Lukas 9:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Na balik ta pa siga rasul si Isa siꞌ, pag beleng da bay ngalataan lahat, lay na tuntutan da si Isa mimon bay pabuwat da. Pag lupus, lay na baw sila binoo meꞌ si Isa song pilay pa tagan daira inawnan Betsayda, sila-sila jaꞌ.

Lukas 9:10 Iomraidhean Croise

Matiyu 11:21

yuk na, “Kaam, jama man Korasin ka Betsayda, tud siya-siya kam. San meka na sipat kawasa Tuhan bay pakitahan ku kaam, yaꞌ du kam bay kuhi nawbat. Bong siꞌ ilay ndang bay na pinakitahan ni jama Tayil ka Saydon mattoꞌ, hallom na sila bay nawbat. Ndang lay na silay sila matuk karut kasap sampay ngannaan kōk da abu tandaꞌ da sasso ni bay dusa da.

Malkus 2:7

“Uy, pangka bina bitsala na! Buwat ya dī na subay ga Tuhan! Isu-isu Tuhan bina luu kapatut na muwasan dusa!”

Lukas 10:17

Na hallom maka hallom na, luu na bay pabeleng ga mulit si Isa ilooy siꞌ ma sikapitumpuꞌ-duwa. Tud bay gāk sila maka yuk da ni si Isa, “Tuwan, sampay siga seytan ngasip jaꞌ la ningkami bong awon nu sabbut kami!”

Hibrani 13:17

Asipun bi siga pa-mmean bi sukuꞌ si Isa. Lillaꞌ jaꞌ kam ninsila batan sila ina ngayaran kaam mari sambu nyawa bi. Maka katoonan da du sina, luu jaꞌ masa ni sinōng paawop na sila pa Tuhan magsabanna bong pooy meꞌ da bay buwat ilooy ma bay sinukuꞌ ninsila. Dari bong ina bean bi jaꞌ sila, mastiꞌ gāk du sila ngayaran kaam. Sugaꞌ bong ina niyaꞌ, susa sina sila. Boꞌ na, kalugian gi ningkaam.