Lukas 9:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Pag taabut kohap, pasōng na siga rasul na sikasapu-duwa pa mman na, yuk da, “Tuwan, daa busung, sōn na baanan ga jama looy pilay pa kakawum-kawman miha kalumaan man da tuli sampay mangan batan lahat tuu bitu yaꞌ maglumaꞌ.”

Lukas 9:12 Iomraidhean Croise

Matiyu 14:13

Na pag taaka si Isa lay na pinapatoy si Yahiya, lay ya song pilay taꞌ kumpit ka ga mulit na pa lahat lau-lau yaꞌ maglumaꞌ supaya sila-sila jaꞌ ndooy. Sugaꞌ pag taaka jaꞌ siꞌ meꞌ siga baanan jama lay na ga si Isa lakka, lay du sila patuhut lumān nusu bihing danaw jaꞌ.

Matiyu 15:23

Sugaꞌ yaꞌ san nampung si Isa. Dari pagka amu-amu danda looy patuhut boꞌ hibuk lagi ngalingan, yuk siga mulit si Isa, “Tuwan, danda naa la nasat jaꞌ. Daa busung, sohoun na ba ya lakka.”

Matiyu 15:32

Pag-anu siꞌ, lay na baw linganan si Isa ga mulit na pa mman na. Luu jaꞌ siꞌ, yuk na, “Luuy ku la ni siga jama naa. Tallu ngallaw na sila ntuu mman ku, boꞌ lay na katis lutuꞌ da. Gampang ku mapoleꞌ sila, taggahaꞌ lay na baw mintu sila kappisan ni tangngaꞌ lān ni kalingantu da.”

Lukas 9:11

Sugaꞌ pag taaka ga baanan jama lay na lakka ga si Isa, lay na sila patuhut. Pag taabut da si Isa, lay du sila hinasi meꞌ na sampay lay gi sila tinoan pasal pamarinta Tuhan. Maka soysoy ndooy sakihan, lay du ulian na.

Lukas 9:13

Sugaꞌ yuk si Isa, “Kaam sa ba makan sila.” Yuk da baw siꞌ tu, “Uy, lutuꞌ tabi bitu limam batang du tinapay ka duwa lisu du daying! Bong baw sila ballihan kami balanjaꞌ meꞌ naa na eka da, yaꞌ du takaya kami.”

Yahiya 6:1

Luu jaꞌ daka dangoy ngallaw, lay na baw ga si Isa dutai taꞌ kumpit boꞌ da palintas pa dambilaꞌ Danaw Jalil ma pinag-awnan du Danaw Tiberias.

Pilipi 1:19

katoonan ku man sabapan siga duwaa bi maka tabang Rū si Isa Almasi ni jataꞌ ku, pinōꞌ du ku bbos-bbos.