Lukas 8:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Pag-anu, yuk si Isa ni siga mulit na, “Ongoy doꞌ ina yaꞌ luu pangando bi pa Tuhan?” Kuwan ga mulit na siꞌ tu, tud bay tawu. Inu-inu sila sampay sitilaw-tilaw na sila, yuk da, “Jama oy doꞌ tu meꞌ tuu? Sampay baliyu ka lamba ngasip jaꞌ du bong iya nohoꞌ!”

Lukas 8:25 Iomraidhean Croise

Matiyu 14:31

Dari magti du si Isa ngahelaꞌ iya, boꞌ na halling, “Kulang bitu pangando nu. Ongoy ko lay siꞌ hawal-hawalan?”

Matiyu 17:20

Tampung si Isa, “Sabap kulang pangando bi niyaku. Baan ta kam banahan, bong ina luu pangando bi san lasa bateheꞌ bigi mustard, minsan punu naa tahalin bi du bong sohoꞌ bi halin. Yaꞌ sina luu saꞌ tapabuwat bi bong tud luu du pangando bi niyaku.

Matiyu 6:30

Na bong katumbu-tumbuhan ma dari jaꞌ llabas sumawung sampay tinunu tapamakoyan meꞌ Tuhan ka sumping-sumping, kaam palagi saꞌ binuwanan pamakoy meꞌ na. Pagka meꞌ looy, ongoy subay na pin kulang pangando bi niiya ngayaran kaam?

Matiyu 8:10

Pag takale si Isa halling na, kapajayip ya sampay yuk na ni siga jama ma ngahaboyan iya, “Baan ta kam banahan, minsan ni bangsa Israil, yaꞌ gi ku bay ngita san disu meꞌ ehe pangando kapitan tuu.”

Matiyu 8:26

Yuk si Isa, “Ongoy subay na pin kam tawu? Tud kulang bitu pangando bi pa Tuhan.” Dari siꞌ, lay na ya bangun sambayan na nohoꞌ baliyu looy ka siga lamba na patagong. Pag ndaꞌ da, taddoꞌ na lahat saꞌ alang-alang.

Malkus 4:35

Pag taabut deꞌ kohap, yuk si Isa ni ga mulit na, “Palintas doꞌ kitabi pa dambilaꞌ danaw.”

Lukas 12:28

Na bong katumbu-tumbuhan ma dari jaꞌ llabas sumawung sampay tinunu tapamakoyan meꞌ Tuhan ka sumping-sumping, kaam palagi saꞌ binuwanan pamakoy meꞌ na. Pagka meꞌ looy, ongoy subay na pin kulang pangando bi niiya ngayaran kaam?

Lukas 8:24

Dari lay binatiꞌ meꞌ da si Isa, yuk da, “Tuwan! Ū Tuwan! Limbo na kitabi!” Dari siꞌ, ilooy ma bangun du ya, boꞌ sinohoꞌ meꞌ na baliyu looy sampay lamba na patagong. Dari siꞌ, sarunduun du banti baliyu looy ka lamba na sampay taddoꞌ na lahat.

Lukas 8:26

Pag pawus da, lay na sila parungguꞌ ni Gerasa ndooy ni dambilaꞌ danaw man lahat Jalil.

Yahiya 11:40

Pag tampung si Isa, “Saꞌ ba, ndang bay ko baan ku bong ko pitsayaꞌ, malaingkan ngita na ko ehe kawasa Tuhan?”