Lukas 6:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Njawom supaat kaam ma lingantu, batan pinaasso du sina kam bbos-bbos. Njawom supaat kaam ma nangis ni batnaa, batan gāk du sina kam bbos-bbos.

Lukas 6:21 Iomraidhean Croise

Panagnaan 17:17

Pag takale meꞌ si Ibrahim meꞌ looy, magti ya sujud pabalik. Sugaꞌ lay gi du baw ya kapatatto batan njawom atay na, “Pooy gi doꞌ tu meꞌ ku hanak? Dahatus taun na bitu umu ku! Damikiyan, si Sara pun, siyampūꞌ taun na umu na.”

Panagnaan 21:6

Yuk si Sara, “Yaꞌ la tasaggaꞌ ku lannu atay ku meꞌ tuu na gantaan Tuhan njataꞌ ku. Kira ku, soysoy jaꞌ kaaka kadarihan ku meꞌ tuu, mastiꞌ kapatatto jaꞌ du.”

Matiyu 5:4

Njawom supaat sina sagannap ma magkasusahan ni bay dusa da batan pinagamgaman du sina sila meꞌ Tuhan.

Matiyu 5:6

Njawom supaat sina sagannap ma basag kainagon da intong pa Tuhan, batan nduwan jaꞌ sina sila.

Lukas 1:53

Sagannap ma lingantu, pinaasso leꞌ na ka jinisan kaayaran. Boꞌ jama dayahan ina, palakka na na limboy-limboy tangan sadjaꞌ.

Lukas 6:20

Pag-anu siꞌ, lay na baw si Isa paawop pa mman sagannap ndooy ma mmeꞌ niiya, boꞌ na halling, “Njawom supaat kaam ma miskin batan kapakaam pamarinta Tuhan.

Lukas 6:22

“Bong ina kam kinalammisan, tinuwak, pinadiyoꞌ sampay pinitnahan sabap meꞌ bi mmeꞌ niyaku, yana Anak Manusiyaꞌ, njawom supaat du sina kam.

Lukas 6:25

Damikiyan, kaam ma maabak meꞌ bi maasso dī bi sadjaꞌ, siya-siya du sina kam. Batan bbos-bbos kalingantuhan du sina kam. Maka siya-siya du sina kam ma tatto-tatto ngisbat jaꞌ kagakan ni hāl junyaꞌ, batan bbos-bbos ina, magkarukkaan du kam sampay nangis.

Yahiya 11:35

Kuwan si Isa baw siꞌ tu, lay na kapanangis.

Yahiya 4:10

Pag tampung si Isa baw siꞌ tu niiya, “Bong siꞌ ina bay tasayu nu ladjikiꞌ ma pamuwan Tuhan, maka bong siꞌ tasayu nu bong soy tu ituu ma nohoꞌ pinainuman ningkau, gam pin kau gi siꞌ bay duhuꞌ maku inuman mman ku, boꞌ nu buwanan ku boheꞌ ma llum.”

Yahiya 6:35

Yuk si Isa, “Aku na situ makanan looy ma muwan kasampulnaan nyawa. Soysoy pa mman ku maka pitsayaꞌ niyaku, malaingkan yaꞌ na ya lingantu pabalik maka yaꞌ na du kuhi tohoꞌ kallong na saumu.

1 Korin 4:11

Ngabut sampay batnaa, daran gi kami kalingantuhan sampay katohoan kallong. Boꞌ kulang pamakoy lagi kami. Daran kami llagpiꞌ, boꞌ yaꞌ san luu lumaꞌ kami.

2 Korin 11:27

Min meka na situ ku bay lumingkaꞌ lamma banahan hangat magtuyuꞌ kalnaꞌ Tuhan. Daran ku bay pingkaꞌ yaꞌ tuli timpus dambahangi. Kansang gi ku bay naggaan lingantu sampay tohoꞌ kallong. Daran gi ku bay kakatisan balanjaꞌ sampay natasan tanne, boꞌ kulang pamakoy gi ku.

2 Korin 12:10

Sangkon, magsuku na du ku san yaꞌ luu kawasa ku ni dī ku, san ku pinadiyoꞌ, nilaugan, sampay njawom katiksaan kalnaꞌ Almasi. Batan mangkin yaꞌ luu kawasa ku, mangkin na takka kawasa Almasi njataꞌ ku.

2 Korin 6:10

San yaꞌ taambat kamalasahiyan talingkaan kami, yaꞌ du baw bay maglumba kagakan njawom atay kami. San kami miskin, meka na baw jama magkadayahan meꞌ kami ka altaꞌ ma natas saumu-umu. San yaꞌ luu oy maka oy na ni junyaꞌ tuu ma taawnan kami dapu, pagka kami tibuuk na ka Almasi, mimon ma luu niiya, ningkami na du.

Yaꞌkub 1:12

Na sagannap ma amu-amu natas njawom kasusahan ma nuwayan pangando da ni si Isa, mastiꞌ sinupaatan jaꞌ sina. Batan pagka tumatandaꞌ na takkoꞌ pangando da, koleꞌ jaꞌ sina sila kasampulnaan nyawa saumu-umu ma ndang bay njanjiꞌ meꞌ Tuhan ni sagannap ma maaseꞌ niiya.

Siga Pakaradjaan bay Pinalahil 21:3

Pag-anu siꞌ, kale na baw ku suwara haddo lakka man tagan paningkoan looy, yuk na, “Batnaa tu magdambuwaꞌ na Tuhan ka manusiyaꞌ. Batan patannaan na sibuꞌ du ka ninsila. Batnaa sukuꞌ na na sila maka iya na Tuhan da ma tattap lungbid ka sila.

Siga Pakaradjaan bay Pinalahil 7:16

Yaꞌ na sina luu masa da lingantu atawa pun katohoan kallong. Maka yaꞌ na sila kapasuan atawa malasahi leꞌ pasuꞌ llaw,