Lukas 7:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Pag takita jaꞌ bawu looy meꞌ Papuꞌ Isa, kapaluuy ya. Dari yuk na, “Daa na ko Daꞌ nangis.”

Lukas 7:13 Iomraidhean Croise

Malkus 8:2

“Luuy ku la ni ga jama naa. Luu na tallu ngallaw halloman da ntuu mman ku, boꞌ yaꞌ na san luu takakan-kakan da.

Lukas 10:1

Pus meꞌ looy, lay na baw Papuꞌ Isa meneꞌ pitumpuꞌ-duwa jama ni baanan ma mmeꞌ niiya. Pag-anu, boꞌ da sohoꞌ na lumān masaplag pa siga daira ka ga kakawum-kawman ma song tiniluꞌ meꞌ na. Meꞌ na bay nohoꞌ sila lumān, duwa-duwa maglimbang paninggai-paninggai jaꞌ tiluꞌ da.

Lukas 11:1

Na luu disu llaw, pus si Isa maku duwaa, yuk disu mulit na niiya, “Tuwan, si Yahiya ma Tukang Mandi lay na la noan siga mulit na bong pooy meꞌ maku duwaa pa Tuhan. Bong siꞌ kadarihan ningkau, toan nu na du kami.”

Lukas 11:39

Dari yuk si Isa niiya, “Kaam ina siga Parisi, inaa du jagahan bi kasutsian ni poan. Bong siꞌ ibaratan sawan atawa pinggan, ni poan du kosoan bi. Sugaꞌ njawom, pabiya bi jaꞌ pannoꞌ meꞌ jinisan kalalamaan. Meꞌ naa du sina karuha njawom atay bi, masi du pannoꞌ meꞌ napsu mulakab ka jinisan kalaatan.

Lukas 12:42

Sugaꞌ bbuwatan Papuꞌ Isa baw, lay jaꞌ darahan na bitsala na, yuk na, “Soysoy ina ata patong mamiki sampay magkanaalla ni papuꞌ na, iya na sina pineneꞌ meꞌ papuꞌ na magtakōk ni siga pagkahi na ata. Maka iya na inasahan makan sila tuktuk waktu man mangan.

Lukas 13:15

Tampung Papuꞌ Isa niiya, “Uy la, kaam bitu magbawuꞌ-bawuꞌ jaꞌ intong pa Tuhan. Kira ku san gi Llaw Pahali, yaꞌ san kam luu san disu yaꞌ bay ngalakkahan ingkot sapiꞌ bi atawa kuraꞌ bi, boꞌ tinondaꞌ pa boheꞌ pinainum.

Lukas 17:5

Pag-anu, yuk siga rasul si Isa, “Tuwan, bong anu, toan doꞌ kami mari pabasag na pin pangando kami pa Tuhan.”

Lukas 17:6

Yuk si Isa ninsila, “Bong siꞌ ina luu jaꞌ dangkitiꞌ pangando bi pa Tuhan, san lasa bateheꞌ-teheꞌ bigi mustard, takaya bi jaꞌ sina minsan pabuwatan tunmanūn pa manusiyaꞌ. San gi ina sohoꞌ bi poon kayu naa pungkad boꞌ nohoꞌ nanom dī na ni dilawut, mastiꞌ inasip jaꞌ du kam.”

Lukas 18:6

Pag-anu, yuk Papuꞌ Isa ninsila, “Mamintang jaꞌ kam ni huwis looy. San ya yaꞌ intong, lay gi ya nabangan bawu looy.

Lukas 19:8

Na sasang da siꞌ ningkōꞌ njawom lumaꞌ, lay nangge si Zakiyus boꞌ na halling, “Tuwan, dean ku na jama miskin tongaꞌ altaꞌ ku, maka sagannap ma bay lilu ku, papoleꞌ ku na sīn da maka lipat ku gi min mpat.”

Lukas 22:61

Maka ni waktu looy du, tineleꞌ na ya meꞌ Papuꞌ Isa sampay taintom na na bay tunaꞌ si Isa, ilooy ma yuk na, “Sangom tuu du yaꞌ lagi bay tingkauk manuk, ndang min tallu na ko bay maylu bahasa yaꞌ ku takila nu.”

Lukas 24:3

Dari lay sila paasok, sugaꞌ pag ndaꞌ da, yaꞌ na luu mayat Papuꞌ Isa.

Lukas 24:34

Yuk siga ilooy siꞌ ma bay kumpo-kumpo ni lalla looy ma duwa, “Tud mawjud du la Papuꞌ llum na pabalik, boꞌ lay gi siꞌ ya nammuhan si Saymon!”

Lukas 7:12

Tapit jaꞌ siꞌ sila pa behe lawang kutaꞌ ma ngaliput daira looy, lay sila sitammu ka baanan jama pōꞌ man daira looy nuhiyan mayat pa kubu. Mayat looy ilay yana disu lalla anak tungga, boꞌ bawu lagi nneꞌ na. Maka meka du jama daira looy bay mmeꞌ ni bawu looy nuhi sasang na patuhut ni pangkaꞌ anak na.

Lukas 7:14

Pag-anu siꞌ, pasōng na si Isa pa pangkaꞌ looy, boꞌ pinurut meꞌ na. Sampay lay na patagong ga jama ma ngalanggung. Pag-anu, yuk si Isa ni mayat looy, “Toꞌ, bangun na ko.”

Lukas 7:19

yuk na, “Pilay doꞌ kam pa mman si Isa. Tilawun bi teꞌ bong tud iya na tukang nalamat ma bay njanjiꞌ meꞌ Tuhan pinapitu, atawa luu gi ka sarī subay agad tabi.”

Lukas 8:52

Kuwan sagannap ma ndang luu na ndooy njawom lumaꞌ, magtangisan na pin magkarukkaan ni anak-anak looy. Sugaꞌ yuk si Isa ninsila, “Daa na kam ba nangis. Yaꞌ du sina matoy anak-anak naa, arapun tuli jaꞌ sina.”

Yahiya 11:2

Si Mariyam siꞌ tu, ilooy na danda ma bay numpahan insallan hamut ni battis Papuꞌ Isa boꞌ na muusan battis na maka dūn kōk na. Dari pagka saki si Lasarus,

Yahiya 11:3

lay ga danganakan na nugun pa mman Papuꞌ Isa nohoꞌ binaan saki paya bagay na ma kinaasean meꞌ na.

Yahiya 20:13

Tilaw da siꞌ niiya, “Ongoy tu ko Nang nangis?” Pag tampung si Mariyam, “Luu la bay ngalakkahan mayat Papuꞌ ku. Boꞌ yaꞌ san katoonan ku bong bay binoo paninggai meꞌ da.”

Yahiya 20:15

Yuk si Isa niiya, “Ongoy ko Nang nangis? Soy tu piha nu?” Na kuwan si Mariyam baw siꞌ tu, kanna na si Isa ga tukang huma ni tanaꞌ looy. Dari yuk na, “Paꞌ, bong sabagay kau bay moo mayat si Isa pa tampat sarī, baan doꞌ ku la bong ninggai, boꞌ takaddoꞌ ku.”

Yahiya 4:1

Na song hallom, lay na baw kaakahan siga Parisi meka na jama mmeꞌ ni si Isa sampay lay na du pinandi meꞌ na. Boꞌ labi gi konoꞌ eka da man ni si Yahiya.

Yahiya 6:23

Pag-anu siꞌ, luu na baw siga kumpit takka man Tiberias lay parungguꞌ tapit pa lahat looy man da bay mangan tinapay ma bay pinagsukuhan meꞌ Papuꞌ Isa.

1 Korin 7:30

Kasusahan tabi atawa pun kagakan tabi, daa subay na pin inaa isbat tabi. Bong kitabi tukang maglilitu, daa subay na pin altaꞌ meꞌ punu njawom atay tabi.

1 Tesaloneka 4:13

Siga danganakan, doman kami mahati ningkaam pasal siga pagkahi tabi sukuꞌ si Isa ma lay na matoy. Kon kami mahati, taggahaꞌ kalanduꞌ na baw kam susa meꞌ karuha siga jama ma saꞌ sukuꞌ si Isa bila sila kapatoyan. Meꞌ sila ilay, kon da susa, batan yaꞌ luu kaayaran hinolat meꞌ da ni ahirat.

Hibrani 2:17

Sangkon talpaksaꞌ ya bay dari manusiyaꞌ meꞌ karuha kitabi du siga danganakan na. Maka talpaksaꞌ du ya ngalingkaan jinisan kamalasahiyan manusiyaꞌ supaya takissa na parasahan tabi. Boꞌ na, bay tinakdil niiya meꞌ looy supaya ya tawop binuwat panghuluꞌ imam ma kanaalla ni hāl Tuhan, maka supaya tasongan na umu na man muwasan mimon dusa tabi.

Hibrani 4:15

Meꞌ iya ina panghuluꞌ imam tabi, tahati na kulang kawasa manusiyaꞌ man naggaꞌ siga sasat seytan. Takissa na parasahan tabi sabap iya mismu lay du lumingkaꞌ ni jinisan sasat seytan meꞌ karuha ningkitabi du. Sat na jaꞌ kuwan niiya, yaꞌ luu dusa na samasakali.