Lukas 6:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Damikiyan, kaam ma maabak meꞌ bi maasso dī bi sadjaꞌ, siya-siya du sina kam. Batan bbos-bbos kalingantuhan du sina kam. Maka siya-siya du sina kam ma tatto-tatto ngisbat jaꞌ kagakan ni hāl junyaꞌ, batan bbos-bbos ina, magkarukkaan du kam sampay nangis.

Lukas 6:25 Iomraidhean Croise

Lukas 12:20

Sugaꞌ yuk Tuhan niiya, ‘Biddaꞌ na baw tu dupang nu. Sangom tuu du matoy na sina ko. Dari mimon altaꞌ ma bay kumpo nu para dī nu, kapa jama na sina.’ ”

Lukas 13:28

“Dari magtangisan sina kam mintu sampay magkattop na ni kaehe sasso bi pag takita bi Nabi Ibrahim, Nabi Isahak, Nabi Yaꞌkub sampay mimon kanabi-nabihan njawom okoman pamarinta Tuhan. Boꞌ kaam ina mintu, ni poan sadjaꞌ kam.

Lukas 6:24

“Boꞌ kaam ina ma dayahan, ma masannang dī bi sadjaꞌ ka altaꞌ bi, tud siya-siya sina kam. Lay na takoleꞌ bi kasannangan bi ntuu ni junyaꞌ, pag ni sinōng, yaꞌ na luu.

Lukas 6:26

“Kaam ma sinanglitan meꞌ sikamimon manusiyaꞌ, siya-siya du sina kam batan yaꞌ kam kuhi nanggehan kabanahan. Sibuꞌ du kam ka siga nabi palsu mattoꞌ ma bay pinagsanglitan meꞌ kabboꞌ-bboan tabi.

Lukas 8:53

Pag takale da bitsala na, lay jaꞌ ya pinatattohan batan katoonan da tud lai na matoy anak-anak looy.

Epesus 5:4

Maka yaꞌ du sina pataꞌ bong kam mōꞌ bitsala lakaꞌ-lakaꞌ ka bitsala karupangan atawa mōꞌ paglatahan tampalasa. Arapun inaa ya pataꞌ ningkaam meꞌ bi muwan pagsukuhan pa Tuhan.

1 Tesaloneka 5:3

Ni masa looy ilay mintu, meka sina kapahalling sannang jaꞌ lahat ka yaꞌ luu piligru. Sugaꞌ sakayi da ina mintu kasayu, katakkahan na sila balaꞌ ma yaꞌ na katangkisan. Sibuꞌ du sina mintu kahalan da ka danda battong. Sakayi na kasayu, paddi na battong na, boꞌ yaꞌ na tatangkisan na.

Yaꞌkub 4:9

Man bi nnaa tatto-tatto, gam na kam magtangisan ka magkarukkaan sabapan dusa bi. Man bi nnaa gāk, gam na kam sasso ni dusa bi.

Siga Pakaradjaan bay Pinalahil 3:17

Kaam ina, baꞌ-bāꞌ bi dayahan na kam maka yaꞌ na luu kulang bi. Sugaꞌ bong pa Tuhan, miskin sina kam, kaluuy-luuy kam, buta kam, nantang kam, maka kasipin-sipin kam.