Lukas 7:37 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁷ Na ni daira man Parisi looy siꞌ, luu disu danda tanyag baldusa. Pag taaka na luu si Isa ni lumaꞌ Parisi looy, lay ya pilay moo katsaꞌ-katsaꞌ insallan hamut.

Lukas 7:37 Iomraidhean Croise

Matiyu 21:31

Pag-anu, tilaw si Isa ni siga pa-mmean looy, “Bong kaam, mamooy ilay bay ngasip mmaꞌ da?” Pag tampung da, “Ilooy bilay ma siyaka.” Yuk si Isa, “Dari ongoy baw ilay ilooy ya disu akig bi? Baan ta kam banahan, siga tukang ninga sukay sampay siga puta, luu na paasok pa jawom pamarinta Tuhan duhuꞌ gi man kaam.

Lukas 18:13

“Na kuwan tukang ninga sukay looy baw siꞌ, lay jaꞌ nangge didihan na palawak-lawak man ga jama ndooy. Patondok jaꞌ ya. Yaꞌ san ya tawakka ngandaꞌ pa jataꞌ tandaꞌ ni kaiyaꞌ na pa Tuhan. Bbuwatan na nugtug dakan na ni kasasso na ni bay kadarihan na sambayan na halling, ‘Tuhan, mangaku ku baldusa jaꞌ ku. Junjung ku na ningkau, panimbangan doꞌ ku.’ ”

Lukas 19:7

Sugaꞌ pag ndaꞌ baanan ga jama ndooy meꞌ looy, buwatan da magdubdub, yuk da, “Uy la, iya lluruk meꞌ na induꞌ-induꞌ baldusa!”

Lukas 5:30

Pag tasayu siga Parisi ka ga guru saraꞌ agama, lay sila nahawi siga mulit si Isa, yuk da, “Ongoy doꞌ ilay kam kuhi paharung nginum-mangan ni siga tukang ninga sukay ka ga pagkahi da baldusa?”

Lukas 5:32

Intong na, aku itu bay pitu, saꞌ ga maksud ku ngaliyun jama ma mista dī da intong. Arapun aku itu bay pitu ngaliyun sagannap ma mangaku baldusa supaya nawbat na sila.”

Lukas 7:34

Pag sunuꞌ Anak Manusiyaꞌ, yana aku, san ku mangan kinakan biyasa sampay nginum tubaꞌ anggul meꞌ karuha kaekahan manusiyaꞌ, baꞌ-bāꞌ bi lagak na baw ku maka palalango lagi. Maka sukat ku palamud ni siga tukang ninga sukay ka ga pagkahi da baldusa, pinalaat na baw ku meꞌ bi.

Lukas 7:36

Na luu disu llaw, lay na baw si Isa kinaddoꞌ mmeꞌ mangan meꞌ disu Parisi inawnan si Saymon. Dari siꞌ, lay na du ya mmeꞌ pilay pa lumaꞌ na mangan.

Yahiya 11:2

Si Mariyam siꞌ tu, ilooy na danda ma bay numpahan insallan hamut ni battis Papuꞌ Isa boꞌ na muusan battis na maka dūn kōk na. Dari pagka saki si Lasarus,

Yahiya 9:24

Pag-anu siꞌ, lay na baw linganan da pabalik lalla looy ma bay buta. Maka yuk da niiya, “Magsabanna na ko ba ni awpan Tuhan. Katoonan kami du saꞌ lalla looy bay ngulian kau batan baldusa ya.”

Yahiya 9:31

Lalla looy bilay, bong ya saꞌ lakka man Tuhan, mastiꞌ yaꞌ ya kapabuwat meꞌ tuu. Labba man panagnaan junyaꞌ, yaꞌ gi baw luu bay taaka jama lay kasay buta man jawom kūn induꞌ na lagi. Boꞌ na, saliꞌ-saliꞌ du tabi toon, tiyap-tiyap baldusa, yaꞌ nduwan meꞌ Tuhan. Ilooy du nduwan, yana sagannap ma ngisbat iya ka buwat kahandak na.”

Suwat si Pol pa mman Baanan Sukuꞌ si Isa ndooy ni Rom 5:8

Boꞌ Tuhan ina, tandaꞌ ehe aseꞌ na ningkitabi, lay na ga bay pinaglillaꞌ meꞌ na Almasi pinapatoy kalnaꞌ kitabi jaman tabi masi gi baldusa.

1 Timuti 1:15

Na ituu tu bitsala kanaalla ka pataꞌ kinanna meꞌ sikamimon: Maksud si Isa Almasi bay pitu pa junyaꞌ supaya tasalamat na siga baldusa. Man ku kasiguru, batan bong kinawnan baldusa, yaꞌ luu bay lumabi man aku.

1 Timuti 1:9

Tahati ta na bong inawnan saraꞌ Tuhan, saꞌ para ni jama intong. Arapun kon na ina bay pinamuwan man motang hukuman ni jama maat, ni sagannap ma yaꞌ pandoy ngasip, maka ni jama ma yaꞌ tawu pa Tuhan. Saraꞌ ina para ni siga baldusa, para sagannap ma yaꞌ sutsiꞌ, para jama ma yaꞌ ngisbat Tuhan, maka para sagannap ma mapatoy jama sampay ga mmaꞌ da atawa nneꞌ da.

1 Pitel 4:18

Yuk suwat njawom kitab, “Bong jama intong mastiꞌ lumingkaꞌ jaꞌ njawom jinisan katiksaan boꞌ da salamat, pooy na baw lay mintu basag katiksaan ma tuwaꞌ njataꞌ siga baldusa ma yaꞌ san ngisbat Tuhan?”