Lukas 5:30 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁰ Pag tasayu siga Parisi ka ga guru saraꞌ agama, lay sila nahawi siga mulit si Isa, yuk da, “Ongoy doꞌ ilay kam kuhi paharung nginum-mangan ni siga tukang ninga sukay ka ga pagkahi da baldusa?”

Lukas 5:30 Iomraidhean Croise

Matiyu 5:46

Daa kam mista luu tungbas ayad man Tuhan ngagad kaam bong ilooy du kaasean bi isu-isu sagannap ma maasean kaam. Minsan ina siga tukang ninga sukay ma tanyag baldusa maaseꞌ du ni sagannap ma maaseꞌ ninsila.

Matiyu 9:11

Ndooy siꞌ, lay na baw si Isa takita meꞌ siga Parisi. Dari yuk da ni siga mulit si Isa, “Ongoy doꞌ ilay guru bi kuhi paharung mangan ni siga tukang ninga sukay ka ga pagkahi da baldusa?”

Malkus 2:16

Pag tasayu siga guru saraꞌ agama ma tabeꞌ ni palhimpunan siga Parisi lay si Isa mangan ndooy, tilaw da ni siga mulit na, “Ongoy doꞌ ilay guru bi kuhi paharung mangan ni siga tukang ninga sukay ka ga pagkahi da baldusa?”

Malkus 7:3

Batan aturan siga Yahudi awla na siga Parisi, yaꞌ dari mangan bong yaꞌ bay duhuꞌ ikut da lanan kabboꞌ-bboan da bay ngosoan tangan da.

Malkus 9:16

Tilaw si Isa ninsila, “Oy tu la pagjawapan bi?”

Lukas 18:11

Parisi looy siꞌ, njawom duwaa na, yuk na, ‘Tuhan, mehe meꞌ ku magsuku ningkau yaꞌ ku baldusa meꞌ jama kasohean. Yaꞌ ku nangkaw. Yaꞌ ku buwat kalaatan. Yaꞌ ku magjina. Maka yaꞌ ku pangalupig meꞌ karuha lalla looy ma tukang ninga sukay.

Lukas 19:7

Sugaꞌ pag ndaꞌ baanan ga jama ndooy meꞌ looy, buwatan da magdubdub, yuk da, “Uy la, iya lluruk meꞌ na induꞌ-induꞌ baldusa!”

Lukas 5:17

Na disu llaw sasang si Isa nōꞌ njawom lumaꞌ, luu du siga paki man palhimpunan Parisi ka ga guru saraꞌ agama ningkōꞌ ndooy pakale. Sila siꞌ tu lakka man kakawum-kawman ni Jalil ka Yahudiya, sampay man Jerusalem. Na si Isa siꞌ tu, luu na pin kawasa na man Tuhan nguliꞌ.

Lukas 5:21

Pag lay jaꞌ takale bitsala na meꞌ siga guru saraꞌ agama ka ga Parisi, tud bay dugahan sila. Honaꞌ-honaꞌ da, “Uy, lalla naa la, tatammu na ga mitsala pangka pa Tuhan! Isu-isu Tuhan bina luu kapatut na muwasan dusa!”

Lukas 7:34

Pag sunuꞌ Anak Manusiyaꞌ, yana aku, san ku mangan kinakan biyasa sampay nginum tubaꞌ anggul meꞌ karuha kaekahan manusiyaꞌ, baꞌ-bāꞌ bi lagak na baw ku maka palalango lagi. Maka sukat ku palamud ni siga tukang ninga sukay ka ga pagkahi da baldusa, pinalaat na baw ku meꞌ bi.

Lukas 7:39

Pag takita jaꞌ meꞌ Parisi looy ma bay ngaddoꞌ si Isa meꞌ looy, njawom atay na, “Bong siꞌ bina mawjud lalla naa disu nabi, yaꞌ ya kuhi sinagid leꞌ danda naa, batan mastiꞌ tasayu na jaꞌ danda naa baldusa.”

Salsila siga Rasul 23:9

Dari magdaruhun na kalingogan ndooy sampay sipaspad na ga sila. Boꞌ luu na ga kasohean guru saraꞌ agama ma tabeꞌ du ni palhimpunan Parisi ngandapitan si Pol, yuk da, “Yaꞌ bina la luu kasaan lalla naa. Marean ta bana luu malaikat atawa disu rū bay malahil kabanahan niiya.”