Lukas 7:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Pag takita leꞌ baanan jama ndooy, takkahan tawu na sila labbasakayi sampay mudji na ga sila Tuhan, yuk da, “Luu na bitu Tuhan pitu nabang kitabi sukuꞌ na. Batan luu na bay papitu na disu nabi biddaꞌ na ehe kawasa na pa mman tabi.”

Lukas 7:16 Iomraidhean Croise

Matiyu 15:31

Pag takita leꞌ baanan jama ndooy ga jama bay umaw kabitsala na, ma pengkol ka tongkaꞌ kapalān na paayad, maka jama buta ngita na, tud bay haylan sila. Dari lay na ga sila mudji Tuhan. Yuk da, “Pudji tabi Tuhan bangsa Israil.”

Matiyu 21:11

Pag tampung baanan jama ma ngahaboyan si Isa, “Iya na sina si Isa, nabi looy man Nasaret ndooy ni Jalil.”

Matiyu 28:8

Dari siꞌ, lay na sila lakka deꞌ-dēꞌ man kubu looy. Sila siꞌ tu maglamud na tawu ka gāk da sasang da sonse mahati siga mulit si Isa.

Matiyu 9:8

Pag takita leꞌ baanan jama lundooy, takkahan tawu na sila sampay mudji na ga sila Tuhan sabap meꞌ na bay muwanan manusiyaꞌ kapatut meꞌ looy siꞌ.

Lukas 1:65

Dari siꞌ, sampay mimon jama ni kawum da, pag taaka da kahalan anak-anak looy bay inislam, tud bay haylan sila. Boꞌ habal na ilay siꞌ, lay na lataꞌ ni sikaliput kakawum-kawman ndooy ni kabuntuꞌ-buntuan Yahudiya.

Lukas 1:68

“Pudji tabi Papuꞌ tabi Tuhan, ilooy ma sinumba meꞌ bangsa tabi Israil. Ituu na situ masa man na pitu maddusan kitabi sukuꞌ na man jawom komkoman siga banta tabi.

Lukas 19:44

Bbuwatan da ina mintu mapatoy kaam sikamimon sampay ga anak bi. Hansu da na daira bi ka kalumaan bi. Yaꞌ na sina mintu luu takapin nangge san lasa duwa batu magpangkat. Ilooy ilay siꞌ sikamimon tuwaꞌ jaꞌ sina mintu njataꞌ bi sabap yaꞌ bay hasi bi kasalamatan ma bay boo Tuhan pa mman bi.”

Lukas 2:20

Pag-anu, lay na pabeleng ga tukang ngipat bili-bili looy siꞌ pa baanan ipatan da. Lān da siꞌ pilay, bbuwatan da maehe Tuhan ka mudji iya sabapan mimon ma bay tasakup da. Mimon ilay siꞌ ma bay takita da, sikatuwaꞌ jaꞌ banahan ka bay umanat malaikat looy siꞌ.

Lukas 24:19

Yuk si Isa, “Na oy baw lay siꞌ?” Yuk da, “Pasal si Isa bilay, lalla man Nasaret. Iya ilay nabi mehe ni mata Tuhan sampay na ni manusiyaꞌ, tumatandaꞌ ni tōꞌ na ka ni kawasa na mōꞌ jinisan pabuwatan kahaylan-haylan.

Lukas 5:26

Dari sikamimon siꞌ ndooy tud bay haylan sampay lay na ga sila mudji Tuhan. Maka yuk da, “Tud kainu-inu la siga pakaradjaan bay takita tabi llaw tuu.”

Lukas 5:8

Pag ndaꞌ si Saymon Pitel ka ga soheꞌ na biddaꞌ na eka daying bay takoleꞌ da, tud bay haylan sila. Sampay siga soheꞌ si Saymon ni bagung looy disu, yana si Yaꞌkub ka si Yahiya, ga anak si Sibidi, tud bay du haylan. Pag tabista si Saymon meꞌ looy na kawasa-kapatut si Isa, ilooy ma lay ya nangge ka tuut na ni awpan na sambayan na halling, “Papuꞌ, san bitu ku mbanan nu na. Yaꞌ san ku pataꞌ dambuwaꞌ ka kau batan aku itu baldusa.” Pag-anu, yuk si Isa ni si Saymon, “Daa ko ba tawu. Labba man batnaa, manusiyaꞌ na sina pinukut meꞌ nu.”

Lukas 7:15

Pag-anu, ilooy ma bangun du lalla looy sampay mitsala na ga. Dari siꞌ, yuk si Isa ni nneꞌ na, “Atu na Daꞌ anak nu.”

Lukas 7:39

Pag takita jaꞌ meꞌ Parisi looy ma bay ngaddoꞌ si Isa meꞌ looy, njawom atay na, “Bong siꞌ bina mawjud lalla naa disu nabi, yaꞌ ya kuhi sinagid leꞌ danda naa, batan mastiꞌ tasayu na jaꞌ danda naa baldusa.”

Lukas 8:37

Sugaꞌ bbuwatan jama sikamimon ni sikaliput Gerasa, lay maku luuy nohoꞌ si Isa lakka man lahat da sabap tawu sila. Dari siꞌ lay na ga si Isa dutai taꞌ kumpit da song palakka.

Lukas 9:19

Tampung da, “Pamāꞌ kasohean, kau na konoꞌ si Yahiya ma Tukang Mandi lay na llum pabalik. Yuk kasohean baw, kau na konoꞌ Nabi Eliyas atawa disu nabi sarī man maruhuꞌ-ruhuꞌ bay pinakallum pabalik.”

Yahiya 1:21

Yuk da na baw, “Bong ko saꞌ Almasi, soy baw ina ko? Kau na kina Nabi Eliyas?” Iya tampung na, “Ssaꞌ du ba.” Tilaw da, “Bong meꞌ naa, soy tu ko la? Kau na kina nabi looy ma pinag-agad meꞌ bangsa tabi?” Iya tampung si Yahiya, “Ssaꞌ du ba.”

Yahiya 1:25

Dari yuk da, “Bong ko saꞌ Almasi atawa Nabi Eliyas atawa nabi looy ma pinag-agad, ongoy baw ko taggahaꞌ mandi jama?”

Yahiya 4:19

Yuk danda looy, “Tuwan, bohoꞌ la tabista ku kau disu nabi.

Yahiya 6:14

Lay jaꞌ siꞌ takita ga baanan jama ndooy pabuwatan kahaylan-haylan bay pabuwat si Isa, ilooy ma lay sila kapahalling, “Mattan du la lalla tuu nabi looy ma bay tinunaꞌ maruhuꞌ-ruhuꞌ pitu pa junyaꞌ.”

Yahiya 9:17

Pag-anu, tinilaw na baw meꞌ da lalla looy ma bay buta, yuk da, “Bong kau, oy kumpas nu pasal lalla looy pagka iya sambat nu bay ngulian mata nu?” Pag tampung lalla looy siꞌ, “Bistahan ku, nabi ya.”

Salsila siga Rasul 5:5

Pag takale jaꞌ meꞌ si Ananiyas bay halling si Pitel, sarunduun du ya palonyok sampay lay na matoy. Pag-anu siꞌ, lay na mayat na kinimbonan meꞌ kasubulan ndooy, boꞌ na binoo pa poan sampay lay na kinubu. Dari jama siꞌ tu ma bay kaaka bong oy bay katuwaꞌ si Ananiyas, tud bay mehe meꞌ da tawu.

Salsila siga Rasul 7:37

Maka Boꞌ Musa na silay bay nunaꞌ ni bangsa tabi Israil, ilooy ma yuk na, ‘Ni sinōng, luu sina disu nabi meꞌ aku du pinatakka meꞌ Tuhan pa mman bi. Iya ilay mintu meꞌ aku du turunan bangsa tabi Israil.’ ”

Galatiya 1:24

Dari sabap habal looy siꞌ, lay na ga sila mudji Tuhan sabapan ku.