Lukas 9:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ Baan ta kam banahan, kasohean ina ma luu nangge ntuu, yaꞌ gi sila bay matoy, ndang takita da na sina mintu katakka pamarinta Tuhan.”

Lukas 9:27 Iomraidhean Croise

Matiyu 16:28

Maka baan ta kam banahan, kasohean kam ma luu nangge ntuu, yaꞌ gi situ kam mintu bay matoy, ndang takita bi na katakka Anak Manusiyaꞌ ddas ka pamarinta na.”

Malkus 14:25

Yuk si Isa lagi, “Baan ta kam banahan, ituu na situ katapusan ku nginum tubaꞌ anggul meꞌ tuu ka kaam. Sakayi ku nginum meꞌ tuu balik, noy bahau na kahalan tabi njawom pamarinta Tuhan.”

Malkus 9:1

Yuk si Isa lagi, “Baan ta kam banahan, kasohean kam ma nangge ntuu, yaꞌ gi situ kam mintu bay matoy, ndang takita bi na katakka pamarinta Tuhan ddas ka kawasa na.”

Lukas 2:26

Lay gi pinalahil meꞌ Rū Sutsiꞌ niiya, yaꞌ gi ya matoy ngkod-ngkoran yaꞌ gi bay takita na tukang nalamat, yana Almasi ma bay njanjiꞌ meꞌ Tuhan.

Lukas 22:18

Baan ta kam, ituu na situ katapusan ku nginum tubaꞌ anggul. Sakayi ku itu nginum meꞌ tuu balik, noy bahau na kahalan tabi njawom pamarinta Tuhan.”

Yahiya 14:2

Ni okoman Mmaꞌ ku ilay, meka patannaan na. Boꞌ aku tu batnaa song pilay na manyap patannaan para ningkaam. Yaꞌ situ ku māꞌ meꞌ tuu ningkaam bong yaꞌ bana.

Yahiya 16:7

Sugaꞌ baan ta kam banahan, aku tu palakka, pa kaayaran du sina ningkaam. Batan pag lakka ku mantuu, sohoꞌ ku sa Tukang Nabang pa mman bi. Sugaꞌ bong itu ku yaꞌ lakka, yaꞌ du ya pitu.

Yahiya 8:59

Pag meꞌ looy jaꞌ siꞌ halling na, lay sila mūt batu man ngahiyak iya. Maksud da mapatoy iya, sugaꞌ yaꞌ bay luu dapat da sabap lay jaꞌ ya llimbuhan sampay lay na lakka man langga looy.

Hibrani 2:9

Sugaꞌ mindoga doꞌ kitabi ni si Isa. Iya ilay bay du ginantaꞌ diyoꞌ man siga malaikat samantalaꞌ. Kon na ilay meꞌ looy supaya ya lumingkaꞌ doꞌ njawom kabinsanaan sampay matoy kalnaꞌ manusiyaꞌ sikamimon, tandaꞌ aseꞌ Tuhan ninsila. Dari sabap bay ya nongan umu na man na nanggung dusa tabi, lay na hinudhuran njataꞌ na pudji ka kabantugan mehe.