Lukas 6:39 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁹ Pag-anu, lay na baw si Isa ngandalil mari sila yaꞌ mmeꞌ ni soysoy guru awam ni kabanahan, yuk na, “Bong ina jama buta nondaꞌ pagkahi na buta, pag toklas na, labuꞌ sila pa jawom lowang sikaduwa.

Lukas 6:39 Iomraidhean Croise

Matiyu 13:3

Iya siꞌ bay nōꞌ, meka dalil bay pakoy na. Disu meꞌ tuu, yuk na, “Pakale doꞌ kam. Luu disu jama lay naburan bani ni huma na.

Matiyu 15:14

Sila ina guru awam noan jama awam. Sibuꞌ du sina karuha da ka jama buta nondaꞌ jama buta. Boꞌ jama buta ina, bong nondaꞌ pagkahi na buta, mastiꞌ labuꞌ pa jawom lowang jaꞌ sikaduwa.”

Matiyu 23:33

“Kaam ina, sibuꞌ du kam ka bay jaman kabboꞌ-bboan bi, subay ga baanan sō latsunan. Daa na kam ngaholat ga tailagan bi lagi hukuman nalkaꞌ.

Suwat si Pol pa mman Baanan Sukuꞌ si Isa ndooy ni Rom 2:19

Meꞌ bi mista, tawop kam magmundaan jama ma meꞌ sapantun buta ni kaawam da ni hāl Tuhan. Ni bistahan bi, kaam na meꞌ sapantun sūꞌ ni sagannap ma njawom lindom.

2 Timuti 3:13

Batan jama maat ina ka jama pangakka, magsasōng na pin sina mintu kalaatan da. Ngakkahan sila jama, sugaꞌ sila pun inakkahan du.