Lukas 9:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Sugaꞌ pag taaka ga baanan jama lay na lakka ga si Isa, lay na sila patuhut. Pag taabut da si Isa, lay du sila hinasi meꞌ na sampay lay gi sila tinoan pasal pamarinta Tuhan. Maka soysoy ndooy sakihan, lay du ulian na.

Lukas 9:11 Iomraidhean Croise

Matiyu 12:15

Pagka katoonan si Isa niyat siga Parisi looy, lay ya lakka man lahat looy. Jama siꞌ tu sakiyan patuhut niiya. Boꞌ lay gi ya ngulian mimon ma sakihan.

Matiyu 14:14

Pag dungguꞌ ga si Isa, ngita na ya sakiyan jama ngagad iya. Dari siꞌ, kapaluuy ya ninsila sampay lay na ulian na sagannap ma sakihan.

Matiyu 21:31

Pag-anu, tilaw si Isa ni siga pa-mmean looy, “Bong kaam, mamooy ilay bay ngasip mmaꞌ da?” Pag tampung da, “Ilooy bilay ma siyaka.” Yuk si Isa, “Dari ongoy baw ilay ilooy ya disu akig bi? Baan ta kam banahan, siga tukang ninga sukay sampay siga puta, luu na paasok pa jawom pamarinta Tuhan duhuꞌ gi man kaam.

Matiyu 21:43

“Hantak bitsala looy ilay siꞌ, pagka yaꞌ kam kuhi pitsayaꞌ ni kabanahan, kinaddoan na sina mintu sukuꞌ bi ni pamarinta Tuhan, boꞌ ndean jama sarī ma taasahan mmeꞌ ni kahandak Tuhan.

Lukas 1:53

Sagannap ma lingantu, pinaasso leꞌ na ka jinisan kaayaran. Boꞌ jama dayahan ina, palakka na na limboy-limboy tangan sadjaꞌ.

Lukas 5:31

Pag lay jaꞌ takale leꞌ si Isa tilaw da, iya na ya bay nampung, yuk na, “Siga baldusa ilay meꞌ karuha jama saki. Boꞌ jama saki ina subay inulian meꞌ duktul. Boꞌ sagannap ma yaꞌ saki, san daa na.

Lukas 8:1

Yaꞌ hallom, lay na baw si Isa ngalataan siga daira ka kakawum-kawman masaplag umanat mahap pasal pamarinta Tuhan. Maka luu na du bay mmeꞌ siga mulit na sikasapu-duwa.

Lukas 8:10

Pag tampung si Isa, “Kaam, siga mulit ku, ndang sinukuꞌ sina ningkaam pinahatiyan hāl pamarinta Tuhan ma yaꞌ gi bay lahil maruhuꞌ. Sugaꞌ bong ni siga jama sarī ma yaꞌ pitsayaꞌ niyaku, ngkod ngandalil jaꞌ ku man ku noan sila. Kon ku buwat meꞌ looy supaya san sila ngita, sibuꞌ du sila ka yaꞌ ngita. Maka san sila kale, yaꞌ du sila kahati.

Lukas 9:10

Na balik ta pa siga rasul si Isa siꞌ, pag beleng da bay ngalataan lahat, lay na tuntutan da si Isa mimon bay pabuwat da. Pag lupus, lay na baw sila binoo meꞌ si Isa song pilay pa tagan daira inawnan Betsayda, sila-sila jaꞌ.

Lukas 9:12

Pag taabut kohap, pasōng na siga rasul na sikasapu-duwa pa mman na, yuk da, “Tuwan, daa busung, sōn na baanan ga jama looy pilay pa kakawum-kawman miha kalumaan man da tuli sampay mangan batan lahat tuu bitu yaꞌ maglumaꞌ.”

Lukas 9:2

Pus meꞌ looy, lay na sila sinohoꞌ ngalataan lahat masaplag umanat mahap pasal pamarinta Tuhan sampay nohoꞌ ngulian jama ma sakihan.

Yahiya 4:34

Sugaꞌ yuk si Isa ninsila, “Kinakan ku bitu yana mean kahandak ilooy ma bay nohoꞌ aku pitu maka mupus pabuwatan ma bay sinukuꞌ meꞌ na niyaku.

Yahiya 6:37

Sugaꞌ sagannap ma bay sinukuꞌ leꞌ Mmaꞌ ku niyaku, mastiꞌ mmeꞌ jaꞌ sina niyaku. Boꞌ na, sagannap ma mmeꞌ niyaku, yaꞌ sina luu tuwak ku.

Salsila siga Rasul 28:31

Boꞌ yaꞌ na ya bay paagak masaplag ninsila pasal pamarinta Tuhan sampay noan sila pasal Papuꞌ Isa Almasi. Maka halloman na ndooy, yaꞌ na luu bay naggaꞌ iya.

Suwat si Pol pa mman Baanan Sukuꞌ si Isa ndooy ni Rom 10:14

Sugaꞌ yaꞌ baw sina luu jama nohoꞌ sinalamat ni Papuꞌ bong yaꞌ doꞌ sila bay duhuꞌ pitsayaꞌ niiya. Damikiyan, yaꞌ du luu pitsayaꞌ niiya bong sila yaꞌ bay duhuꞌ kale umanat mahap pasal iya. Maka yaꞌ du luu bay kale bong yaꞌ doꞌ luu bay duhuꞌ masaplagan sila.

Suwat si Pol pa mman Baanan Sukuꞌ si Isa ndooy ni Rom 10:17

Sugaꞌ san baw meꞌ looy, luu gi du baw tu pitsayaꞌ. Danan da pitsayaꞌ sabap lay sila kale umanat mahap pasal Almasi. Maka kon da bay kale sabap luu bay masaplagan sila.

Suwat si Pol pa mman Baanan Sukuꞌ si Isa ndooy ni Rom 15:3

Minsan Almasi mismu, yaꞌ du bay magpasannang nganduwan dī na, gam pin kalnaꞌ kitabi, lay gi ya bay natasan jinisan kabinsanaan. Boꞌ sikatuwaꞌ du ka suwat njawom kitab, ilooy ma yuk Almasi, “Ū Tuhan, bitsala pangka man jama madiyoꞌ kau, lay na labuꞌ pa jataꞌ ku.”

2 Timuti 4:2

masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.

Hibrani 4:16

Dari pagka luu na panghuluꞌ imam asahan tabi ma yaꞌ luu sibuꞌ sabanding na, daa na kitabi loman maku tabang pa Tuhan yana poonan aseꞌ. Batan iya ina manimbang ningkitabi maka iya du muwanan kitabi tabang sumilan-sumilan gunahan ningkitabi.