Lukas 8:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ sugaꞌ wā sila hanggaw ni hāl meꞌ da llum ni junyaꞌ. Altaꞌ tud hagaan ninsila. Maka meꞌ da nganduwan napsu da ni kajinisan meꞌ punu njawom atay da. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Lukas 8:14 Iomraidhean Croise

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Malkus 4:19

sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn sampay ni kajinisan. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Lukas 16:13

Yuk si Isa lagi, “Yaꞌ sina luu ata kaintu duwa papuꞌ, batan disu kaasean na, kuwan ilooy disu, niyaꞌ. Atawa disu pinaduhuꞌ meꞌ na, kuwan ilooy disu, pabiya na jaꞌ. Damikiyan, yaꞌ du sina kam kaisbat Tuhan haboy ka altaꞌ.”

Lukas 21:34

“Iyakin kam taggahaꞌ lay na baw kam mintu mmeꞌ meꞌ uwahan sagannap ma maabak jaꞌ meꞌ da maglami-lami sampay maglangohan. Maka ilagan bi man pamiki bi pannoꞌ leꞌ hanggaw ni hāl meꞌ bi llum. Bong ina kam yaꞌ saddiya, takurat na baw sina kam mintu ni llaw katakka ku

Lukas 8:13

Kuwan tanaꞌ looy ma njawom kabatuhan man bani looy bay tumiluꞌ, tuwaꞌ pa sagannap ma bay kale umanat Tuhan sampay magti pitsayaꞌ ni kagāk da. Sugaꞌ pagka yaꞌ bay nganggamut pa lawom umanat looy njawom atay da, yaꞌ du hallom tatasan da pitsayaꞌ. Pag luu jaꞌ kabinsanaan atawa laug tuwaꞌ pa jataꞌ da, siglaꞌ du sila patatak.

Lukas 8:15

Boꞌ tanaꞌ looy ma mahap man bani looy bay sinaburan, tuwaꞌ pa sagannap ma bay kale umanat Tuhan, boꞌ kinanna meꞌ da ni kahilas atay da. Wā sila mean umanat looy san gi oy katuwaꞌ ninsila. Sangkon jinisan kaayaran na takita ni kaallum da. Kaayaran da ina, bong dalil ta pa tinanom, yaꞌ luu hantiꞌ da buwaꞌ, boꞌ ayad jaꞌ buwaꞌ da.”

Lukas 8:7

Kuwan kasohean bani lay tumiluꞌ pa jawom lumput itingan. Pag tomoꞌ na, pasulig du lumput looy sampay lay jaꞌ limbo meꞌ lumput.

Yahiya 15:6

Boꞌ na, soysoy ina ma bay pasakkat mman ku, sibuꞌ du karuha da ka siga engas lay sappeꞌ man poon da sampay ngalayu. Pag toklas na, kinumpo na sila boꞌ hiniyakan pa jawom api mari tutung.

1 Timuti 6:17

Na ni kapasal sukuꞌ si Isa ma dayahan meꞌ altaꞌ junyaꞌ, daa sila sohoun langkaw atay da. Maka daa sila sohoun mangasa ni altaꞌ batan bosbos ina luu, bosbos lungay. Ilooy ya subay asahan da yana Tuhan, batan iya sina muwanan kitabi mimon-mimon para ni kagakan tabi.

2 Timuti 4:10

Gunahan niyaku tabang, batan si Demas lay na pilay pa Tesaloneka. Lay na ku mbanan na sabap hagaan niiya nganduwan napsu na ni hāl junyaꞌ. Kuwan si Keresen, lay pa Galatiya. Kuwan si Taytus, lay pa Dalmatiya.

Hibrani 6:1

Sangkon, ddong na kitabi kataddasan ni tōꞌ ma ndang lay na takoleꞌ tabi jaman tabi bahau bay mmeꞌ ni Almasi. Palanja na kitabi pa pangahati lawom mari pataggu na iman tabi. Ibaratan buwat lumaꞌ, bong kita lay na matangge tehang, san kita yaꞌ na matangge pabalik. Hati na, san yaꞌ na pagsibalik-balik tabi tōꞌ ma ndang katoonan tabi na. Awnan ku ilay siꞌ yana hāl meꞌ sapantun nawbatan dusa, pangando pa Tuhan,