Lukas 8:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Boꞌ tanaꞌ looy ma mahap man bani looy bay sinaburan, tuwaꞌ pa sagannap ma bay kale umanat Tuhan, boꞌ kinanna meꞌ da ni kahilas atay da. Wā sila mean umanat looy san gi oy katuwaꞌ ninsila. Sangkon jinisan kaayaran na takita ni kaallum da. Kaayaran da ina, bong dalil ta pa tinanom, yaꞌ luu hantiꞌ da buwaꞌ, boꞌ ayad jaꞌ buwaꞌ da.”

Lukas 8:15 Iomraidhean Croise

Matiyu 24:13

Sugaꞌ soysoy ina natas pangando na niyaku ngabut sampay pa katapusan, malaingkan salamat jaꞌ sina ya.

Lukas 11:28

Sugaꞌ yuk si Isa, “Labi na baw bilay Daꞌ saꞌ sinupaatan sagannap ma pakale sampay ngasip ni palman Tuhan.”

Lukas 6:45

Manusiyaꞌ pun ina meꞌ naa du. Bong jama mahap, mahap du kawul-piil na sabap kaayaran jaꞌ kinanna njawom atay na. Sugaꞌ bong jama maat, maat du kawul-piil na sabap kalaatan jaꞌ kinanna njawom atay na. Oy-oy ina kinanna njawom atay manusiyaꞌ, inaa du sina pōꞌ man jawom behe da.”

Lukas 8:14

Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ sugaꞌ wā sila hanggaw ni hāl meꞌ da llum ni junyaꞌ. Altaꞌ tud hagaan ninsila. Maka meꞌ da nganduwan napsu da ni kajinisan meꞌ punu njawom atay da. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Lukas 8:16

Pag-anu, yuk si Isa, “Kaam ina, katoonan bi na kabanahan. Sangkon daa na tapukun bi. Bong dalil ta pa palitaan, yaꞌ sina luu jama pus na nantikan palitaan tinangkopan na baw ka undam atawa inannaꞌ ndiyoꞌ kantil. Mastiꞌ gowet na jaꞌ sina pa jataꞌ supaya ngita soysoy paasok.

Yahiya 14:15

Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku.

Yahiya 15:10

Bong ina bean bi jaꞌ siga panohoan ku, kasengan bi sina aseꞌ ku. Aku pun, wā du bean ku siga panohoan Mmaꞌ ku sabap kasengan ku aseꞌ na.

Suwat si Pol pa mman Baanan Sukuꞌ si Isa ndooy ni Rom 2:7

Na kasohean ina sigi-sigi buwat mahap sabap doman sila koleꞌ sanglit ka kabantugan man Tuhan. Maka doman sila llum saumu ni okoman na. Jama meꞌ looy ilay binuwanan meꞌ Tuhan kasampulnaan nyawa saumu-umu.

Suwat si Pol pa mman Baanan Sukuꞌ si Isa ndooy ni Rom 6:22

Kahapan, lay na kitabi pinaddusan man kawasa napsu tabi ma bay kaboo-boo ningkitabi buwat dusa. Pag batnaa, lay na kitabi dari ata Tuhan. Dari sutsiꞌ na arat-tabiat tabi maka luu na kasampulnaan nyawa tabi saumu-umu.

Suwat si Pol pa mman Baanan Sukuꞌ si Isa ndooy ni Rom 7:18

Sangkon, katoonan ku bong kinawnan tabiat pagkajama ku, yaꞌ luu kaayaran ku samasakali. Batan san ku doman buwat kaintongan, yaꞌ luu gaos ku ni dī ku buwat mahap.

Suwat si Pol pa mman Baanan Sukuꞌ si Isa ndooy ni Rom 7:4

Na siga danganakan, meꞌ naa du sina karuha tabi batnaa. Sibuwa, njawman sakup saraꞌ kitabi. Sugaꞌ batnaa, paddus na kitabi, batan meꞌ tabi ngingat, lay na kitabi tabeꞌ ni kapatoy Almasi taꞌ tehang. Dari pagka lay na kitabi tabeꞌ ni kapatoy na, sibuꞌ na du karuha tabi ka danda ma sumunsayaꞌ halin pa sakup sarī. Pag batnaa, luu na kitabi njawman sakup Papuꞌ tabi ma bay pinakallum pabalik. Kon meꞌ looy supaya kitabi kaboo kabantugan pa Tuhan. Kitabi itu sibuwa, yaꞌ luu kapansahaliyan tabi pa Tuhan. Ibaratan poon kayu, sibuwa yaꞌ kitabi bay buwaꞌ, pag batnaa bohoꞌ kitabi buwaan.

Suwat si Pol pa mman Baanan Sukuꞌ si Isa ndooy ni Rom 8:25

Sugaꞌ halloman yaꞌ gi luu takka, tatasan tabi na pin situ ngagad.

1 Korin 7:19

Batan inislam yaꞌ inislam ina, yaꞌ du luu paluntungan na. Ilooy ya mehe pa Tuhan bong tabi mmeꞌ ni kahandak na.

Epesus 2:8

Ni kaehe aseꞌ Tuhan, lay na kitabi sinalamat meꞌ na sabap meꞌ tabi pitsayaꞌ ni Almasi. Sugaꞌ kasalamatan tabi ina, saꞌ ga tungbas ni bay hulas-sangsāꞌ tabi buwat mahap, arapun ladjikiꞌ man Tuhan.

Pilipi 1:11

Kamura-murahan tattap na pin kam buwat kaintongan man tabang si Isa Almasi ni jataꞌ bi, pamaehe sanglit ka kabantugan pa Tuhan.

Kolossa 1:10

Maka kamura-murahan mōꞌ na pin kam kawul-piil ma kasulut ni Papuꞌ Isa mari kam wā tawop inawnan sukuꞌ na. Maka njawom duwaa kami, kamura-murahan tamba-manamba na pin kaayaran pabuwat bi maka magsasōng na pin meꞌ bi lungbid ka Tuhan.

Kolossa 1:6

Umanat mahap ina, liput na junyaꞌ man na pinasaplag sampay meka na jama pitsayaꞌ. Dari magsasōng na pin hāp kawul-piil da meꞌ karuha kaam na du. Batan saliꞌ-saliꞌ na du kam lay kale sampay kahati kabanahan pasal aseꞌ Tuhan.

Hibrani 10:36

Subay kam natas njawom kabinsanaan supaya tapabuwat bi kahandak Tuhan sampay pa katapusan. Meꞌ looy ilay, takoleꞌ bi na sina mintu mimon ma bay njanjiꞌ meꞌ Tuhan ni sukuꞌ na.

Hibrani 2:1

Na pagka meꞌ looy na ehe hagaꞌ Anak Tuhan, subay kanna tabi umanat na, taggahaꞌ lay na baw mintu kitabi patā man kabanahan.

Yaꞌkub 1:4

Sangkon tatasan bi jaꞌ san gi oy katuwaꞌ ningkaam. Bong siꞌ ina kam natas, pag toklas na, taggu na iman bi ngabut sampay yaꞌ na luu salla ni kawul-piil bi samasakali.

1 Yahiya 2:3

Na bong itu kitabi ngasip ni siga panohoan Tuhan, malaingkan tatantu tabi na katoonan tabi Tuhan.