Lukas 6:40 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁰ Sarī gi, bong luu mulit baguru ni guru awam, mastiꞌ kapandoyan na yaꞌ du lumabi man guru na. San ina lay na takoleꞌ na mimon kapandoyan guru na, sibuꞌ du kaawaman da.

Lukas 6:40 Iomraidhean Croise

Matiyu 23:15

“Siya-siya kam, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Padile padilawut na kam maglanan bong pin kam nammu jaꞌ san lasa disu jama binuwat mulit bi. Pag lay jaꞌ kam nammu, sabapan tōꞌ bi, magdaruhun gi kalaatan na. Pag toklas na, mangkin na ya pataꞌ pinidjalaꞌ ni nalkaꞌ labi gi man kaam.

Lukas 6:41

“Na kaam ma tigiꞌ nahawi, ongoy taggahaꞌ takita bi boboꞌ-boboꞌ jawom mata soheꞌ bi, pagka batang ni mata bi yaꞌ san paruli bi.

Yahiya 13:16

Na pagka Papuꞌ bi lay magpadiyoꞌ, sapatut na, kaam pun iyadu. Batan baan ta kam banahan, yaꞌ sina luu ata patingkat gi man papuꞌ na. Damikiyan yaꞌ du luu sosohoan patingkat gi man ilooy ma bay nohoꞌ iya.

Yahiya 15:20

Ingatun bi meꞌ halling sambat ku na siꞌ, ‘Yaꞌ sina luu ata patingkat labi gi man papuꞌ na.’ Sangkon, pagka aku bay nilaugan meꞌ da, kaam pun ina mastiꞌ nilaugan du. Bong siꞌ ilay ndang bay kinanna meꞌ da tōꞌ ku, malaingkan ningkaam pun ina, kinanna du.