Lukas 7:30 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁰ Boꞌ siga Parisi ka ga guru saraꞌ agama lay jaꞌ nuwak kahandak Tuhan batan yaꞌ sila bay kuhi pinandi meꞌ si Yahiya.

Lukas 7:30 Iomraidhean Croise

Matiyu 22:35

Dari siꞌ, ilooy ma bay nual iya yana disu guru lahal ni saraꞌ agama da. Maksud na niit bitsala si Isa.

Lukas 13:34

Na sabap susa atay si Isa ni siga Yahudi ndooy ni Jerusalem, njawom atay na, “Kaam, siga jama Jerusalem, bbuwatan bi mapatoy kanabi-nabihan. Boꞌ hiyak bi lagi ka batu jama kasohean ma lay du sohoꞌ Tuhan pa mman bi. Daran na ku bay magkainagon ngaliyun kaam pa jawom okoman ku meꞌ hantang induꞌ manuk ngokoman anak na, sugaꞌ yaꞌ du kam kuhi.

Lukas 20:6

Bong baw itu yuk tabi, ‘Kapatut na lakka man manusiyaꞌ sadjaꞌ,’ piligru ningkitabi. Batiꞌ ta mintu, mimon jama ntuu ngahiyak kitabi na baw ka batu sabap pitsayaꞌ sila si Yahiya yana disu nabi.”

Lukas 7:31

Pag-anu, yuk si Isa, “Jama ni angkat-angkatan batnaa, yaꞌ ku pandoy nguwalnaꞌ batan awod sila takoleꞌ sinulut.

Salsila siga Rasul 20:27

Batan yaꞌ ku bay paalang masampay ningkaam mimon ma katoonan ku pasal kahandak Tuhan.”

Suwat si Pol pa mman Baanan Sukuꞌ si Isa ndooy ni Rom 10:21

Boꞌ ni kapasal bangsa Israil, yuk Tuhan, “Hallom na silay ku bay nganjunjung nohoꞌ sila patapit niyaku. Sugaꞌ ni katohas kōk da, doman jaꞌ sila nguntra aku sampay yaꞌ ngasip.”

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

Galatiya 2:21

Sangkon bong itu ku mangasa na baw ni hulas-sangsāꞌ ku mogbogan saraꞌ man ku initung intong, sibuꞌ na du ka bay tuwak ku aseꞌ Tuhan niyaku. Batan sat ku saꞌ māꞌ yaꞌ luu kapuspusan kapatoy si Isa.”

Epesus 1:11

Na bangsa kami itu bay duhuꞌ ngaholat ni katakka Almasi. Maka kami du bay ginantaꞌ meꞌ Tuhan binuwat sukuꞌ na ma subay moo sanglit ka kabantugan niiya. Labba man tagnaꞌ junyaꞌ lagi, ndang ilooy na silay bay garaꞌ Tuhan. Boꞌ garaꞌ Tuhan ina labbasakayi mastiꞌ pinajatu jaꞌ sina ni jalan ma sikatuwaꞌ ka kahandak na.