Lukas 8:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ Pag lay jaꞌ duwai si Isa ndooy, luu na baw pasōng pa mman na disu lalla sineytan. Hallom na ya nantang na sadjaꞌ. Yaꞌ na luu meꞌ na taꞌ lumaꞌ. Ndooy na jaꞌ ya ni kakubuhan.

Lukas 8:27 Iomraidhean Croise

Matiyu 4:24

Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Malkus 5:15

Takka jaꞌ siꞌ sila pa mman si Isa, takita da na lalla looy ma bay inasok meꞌ libuhan seytan ningkōꞌ sampay lay na ga mamakoy maka basanayan na pamiki na. Dari takkahan tawu na ga sila.

Lukas 8:26

Pag pawus da, lay na sila parungguꞌ ni Gerasa ndooy ni dambilaꞌ danaw man lahat Jalil.

Lukas 8:28

Boꞌ daran patakka seytan na. Maka san daran pinusas battis-tangan na ka karina sampay njagahan lagi, masi du tabakkasan na. Pag-anu, boꞌ na pinaggos meꞌ seytan na nohoꞌ pilay pa tangngaꞌ dile yaꞌ maglumaꞌ. Na llaw looy siꞌ, pag takita na si Isa, ilooy ma killahap ya sampay pahangkop ni awpan na. Pag-anu siꞌ, lay na sohoꞌ si Isa seytan looy palakka man jawom baran na. Dari magti ngahowap lalla looy siꞌ, yuk na, “Batōy nu itu ku Isa? Katoonan ku du bina kau Anak Tuhan Mahatinggi. Junjung ku na ningkau, daa jaꞌ ku pidjalaun.”