Lukas 9:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Batan soysoy ina numbul satu niiya meꞌ na nulut dī na halloman na ntuu ni junyaꞌ, mastiꞌ tiksaꞌ jaꞌ nyawa na saumu. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na labba man junyaꞌ sampay pa ahirat.

Lukas 9:24 Iomraidhean Croise

Matiyu 10:39

Soysoy ina numbul satu niiya meꞌ na nulut dī na halloman na ntuu ni junyaꞌ, mastiꞌ tiksaꞌ jaꞌ nyawa na saumu. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na labba man junyaꞌ sampay pa ahirat.”

Lukas 17:33

Hantak bitsala ku ilay siꞌ, soysoy ina numbul satu niiya meꞌ na nulut dī na halloman na ntuu ni junyaꞌ, mastiꞌ tiksaꞌ jaꞌ nyawa na saumu. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na labba man junyaꞌ sampay pa ahirat.

Yahiya 12:25

“Soysoy ina numbul satu niiya nulut dī na halloman na ntuu ni junyaꞌ, mastiꞌ tiksaꞌ nyawa na. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na saumu labba man junyaꞌ sampay pa ahirat.

Hibrani 11:35

Maka luu gi karandahan bay kapatoyan, sugaꞌ sabapan pangando da, lay na llum pabalik kakasi da. Sugaꞌ luu du baw silay sukuꞌ Tuhan bay sigi-sigi pinakissahan paddi ngabut sampay man da matoy sabap meꞌ da yaꞌ kuhi ngalabbahan pangando da pa Tuhan. Bong siꞌ ilay sila bay kuhi ngalabba, mastiꞌ lay jaꞌ sila pinōꞌ. Sugaꞌ honaꞌ-honaꞌ da, gam na tatasan da supaya sila sannang pag mintu taabut pinakallum pabalik mimon manusiyaꞌ.

Siga Pakaradjaan bay Pinalahil 12:11

Lipara lay na tumanjataꞌ siga pagkahi tabi man Ibilis man sabapan lahaꞌ Bili-bili looy bay tumpa man muwasan dusa da. Maka disu gi danan man da bay tumanjataꞌ sabap meꞌ da bay masaplag umanat Tuhan. Yaꞌ na sila bay sēngan umu da san gi man da matoy kalnaꞌ Bili-bili looy.”

Siga Pakaradjaan bay Pinalahil 2:10

Na mari katoonan bi, luu gi sina mintu kabinsanaan mehe tuwaꞌ njataꞌ bi. Kasohean kam ina tajīl man kapandoyan Ibilis. Sinuwayan sina mintu pangando bi niyaku. Njawom sapū ngallaw yaꞌ sina luu hantiꞌ laug njataꞌ bi. Sugaꞌ daa kam tawu. Magkanaalla jaꞌ kam mmeꞌ niyaku san gi man bi matoy, boꞌ bi sa tungbasan ku ka kaallum ma yaꞌ luu katapusan na.