Lukas 7:41 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴¹ Yuk si Isa, “Luu duwa jama utangan ni disu tukang mautang. Ilooy siꞌ disu, utang na lima hatus dublun pilak porol, kuwan ilooy disu, limampūꞌ.

Lukas 7:41 Iomraidhean Croise

Matiyu 18:28

“Pag poleꞌ na, sitammu na baw ya ka disu pagkahi na tindog utangan dangkitiꞌ du niiya. Pag-anu, magti sungkuban na boꞌ na sinakko-sakko sambayan na halling, ‘Bayaran nu na utang nu niyaku!’

Matiyu 6:12

Maka ampunun doꞌ kami ni dusa kami batan lay na du kami ngampun sagannap ma dusahan ningkami.

Malkus 6:37

Sugaꞌ yuk si Isa, “Kaam sa ba makan sila.” Pag halling da, “Noy baw tu la Tuwan man tabi koleꞌ sīn man mallihan baanan ga jama naa meꞌ naa na eka da? Daa busung, san bitu kitabi bay kaballi tinapay hagaꞌ gadji wawum buwan, masi du yaꞌ sukup man makan sila.”

Lukas 11:4

Maka Maꞌ, maku kami kaampunan ni bay dusa kami. Ndang-ndang lay na du kami ngampun sikamimon ma dusahan ningkami. Maka maku kami tabang ningkau mari yaꞌ kami takoleꞌ meꞌ jinisan sasat.’ ”

Lukas 12:48

Sugaꞌ soysoy baw ina ata awam ni kahandak papuꞌ na, san ya bay magsāꞌ gantaꞌ man na pataꞌ llagpiꞌ, malaingkan yaꞌ du kalanduꞌ bohat pidjalaꞌ ni jataꞌ na. Sangkon indanan bi. Soysoy ina bay kabuwanan paeka, mastiꞌ meka du tinaat meꞌ Tuhan niiya. Damikiyan, soysoy meka bay hinalap niiya, meka du hinolat niiya.”

Lukas 13:4

“Damikiyan, intomun bi doꞌ ga jama looy sikasapu-wawuꞌ ma bay matoy kalutlutan meꞌ lumaꞌ langkaw ni Silowam ndooy ni Jerusalem. Marean ta ni bistahan bi dusa da labi gi man mimon jama ndooy ni Jerusalem.

Lukas 7:40

Na si Isa siꞌ tu, ndang tasayu na bong oy njawom pamiki Parisi looy. Dari yuk na niiya, “Saymon, luu situ siꞌ bāꞌ ku ningkau.” Tampung si Saymon, “Oy lay siꞌ Tuwan?”

Lukas 7:47

Baan ta ko Saymon, bana na meka situ bay dusa danda tuu, sugaꞌ lay na situ bay puwasan ku. Ituu situ kon mehe aseꞌ na niyaku. Sugaꞌ bong ina jama mista dangkitiꞌ du dusa na, pag pinuwasan, malaingkan dangkitiꞌ du aseꞌ na.”

Suwat si Pol pa mman Baanan Sukuꞌ si Isa ndooy ni Rom 3:23

Na mimon ina manusiyaꞌ lay jaꞌ bay buwat dusa. Sangkon saliꞌ-saliꞌ sila yaꞌ luu pangabut-ngabut da ni kaayaran Tuhan.

Suwat si Pol pa mman Baanan Sukuꞌ si Isa ndooy ni Rom 5:20

Balik ta pa saraꞌ Nabi Musa, ngkon na ilay bay pinamuwan meꞌ Tuhan niiya supaya tasayu na meꞌ manusiyaꞌ meka na dusa da. Sugaꞌ saehe-ehe dusa manusiyaꞌ, mas mehe gi ampun ka aseꞌ Tuhan.