Lukas 7:33 - Sabahagiꞌ Kitab Tawrat: Panagnaan ni Awwal Jaman maka Kitab Injil

³³ “Na kaam ina, sibuꞌ karuha bi ka ga anak-anak meꞌ looy siꞌ. Luu na si Yahiya bay pinapitu meꞌ Tuhan pa mman bi, sugaꞌ yaꞌ du kam bay kuhi mmeꞌ niiya. Gam pin sukat makanan na saꞌ meꞌ ningkaam, boꞌ yaꞌ lagi ya nginum oy maka oy na makalango, baꞌ-bāꞌ bi sineytan na baw ya.

Lukas 7:33 Iomraidhean Croise

Matiyu 10:25

Sangkon na mulit subay yaꞌ jayip bong ya lumangga meꞌ ilooy ma bay talingkaꞌ meꞌ guru na. Ata pun subay yaꞌ du ya jayip bong ya lumangga meꞌ ilooy ma bay talingkaꞌ meꞌ papuꞌ na. Dari meꞌ aku pa-mmean bi, bong itu ku tinawakkahan inawnan Ibilis, labi na kaam siga mulit ku saꞌ pinitnahan.”

Matiyu 3:1

Luu jaꞌ daka dangon taun, takka na baw si Yahiya ma Tukang Mandi masaplag ni lahat lau-lau yaꞌ maglumaꞌ ndooy ni Yahudiya.

Malkus 1:6

Pamakoy si Yahiya ilay siꞌ bay pinabuwat ka bū untaꞌ maka kambot na kuwit sapiꞌ. Makanan na tompang ka gowaꞌ buwani.

Lukas 1:15

Iya ina mintu mehe hagaꞌ na ni bandingan Tuhan. Ndang ssob na ya meꞌ Rū Sutsiꞌ labba man kūn induꞌ na lagi. Subay ya yaꞌ nginum tubaꞌ anggul atawa oy-oy na pin inuman makalango.

Lukas 7:32

Sila ina meꞌ karuha siga anak-anak ni tabuꞌ ma yaꞌ doman mmeꞌ kuli-kuli san gi oy kuli-kulihan pinōꞌ meꞌ siga soheꞌ da. Bong sawpama siga soheꞌ da maglami-lami niyup suling, yaꞌ du sila kuhi mmeꞌ magsayaw. Bong siga soheꞌ da bahasa ngalangan-langan mayat, yaꞌ du sila kuhi mmeꞌ magbawuꞌ-bawuꞌ maglindu.

Lukas 7:34

Pag sunuꞌ Anak Manusiyaꞌ, yana aku, san ku mangan kinakan biyasa sampay nginum tubaꞌ anggul meꞌ karuha kaekahan manusiyaꞌ, baꞌ-bāꞌ bi lagak na baw ku maka palalango lagi. Maka sukat ku palamud ni siga tukang ninga sukay ka ga pagkahi da baldusa, pinalaat na baw ku meꞌ bi.

Yahiya 10:20

Meka na sila halling, “Oy doꞌ itu pūs tabi pakale ni lalla naa? Sineytan bina ya, bilawan!”

Yahiya 8:48

Pag tampung siga Yahudi ndooy, “Tud bana du hati bay halling kami kau bangsa Samariya, boꞌ sineytan gi ko.”

Yahiya 8:52

Dari yuk siga Yahudi, “Oy na ko na? Batnaa mangkin bohoꞌ na bina tumatandaꞌ ningkami tud sineytan du ko! San baw bay jaman Nabi Ibrahim sampay na ga kanabi-nabihan bay du pingkaꞌ matoy. Boꞌ kau baw tu, magsambatan gi ko basta jama bay nganna bitsala nu, niyaꞌ na sitammu ka kapatoy!

Salsila siga Rasul 2:13

Sugaꞌ kasohean baw gam pin ngaludjum siga sukuꞌ si Isa, yuk da, “Ē, lango jaꞌ bina sila!”