pitumpuꞌ-duwa jama ni baanan ma mmeꞌ niiya. Pag-anu, boꞌ da sohoꞌ na lumān masaplag pa siga daira ka ga kakawum-kawman ma song tiniluꞌ meꞌ na. Meꞌ na bay nohoꞌ sila lumān, duwa-duwa maglimbang paninggai-paninggai jaꞌ tiluꞌ da.

Lukas 10:33

“Yaꞌ hallom, pasunuꞌ na baw disu lalla bangsa Samariya. Pag takita na lalla looy, kapaluuy ya san iya bangsa kinagigitan meꞌ bangsa Yahudi.

Lukas 17:11

Na pag palanja ga si Isa pa Jerusalem, lay sila pingkaꞌ ni panggaan Samariya ka Jalil.

Lukas 17:16

Pag takka na pa mman si Isa, lay ya sujud ni awpan na sambayan na magsuku. Iya ilay siꞌ bangsa Samariya.

Lukas 7:27

Batan iya na silay sosohoan looy ma bay awnan Tuhan njawom kitab ma pōꞌ duhuꞌ man Almasi. Yuk Tuhan ni Almasi, ‘Bbos-bbos luu sina sohoꞌ ku duhuꞌ man kau disu sosohoan ku masaplag mari saddiya na jama ni katakka nu.’ ”

Yahiya 4:4

Lān da pilay, talpaksaꞌ sila pingkaꞌ man Samariya.

Yahiya 4:5

Ndooy siꞌ ni Samariya, lay na sila nakka pa bihing disu daira inawnan Saykal, tapit pa tanaꞌ ma bay ndean meꞌ Nabi Yaꞌkub ni anak na si Yusup maruhuꞌ-ruhuꞌ.

Yahiya 4:9

Yuk danda looy baw siꞌ tu, “Hati, kau bangsa Yahudi, ongoy baw taggahaꞌ ko nohoꞌ pinainuman niyaku? Aku bitu bangsa Samariya.” Ngkon na bay halling meꞌ looy sabap bangsa Yahudi tanyag yaꞌ kuhi maglamud ka bangsa Samariya.

Yahiya 8:48

Pag tampung siga Yahudi ndooy, “Tud bana du hati bay halling kami kau bangsa Samariya, boꞌ sineytan gi ko.”