Lukas 8:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Pag-anu, yuk si Isa, “Kaam ina, katoonan bi na kabanahan. Sangkon daa na tapukun bi. Bong dalil ta pa palitaan, yaꞌ sina luu jama pus na nantikan palitaan tinangkopan na baw ka undam atawa inannaꞌ ndiyoꞌ kantil. Mastiꞌ gowet na jaꞌ sina pa jataꞌ supaya ngita soysoy paasok.

Lukas 8:16 Iomraidhean Croise

Lukas 11:33

Pus meꞌ looy, lay na baw si Isa ngandalil tōꞌ na pa palitaan, yuk na, “Yaꞌ sina luu jama pus na nantikan palitaan, tinangkopan na baw ka undam. Mastiꞌ gowet na jaꞌ sina pa jataꞌ supaya ngita soysoy paasok.”

Lukas 8:15

Boꞌ tanaꞌ looy ma mahap man bani looy bay sinaburan, tuwaꞌ pa sagannap ma bay kale umanat Tuhan, boꞌ kinanna meꞌ da ni kahilas atay da. Wā sila mean umanat looy san gi oy katuwaꞌ ninsila. Sangkon jinisan kaayaran na takita ni kaallum da. Kaayaran da ina, bong dalil ta pa tinanom, yaꞌ luu hantiꞌ da buwaꞌ, boꞌ ayad jaꞌ buwaꞌ da.”

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Siga Pakaradjaan bay Pinalahil 1:20

Batnaa, palahil ku na ningkau kamaatunan siga potean sikapituꞌ ma bay takita nu ni kawnan ku sampay siga palitaan looy siꞌ sikapituꞌ ddas ka pananggehan da mmas. Na kuwan siga potean looy ilay siꞌ, tuwaꞌ pa pituꞌ pa-mmean ma ngantanan baanan sukuꞌ ku ndooy ni siga daira sikapituꞌ ma bay sabbut ku siꞌ. Kuwan siga palitaan looy ddas ka pananggehan da sikapituꞌ, tuwaꞌ pa pituꞌ baanan sukuꞌ ku ni siga daira looy.”

Siga Pakaradjaan bay Pinalahil 11:4

Na ga sosohoan looy ilay mintu sikaduwa, ndang lay na tinunaꞌ njawom kitab kanabi-nabihan. Njawom kitab ginalla sila duwam poon jaytun ma ndang luu na pin ni awpan Tuhan sabanna ma magbayaan sikamimon taꞌ babaw junyaꞌ. Maka sikaduwa sila ginalla du pananggehan palitaan.