Lukas 8:51 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵¹ Pag takka da pa lumaꞌ si Jayrus, ilooy du bay padari si Isa mmeꞌ paasok yana ga si Pitel, si Yahiya, si Yaꞌkub ka ga induꞌ-mmaꞌ anak-anak looy siꞌ.

Lukas 8:51 Iomraidhean Croise

Malkus 14:33

Sugaꞌ lay gi baw boo na ga si Pitel, si Yaꞌkub, ka si Yahiya. Pag-anu, takkahan susa na si Isa maka yaꞌ na katoon-toonan na parasahan na.

Lukas 6:14

Siga rasul na ilay siꞌ yana ga: si Saymon ma inawnan du meꞌ si Isa si Pitel, si Andru, yana danganakan si Saymon, si Yaꞌkub, si Yahiya, si Pilip, si Baltolome,

Lukas 8:50

Sugaꞌ pag takale si Isa, yuk na ni si Jayrus, “Daa ko ba hanggaw. Mangando jaꞌ ko niyaku, boꞌ na kaulian.”

Lukas 8:52

Kuwan sagannap ma ndang luu na ndooy njawom lumaꞌ, magtangisan na pin magkarukkaan ni anak-anak looy. Sugaꞌ yuk si Isa ninsila, “Daa na kam ba nangis. Yaꞌ du sina matoy anak-anak naa, arapun tuli jaꞌ sina.”

Lukas 9:28

Na pag luu jaꞌ siꞌ ga wawuꞌ ngallaw bay pingkaꞌ, lay na baw si Isa nukad punu maku duwaa pa Tuhan. Maka luu du bay boo na ga si Pitel, si Yahiya, ka si Yaꞌkub.

Salsila siga Rasul 9:40

Pag-anu siꞌ, lay doꞌ sila sohoꞌ si Pitel pōꞌ sikamimon man jawom bilik looy, boꞌ na nangge ka tuut na maku duwaa pa Tuhan. Pag lupus, paawop na ya pa mayat looy sambayan na halling, “Tabita, bangun na ko!” Pus si Pitel bay nohoꞌ, ilooy ma pinakallat na meꞌ si Tabita mata na. Pag takita na si Pitel, lay du ya bangun.