Lukas 7:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Pag takka ga matatoa looy siꞌ pa mman si Isa, lay na sila maku junjung, yuk da, “Tuwan, luu la kapitan bay nohoꞌ kami pitu. Bong siꞌ kadarihan ningkau, tulungun doꞌ ya. San ilay ya saꞌ bangsa tabi, pataꞌ du ya tinulung batan jama mahap du ya.

Lukas 7:4 Iomraidhean Croise

Matiyu 10:11

“Pag takka bi ni disu kawum atawa daira, miha kam jama mahap kasurahan na ma doman ngahasi kaam. Boꞌ ndooy na doꞌ kam pahantiꞌ halloman bi yaꞌ gi palakka man daira da.

Matiyu 10:13

Na bong ina mintu jama lumaꞌ looy ngahasi kaam, malaingkan koleꞌ du sila kasannangan. Sugaꞌ bong niyaꞌ, malaingkan yaꞌ du luu takoleꞌ da.

Lukas 20:35

Sugaꞌ pag taabut ahirat, sarī na. Sagannap ma initung meꞌ Tuhan tawop pinatabeꞌ ni okoman na, pag taabut da pinakallum, niyaꞌ na sina handa atawa halla.

Lukas 7:3

Pag taaka kapitan looy siꞌ luu na si Isa ni daira na, lay ya nohoꞌ kasohean matatoa bangsa Yahudi maku tulung ni si Isa nohoꞌ pa lumaꞌ na ngulian tindog na.

Lukas 7:5

Iya ilay maaseꞌ du ningkitabi bangsa Yahudi sampay lay gi ya matanggehan kami langga.”

Salsila siga Rasul 10:2

Iya ilay siꞌ sampay na mimon jama lumaꞌ na ngisbat Tuhan maka luu du tawu da niiya. Sarī gi, daran ya narakahan jama miskin sampay basag ya maku duwaa pa Tuhan.

Siga Pakaradjaan bay Pinalahil 3:4

Sugaꞌ yaꞌ du baw tu ga labbasakayi na kam susunan ku, batan luu gi du baw sina disu-disu nnaa ni Saldis masi sutsiꞌ. Dari ko ngawon, yaꞌ sila bay matamakan pamakoy da. Sila ina mintu kapahaboy niyaku ddas ka pamakoy poteꞌ sabap tawop sila niyaku.