Lukas 9:51 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵¹ Na tapit jaꞌ siꞌ waktu man si Isa pabeleng pa sulgaꞌ, katobtoban pamiki na, subay ya pilay na pa Jerusalem.

Lukas 9:51 Iomraidhean Croise

Malkus 16:19

Paddus Papuꞌ Isa bay mitsala ninsila, ilooy ma lay na ya inangkat pa sulgaꞌ. Pag-anu, boꞌ na ningkōꞌ ni bihing Tuhan huwin pa kawnan.

Lukas 12:50

Sugaꞌ lumingkaꞌ doꞌ situ ku duhuꞌ njawom kabinsanaan mehe. Sangkon yaꞌ na pin situ sannang pamiki ku ngkod-ngkoran yaꞌ gi bay paddus.

Lukas 13:22

Pag-anu siꞌ, lān si Isa palanja pa Jerusalem, lay gi ya maghāsan ni siga daira ka ga kawum ma bay lingkaan na noan jama.

Lukas 17:11

Na pag palanja ga si Isa pa Jerusalem, lay sila pingkaꞌ ni panggaan Samariya ka Jalil.

Lukas 18:31

Pag-anu, lay binoo meꞌ si Isa ga mulit na sikasapu-duwa palawak-lawak dangkitiꞌ man ga baanan jama ndooy, boꞌ da binaan, yuk na, “Pakale doꞌ kam. Batnaa pilay na tabi pa Jerusalem. Pag takka tabi ndooy ilay mintu, binakbul na mimon tunaꞌ njawom kitab kanabi-nabihan pasal aku, yana Anak Manusiyaꞌ.

Lukas 19:11

Na pag tapit jaꞌ siꞌ si Isa pa Jerusalem, kuwan ga jama ma mmeꞌ niiya, holat da pag takka da pilay, matangge na si Isa pamarinta Tuhan, boꞌ iya na magsultan ninsila. Pag tabistu si Isa meꞌ looy pamiki da, lay ya ngandalil,

Lukas 19:28

Paddus si Isa mitsala meꞌ looy, lay na sila palanja pa Jerusalem.

Lukas 24:51

Sasang na masi nupaatan sila, lay na ya inangkat pa sulgaꞌ.

Lukas 9:57

Lān da siꞌ palanja, luu disu lalla pa mman si Isa, yuk na, “Tuwan, mmeꞌ ku la ningkau paninggai-paninggai jaꞌ ko.”

Yahiya 13:1

Na tapit jaꞌ siꞌ paballangan Ngalingkaꞌ, ndang katoonan si Isa na tapit na waktu man na ngambanan junyaꞌ sampay pabeleng pa mman Mmaꞌ na. Na iya siꞌ tu, labba man sibuwa ngabut sampay pa katapusan, ndang maaseꞌ ya ni siga mulit na ntuu ni junyaꞌ.

Yahiya 16:28

Boꞌ bana du aku bay pitu pa junyaꞌ lakka man Mmaꞌ ku. Pag batnaa, lakka na baw ku man junyaꞌ beleng pa mman na.”

Yahiya 16:5

“Yaꞌ hallom, pabeleng na ku pa mman ilooy ma bay mapitu aku. Sugaꞌ ndaꞌ ku, yaꞌ na kam luu nilaw bong paninggai ku.

Yahiya 17:11

Batnaa tu, yaꞌ na ku hallom taꞌ junyaꞌ tuu batan song pilu na ku pa mman nu. Sugaꞌ siga mulit ku, tamban na jaꞌ ntuu. Sangkon Maꞌ, kau Mahasutsiꞌ, tabangan nu sa sila supaya sila kanaalla ni awon nu yana awon ma bay dean nu aku. Meꞌ naa ina, meꞌ kita na du sila dambuwaꞌ atay.

Yahiya 6:62

Marean ta pitsayaꞌ du kam ni bitsala ku bong mintu takita bi na Anak Manusiyaꞌ, yana aku, nuwi-nuwi pa jataꞌ pa bay limpaꞌ man ku maruhuꞌ.

Salsila siga Rasul 1:2

ngabut sampay na bay inangkat pa sulgaꞌ. Na yaꞌ gi siꞌ ngabut waktu na bay inangkat pa sulgaꞌ, katoonan nu na du, lay ya pinapatoy llansang taꞌ tehang. Sugaꞌ pag patoy na, lay du baw ya pinakallum meꞌ Tuhan. Llum jaꞌ siꞌ ya pabalik, luu gi mpatpūꞌ ngallaw halloman na daran gi nammuhan siga rasul na ma bay peneꞌ na man tabang Rū Sutsiꞌ. Boꞌ meka gi buktiꞌ bay pakitahan na sila mari tatantu da tud lay na ya llum pabalik. Maka lay gi sampunan na pangahati da pasal pamarinta Tuhan. Na tapit jaꞌ siꞌ waktu man na inangkat pa sulgaꞌ, luu siga panohoan bay sohoꞌ na binean ni siga rasul na.

Salsila siga Rasul 1:9

Paddus si Isa mitsala ninsila, ilooy ma lay na ya inangkat pa taꞌ langit ni pag-awpan da sasang da maiman. Sampay yaꞌ na ya takita kalimbuhan meꞌ tayiꞌ baliyu.

Epesus 1:20

lay na tumatandaꞌ njataꞌ Almasi jaman na bay pinakallum sampay inangkat pa sulgaꞌ. Pag-anu, boꞌ na pinatingkōꞌ ni bihing Tuhan huwin pa kawnan.

Pilipi 3:14

Aku itu meꞌ sapantun jama lalumbaan magtuyuꞌ sonse pa tōng lumbaan mari takoleꞌ ku haddiya ma ndean meꞌ Tuhan. Batan ndang inaa sina maksud Tuhan bay ngaliyun kitabi pa jawom okoman na. Kahandak Tuhan ina, takoleꞌ tabi na kaallum meꞌ looy man sabapan pagkatibuuk tabi ka si Isa Almasi.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

Hibrani 12:2

Maka subay kitabi tattap magpadduman njataꞌ si Isa. Batan iya suntuan numbul satu man tabi ngita pangando sukup pa Tuhan. Maka sabapan na, patakkoꞌ na pin pangando tabi. Bistahun bi doꞌ, atas na bay natasan kabinsanaan nilansang taꞌ tehang kalnaꞌ kitabi. Maka san kaiyaan niiya binuwat meꞌ looy, yaꞌ du bay paruli na. Batan pinandang meꞌ na kagakan ma takoleꞌ na ni sinōng pag taabut na ngita jama sakiyan salamat. Pag batnaa, lay na ya ningkōꞌ ni bihing Tuhan huwin pa kawnan ndooy ni sulgaꞌ.

1 Pitel 3:22

Na si Isa ilay, lay na inangkat pa sulgaꞌ sampay luu na ya ni bihing Tuhan huwin pa kawnan. Ndooy ilay, iya magbayaan mimon malaikat ka mimon ma ngantanan kawasa-kapatut mahap-maat.