Lukas 6:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ “Kaam ma sinanglitan meꞌ sikamimon manusiyaꞌ, siya-siya du sina kam batan yaꞌ kam kuhi nanggehan kabanahan. Sibuꞌ du kam ka siga nabi palsu mattoꞌ ma bay pinagsanglitan meꞌ kabboꞌ-bboan tabi.

Lukas 6:26 Iomraidhean Croise

Matiyu 7:15

“Iyakin kam ni siga jama ma magbawuꞌ-bawuꞌ tukang masampay ga umanat man Tuhan. Ndaꞌ mata ina dambuwaꞌ mukalnaꞌ sila ka kaam. Boꞌ ko, sarī njawom atay da. Bong ina kam yaꞌ jaga, sibuꞌ du sina mintu karuha bi ka baanan bili-bili ma bay katis sinalik meꞌ idoꞌ tawun.

Lukas 6:25

Damikiyan, kaam ma maabak meꞌ bi maasso dī bi sadjaꞌ, siya-siya du sina kam. Batan bbos-bbos kalingantuhan du sina kam. Maka siya-siya du sina kam ma tatto-tatto ngisbat jaꞌ kagakan ni hāl junyaꞌ, batan bbos-bbos ina, magkarukkaan du kam sampay nangis.

Yahiya 15:19

Bong siꞌ baw kam ina masi dambuwaꞌ mukalnaꞌ ka sila, malaingkan kinaasean kam meꞌ da. Sugaꞌ pagka lay na kam pasakkat sabap meꞌ bi bay pineneꞌ meꞌ ku binuwat sukuꞌ ku, inaa na poonan man da lammis ningkaam.

Yahiya 7:7

sabap yaꞌ kam kinalammisan. Boꞌ aku tu, kinalammisan meꞌ mimon ma mandang hāl junyaꞌ sabap mungka ku kalaatan da.

Suwat si Pol pa mman Baanan Sukuꞌ si Isa ndooy ni Rom 16:18

batan sila ina, saꞌ Papuꞌ tabi si Isa Almasi pakutuꞌ da. Iya paabak da meꞌ da nganduwan napsu da. Alistu sila mitsala sampay malambu tinga jama man da ngandupang jama awam.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.