Lukas 7:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Pag-anu siꞌ, pasōng na si Isa pa pangkaꞌ looy, boꞌ pinurut meꞌ na. Sampay lay na patagong ga jama ma ngalanggung. Pag-anu, yuk si Isa ni mayat looy, “Toꞌ, bangun na ko.”

Lukas 7:14 Iomraidhean Croise

Malkus 5:41

Pag-anu, inantanan na meꞌ si Isa tangan anak-anak looy sambayan na halling niiya ni pallun Yahudi, “Talita, kum.” Hatiyan na, “Nang, bangun na ko.”

Lukas 7:13

Pag takita jaꞌ bawu looy meꞌ Papuꞌ Isa, kapaluuy ya. Dari yuk na, “Daa na ko Daꞌ nangis.”

Lukas 7:15

Pag-anu, ilooy ma bangun du lalla looy sampay mitsala na ga. Dari siꞌ, yuk si Isa ni nneꞌ na, “Atu na Daꞌ anak nu.”

Lukas 7:17

Dari habal pasal bay kadarihan si Isa siꞌ lataꞌ na ni sikaliput Yahudiya sampay ni siga lahat ma ni bihing-bihing na.

Yahiya 11:25

Pag halling si Isa niiya, “Aku na situ makallum jama bay matoy batan aku poonan kaallum. Soysoy pitsayaꞌ niyaku, minsan ya matoy, llum du sina ya pabalik.

Yahiya 5:21

Batan yana meꞌ Mmaꞌ ku makallum jama lay na matoy, damikiyan meꞌ aku pun Anak na, kapakallum du soysoy karomanan ku.

Yahiya 5:25

“Baan ta kam banahan, tapit banahan na situ waktu sagannap ma tiksaꞌ nyawa da kale suwara Anak Tuhan nginganan sila. Sagannap ma ngahasi iya, mastiꞌ koleꞌ kaallum bahau.

Suwat si Pol pa mman Baanan Sukuꞌ si Isa ndooy ni Rom 4:17

Boꞌ sikatuwaꞌ bana ka suwat njawom kitab, ilooy ma yuk Tuhan ni Nabi Ibrahim, “Lai na ko bay peneꞌ ku binuwat mmaꞌ jinisan bangsa.” Na palman looy ilay siꞌ, lay na silay bana binakbul. Batan bong pa Tuhan, basta jama ngikut Nabi Ibrahim pitsayaꞌ, binilang na sila panubuꞌ Nabi Ibrahim san gi oy bangsa da. Na Nabi Ibrahim ilay, halloman yaꞌ gi ya bay anakan, amu-amu ya pitsayaꞌ ni janjiꞌ Tuhan binuwanan anak san ndaꞌ mata tunmanūn meꞌ na tinuman. Bistahun bi doꞌ, mag-umu na ya ga dahatus taun. Inaa ko ngawon, mas mehe gi dapat jama lay na matoy hanak man iya. Sitti Sara pun, bantuk yaꞌ na du luu dapat na battong sabap tupa na. Sugaꞌ san meꞌ looy, yaꞌ du bay maglumba meꞌ Nabi Ibrahim pitsayaꞌ. Batan bistahan na, Tuhan ma asahan na, yaꞌ luu saꞌ yaꞌ tapabuwat na. San jama lay na matoy, tapakallum na du. Damikiyan, bbuwatan ma yaꞌ gi bay luu, mastiꞌ tapaluu na du.

Epesus 5:12

Tandaꞌ ina ehe laat pabuwatan da ma sinipuk, san sinabbut, kaiyaꞌ-iyaꞌ.