Lukas 9:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Na luu disu llaw, lay si Isa maku duwaa dangan-dangan na. Pag lupus, lay ya pasōng pa mman ga mulit na ma luu ndooy. Tilaw na ninsila, “Bong ni bitsala jama, soy itu ku konoꞌ?”

Lukas 9:18 Iomraidhean Croise

Matiyu 14:23

Lay jaꞌ siꞌ moleꞌ siga jama looy, lay na baw si Isa patukad pa taꞌ punu dangan-dangan na maku duwaa pa Tuhan. Pag taabut sangom, masi du ya lundooy dangan-dangan na.

Matiyu 26:36

Pag-anu, lay na ga si Isa palanja pa Getsemani. Takka ndooy, yuk na ni ga mulit na, “Ningkōꞌ doꞌ kam ntuu. Pilay doꞌ ku ndē maku duwaa.”

Lukas 11:1

Na luu disu llaw, pus si Isa maku duwaa, yuk disu mulit na niiya, “Tuwan, si Yahiya ma Tukang Mandi lay na la noan siga mulit na bong pooy meꞌ maku duwaa pa Tuhan. Bong siꞌ kadarihan ningkau, toan nu na du kami.”

Lukas 3:21

Na halloman si Yahiya yaꞌ gi bay tajīl, masi meka jama nohoꞌ pinandi niiya. Sampay si Isa lay du pa mman na nohoꞌ pinandi. Na lupus jaꞌ siꞌ si Isa bay pinandi, sasang na maku duwaa, bukaꞌ na langit,

Lukas 6:12

Na luu jaꞌ daka dangoy ngallaw, lay si Isa nukad punu boꞌ na maku duwaa pa Tuhan pupus dambahangi.

Lukas 9:19

Tampung da, “Pamāꞌ kasohean, kau na konoꞌ si Yahiya ma Tukang Mandi lay na llum pabalik. Yuk kasohean baw, kau na konoꞌ Nabi Eliyas atawa disu nabi sarī man maruhuꞌ-ruhuꞌ bay pinakallum pabalik.”

Lukas 9:28

Na pag luu jaꞌ siꞌ ga wawuꞌ ngallaw bay pingkaꞌ, lay na baw si Isa nukad punu maku duwaa pa Tuhan. Maka luu du bay boo na ga si Pitel, si Yahiya, ka si Yaꞌkub.

Lukas 9:29

Sasang si Isa maku duwaa, halin na bantuk luwa na sampay pamakoy na lay na ga papoteꞌ malaas na maka nahayaꞌ na.