Lukas 9:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Sugaꞌ bong baw kam bay takka ni disu daira man bi yaꞌ hinasi, lakka na jaꞌ kam. Sugaꞌ pag pōꞌ bi man daira looy, papasan bi momok tanaꞌ lahat da man sinilas bi tandaꞌ yaꞌ na luu lamud bi ninsila.”

Lukas 9:5 Iomraidhean Croise

Matiyu 10:18

Kasohean ina kam binoo gi pa awpan siga gubnul ka ga sultan nohoꞌ hinukum sabap meꞌ bi mmeꞌ niyaku. Sugaꞌ ingatun bi inaa na sina lawang man bi masaplag umanat mahap ninsila sampay ni siga jinisan bangsa kapil.

Malkus 6:11

Sugaꞌ bong baw kam bay takka ni disu daira boꞌ bi yaꞌ hinasi atawa yaꞌ pinaruli umanat bi, lakka na kam mandooy. Sugaꞌ papasan bi doꞌ duhuꞌ momok tanaꞌ lahat da ma ngakkot ni sinilas bi tandaꞌ yaꞌ na luu lamud bi ninsila.”

Malkus 9:37

“Soysoy ngahasi jama diyoꞌ pangkat na meꞌ karuha anak-anak tuu kalnaꞌ aku, sibuꞌ du ya ka bay ngahasi aku. Boꞌ na, soysoy ina bay ngahasi aku, saꞌ sina sat aku bay hasi na. Ilooy pun ma bay mapitu aku, hasi na du.”

Lukas 10:16

“Na kuwan kaam siga mulit ku, soysoy ina mintu ngahasi bitsala bi, saliꞌ du sila ka bay ngahasi bitsala ku. Soysoy nuwak kaam, saliꞌ du ka aku bay tuwak da. Maka soysoy nuwak aku, saliꞌ du sila ka nuwak ilooy ma bay mapitu aku.”

Lukas 5:14

Pag-anu, yuk si Isa niiya, “Amay-amay daa ko maꞌ-māꞌ ni jama aku bay ngulian kau. Arapun pilay na ko pa mman imam nohoꞌ maliksaꞌ kuwit nu mari tarang na niiya yaꞌ na ko inipu. Pag-anu, boꞌ nu nong kulban meꞌ ndang bay tinaat ni saraꞌ Nabi Musa supaya kinatoonan na meꞌ mimon lay na ko kaulian.”

Lukas 9:4

Bong kam bay kinaddoꞌ meꞌ jama nohoꞌ pahantiꞌ ni lumaꞌ da, ndooy na jaꞌ mman bi halloman bi yaꞌ gi palakka man daira da.

Lukas 9:48

Pag-anu, yuk na ninsila, “Ngaddoꞌ kam matakaddam ni anak-anak tuu. Soysoy ina ngahasi jama diyoꞌ pangkat na meꞌ karuha anak-anak tuu kalnaꞌ aku, sibuꞌ du sina ya ka ngahasi aku. Damikiyan, sagannap ma ngahasi aku, saliꞌ du sila ka bay ngahasi ilooy ma bay mapitu aku. Indanan bi, soysoy ina pinakadiyoꞌ pangatayan na ni baanan bi, iya na sina patingkat man sikamimon.”

Salsila siga Rasul 13:51

Sugaꞌ tapit jaꞌ siꞌ ga si Pol lakka man lahat looy, lay doꞌ papasan da momok tanaꞌ ma ngakkot ni sinilas da tandaꞌ yaꞌ na luu lamud da ni jama daira looy. Pus meꞌ looy, lay na baw sila pilay pa Ikoniyum.

Salsila siga Rasul 18:6

Sugaꞌ song hallom, lay si Pol sinulang meꞌ da sampay lay gi ya pinitnahan. Dari lay na pappagan na momok tanaꞌ ma ngakkot ni badjuꞌ na tandaꞌ yaꞌ na luu lamud na ninsila. Pag-anu, boꞌ na halling, “Bong ina kam mintu minulkaan meꞌ Tuhan, man kaam na sina, saꞌ na man aku. Labba man batnaa, pa mman siga bangsa saꞌ Yahudi na ku masaplag.”