Lukas 9:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na luu disu llaw, lay linganan si Isa ga rasul na sikasapu-duwa nohoꞌ kumpo pa bihing na. Luu jaꞌ siꞌ, lay sila buwanan na kawasa-kapatut malakka siga seytan sampay ngulian jama sakihan.

Lukas 9:1 Iomraidhean Croise

Matiyu 16:19

Maka Pitel, buwanan ta na ko kapatut meꞌ sapantun kunsiꞌ man mukisan lawang pa jawom pamarinta Tuhan. Dari oy-oy tinagga meꞌ nu ntuu ni junyaꞌ, tinagga du sina meꞌ Tuhan. Oy-oy padari nu ntuu ni junyaꞌ, pinadari du sina meꞌ Tuhan.”

Matiyu 4:24

Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Matiyu 8:9

Aku tu, tahati ku hāl kapatut, batan aku disu ndiyoan kapatut panghuluꞌ kami; damikiyan, luu du siga sundalu ndiyoan kapatut ku. Dari bong sohoꞌ ku dangan pilay, pilay du. Bong sohoꞌ ku disu pitu, pitu du. Maka bong sohoꞌ ku tindog ku buwat, buwat du. Labi na saꞌ subay inasip bong kau na bay nohoꞌ. Sangkon, tatantu ku bong ko bay jaꞌ ngabtang mantuu, mastiꞌ kaulian jaꞌ tindog ku.”

Lukas 10:1

Pus meꞌ looy, lay na baw Papuꞌ Isa meneꞌ pitumpuꞌ-duwa jama ni baanan ma mmeꞌ niiya. Pag-anu, boꞌ da sohoꞌ na lumān masaplag pa siga daira ka ga kakawum-kawman ma song tiniluꞌ meꞌ na. Meꞌ na bay nohoꞌ sila lumān, duwa-duwa maglimbang paninggai-paninggai jaꞌ tiluꞌ da.

Lukas 10:19

Ibilis ina ka ga pagkahi na seytan yana banta tabi. Sugaꞌ lay na sina kam buwanan ku kawasa-kapatut man bi tumanjataꞌ ninsila. Sibuꞌ du sina karuha da ka ga sō atawa patikāꞌ giniok meꞌ bi, boꞌ yaꞌ du kam kongoy-kongoy.

Yahiya 14:12

“Baan ta kam banahan, soysoy ina pitsayaꞌ niyaku, kapabuwat jaꞌ sina ya mintu pakaradjaan meꞌ ilooy ma bay pabuwat ku sampay labi gi. Batan aku tu moleꞌ na pa mman Mmaꞌ ku.

Salsila siga Rasul 1:8

Sugaꞌ subay katoonan bi, binuwanan du sina kam kawasa pag mintu kam pinatannaan na Rū Sutsiꞌ. Dari masaplag na sina kam mintu pasal aku ni Jerusalem sampay ni sikaliput Yahudiya ka Samariya, maka sampay pa sika-mpat pidju alam.”

Salsila siga Rasul 3:16

“Na lalla tuu itu, tasayu bi na du ndang yaꞌ ya bay kapalān lakka man kūn induꞌ na lagi. Pag batnaa, itu na ya bay inulian ni pag-awpan bi. Boꞌ poonan na baw itu siꞌ bay kaulian isu-isu man sabapan pangando kami ni si Isa ka ni kawasa awon na.”

Salsila siga Rasul 4:30

Maka nnaun na njataꞌ kami kawasa nu supaya taulian kami jama saki sampay man kami mōꞌ siga sipat kawasa nu ni awon ilooy ma sutsiꞌ, yana sosohoan nu si Isa.”

Salsila siga Rasul 9:34

Yuk si Pitel niiya, “Aneyas, kaulian na sina ko meꞌ si Isa Almasi. Bangun na ko, boꞌ logoran nu na tipo nu.” Dari siꞌ, lay du magti bangun si Aneyas.