Lukas 8:50 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵⁰ Sugaꞌ pag takale si Isa, yuk na ni si Jayrus, “Daa ko ba hanggaw. Mangando jaꞌ ko niyaku, boꞌ na kaulian.”

Lukas 8:50 Iomraidhean Croise

Malkus 5:36

Sugaꞌ pag takale si Isa bay halling da, yuk na ni si Jayrus, “Daa ko ba hanggaw. Mangando jaꞌ ko niyaku.”

Malkus 9:23

Yuk si Isa niiya, “Ongoy lay yuk nu, ‘bong siꞌ’ lagi? Yaꞌ bina luu tunmanūn basta ko pitsayaꞌ jaꞌ niyaku.”

Lukas 8:48

Dari yuk si Isa niiya, “Inaa ina siꞌ Nang man nu bay kaulian sabap pitsayaꞌ ko niyaku. Batnaa san ko moleꞌ na. Maka pasannangun na atay nu.”

Lukas 8:51

Pag takka da pa lumaꞌ si Jayrus, ilooy du bay padari si Isa mmeꞌ paasok yana ga si Pitel, si Yahiya, si Yaꞌkub ka ga induꞌ-mmaꞌ anak-anak looy siꞌ.

Yahiya 11:25

Pag halling si Isa niiya, “Aku na situ makallum jama bay matoy batan aku poonan kaallum. Soysoy pitsayaꞌ niyaku, minsan ya matoy, llum du sina ya pabalik.

Yahiya 11:40

Pag tampung si Isa, “Saꞌ ba, ndang bay ko baan ku bong ko pitsayaꞌ, malaingkan ngita na ko ehe kawasa Tuhan?”

Suwat si Pol pa mman Baanan Sukuꞌ si Isa ndooy ni Rom 4:17

Boꞌ sikatuwaꞌ bana ka suwat njawom kitab, ilooy ma yuk Tuhan ni Nabi Ibrahim, “Lai na ko bay peneꞌ ku binuwat mmaꞌ jinisan bangsa.” Na palman looy ilay siꞌ, lay na silay bana binakbul. Batan bong pa Tuhan, basta jama ngikut Nabi Ibrahim pitsayaꞌ, binilang na sila panubuꞌ Nabi Ibrahim san gi oy bangsa da. Na Nabi Ibrahim ilay, halloman yaꞌ gi ya bay anakan, amu-amu ya pitsayaꞌ ni janjiꞌ Tuhan binuwanan anak san ndaꞌ mata tunmanūn meꞌ na tinuman. Bistahun bi doꞌ, mag-umu na ya ga dahatus taun. Inaa ko ngawon, mas mehe gi dapat jama lay na matoy hanak man iya. Sitti Sara pun, bantuk yaꞌ na du luu dapat na battong sabap tupa na. Sugaꞌ san meꞌ looy, yaꞌ du bay maglumba meꞌ Nabi Ibrahim pitsayaꞌ. Batan bistahan na, Tuhan ma asahan na, yaꞌ luu saꞌ yaꞌ tapabuwat na. San jama lay na matoy, tapakallum na du. Damikiyan, bbuwatan ma yaꞌ gi bay luu, mastiꞌ tapaluu na du.

Suwat si Pol pa mman Baanan Sukuꞌ si Isa ndooy ni Rom 4:20

Sangkon yaꞌ bay pingkaꞌ hawal-hawalan Nabi Ibrahim ni bay janjiꞌ Tuhan niiya. Gam pin lay gi pabasag pangando na, pamaehe bantug pa Tuhan.