Lukas 5:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Lai jaꞌ siꞌ sila ngalabuꞌ pukut da, oy doꞌ ba, landuꞌ na eka daying da, yaꞌ na taambat sampay adak geseꞌ na ga pukut da pag helaꞌ da.

Lukas 5:6 Iomraidhean Croise

Lukas 5:7

Dari siꞌ, lay na kambay da siga soheꞌ da ma ni taꞌ bagung looy disu nohoꞌ nabang ngahelaꞌ pukut. Pag takka da, lay na pannoan da bagung da sikaduwa ka daying sampay agon-agon tumallob na ga.

Salsila siga Rasul 2:41

Dari meka na jama bay pitsayaꞌ ni umanat si Pitel sampay lay na du sila nohoꞌ pinandi. Eka jama bay pasampun ni baanan sukuꞌ si Isa bay llaw looy, kulang-labi tallu libu.

Salsila siga Rasul 4:4

Sugaꞌ minsan sila lay tajīl, meka na jama ma bay kale umanat da ni poan pitsayaꞌ na ni si Isa. Dari eka kalallahan ma pitsayaꞌ na ni si Isa lay na ngabut ga lima libu, sarī gi karandahan ka ga anak-anak.

1 Korin 15:58

Sangkon siga danganakan ku, kakasi ku, pahallotun bi pangando bi ni Papuꞌ Isa maka daa kam kuhi pinagsian. Gam pin pakutuun bi meꞌ bi maghulas-sangsāꞌ kalnaꞌ iya. Ndang-ndang katoonan bi na du, yaꞌ du senseng oy-oy pabuwat bi kalnaꞌ iya.

Galatiya 6:9

Sangkon daa kita jamu buwat kaintongan, batan mastiꞌ luu jaꞌ sina masa ta koleꞌ tungbas ayad.