Lukas 9:39 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁹ Tud malasahi na ya meꞌ seytan. Bila patakka na seytan na, killahap na ga ya, boꞌ magkuweregan lagi sampay ngalappuꞌ na ga behe na. Adak yaꞌ na situ luu hantiꞌ na pinakaat meꞌ seytan na.

Lukas 9:39 Iomraidhean Croise

Malkus 9:18

Bila patakka na seytan na, sarunduun ya humantak sambayan na magkuweregan. Maka ngalappuꞌ na ga behe na sambayan na magkattop sampay ngatto na ga baran na. Dari lay na situ ku siꞌ maku tulung ni siga mulit nu nohoꞌ malakka seytan na, sugaꞌ yaꞌ du bay takoleꞌ da.”

Malkus 9:20

Pag-anu siꞌ, lay na boo da anak-anak looy pa mman si Isa. Pag takita si Isa meꞌ seytan njawom baran anak-anak looy, sarunduun du anak-anak looy magkuweregan sampay humantak, boꞌ na magligiran sampay ngalappuꞌ na ga behe na.

Malkus 9:26

Pag-anu, magti du killahap seytan looy sampay magkuweregan na anak-anak looy meꞌ na, boꞌ na pōꞌ. Dari siꞌ meꞌ hantang mayat na anak-anak looy sampay meka na ga bay kapahalling, “Lay na bitu matoy anak-anak naa.”

Lukas 4:35

Pag-anu siꞌ, ilooy ma sinaggong na seytan looy meꞌ si Isa, yuk na, “Daa ko hibuk! Pōꞌ na ko man jawom baran lalla naa!” Dari ilooy ma magti lalla looy humantak meꞌ seytan na ni awpan da sambayan seytan na lay na pōꞌ lahi. Sugaꞌ yaꞌ du baw bay kongoy-kongoy lalla looy.

Lukas 9:38

Maka luu du disu lalla ni baanan ga jama ndooy nginganan si Isa, yuk na, “Ū Tuwan Guru, junjung ku na ningkau, tabangun doꞌ ba anak ku. Isu-isu iya du situ anak ku.

Lukas 9:40

Bay na situ ku maku tulung ni siga mulit nu nohoꞌ malakka seytan na, sugaꞌ yaꞌ du bay takoleꞌ da.”

Yahiya 8:44

Kaam ina, Ibilis mmaꞌ bi. Dari ilooy karomanan bi pinabuwat, siga pabuwatan ma nulut ni kahandak na. Ibilis ina ndang tukang mapatoy labba man tagnaꞌ. Bong inawnan hāl kabanahan, yaꞌ ya doman palamud sabap yaꞌ luu niiya kabanahan. Bong ya mitsala, dustaꞌ jaꞌ, batan ndang pangandustaꞌ ya. Lagiꞌ na, ndang iya poonan dustaꞌ.

1 Pitel 5:8

Iyakin kam maka papatong kam mamiki sabap Ibilis ina, yana banta bi, doman jaꞌ nasat supaya kam patatak man si Isa. Sibuꞌ du sina karuha Ibilis ka halimaw ngallong, parampong-parampong miha sabbatan na.

Siga Pakaradjaan bay Pinalahil 9:11

Maka luu sultan da, yana malaikat ma ngantanan lowang tangob looy ma yaꞌ mag-ngkoran lawom na. Awon na bong ni pallun Hibrani, “Abaddon”; bong ni pallun Greek, “Apoliyon”. Hatiyan na, Tukang Ngahansu.