Lukas 5:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Na si Isa siꞌ tu, ndang katoonan na du njawom pamiki da. Dari yuk na ninsila, “Marean ta kanna bi yaꞌ luu kawasa-kapatut ku muwasan dusa.

Lukas 5:22 Iomraidhean Croise

Matiyu 12:15

Pagka katoonan si Isa niyat siga Parisi looy, lay ya lakka man lahat looy. Jama siꞌ tu sakiyan patuhut niiya. Boꞌ lay gi ya ngulian mimon ma sakihan.

Matiyu 12:25

Sugaꞌ tasayu si Isa du bong oy njawom pamiki da taggahaꞌ lay sila kapahalling meꞌ looy. Dari man na makitahan sila bitsala da yaꞌ luu katuwaꞌ-tuwaan na, yuk na ninsila, “Bong sawpama luu disu sultan, boꞌ raayat na wā sibonoꞌ, saꞌ ba, song hallom yaꞌ na luu takapin raayat na? Atawa pun, bong nnaꞌ ta pa daira, bong mayul na wā magsaggaꞌ ka siga kunsihal na, saꞌ ba, yaꞌ du natas pagkamayul na? Damikiyan, minsan dampalūng, bong buwatan da wā sasaꞌ-manasaꞌ, malaingkan yaꞌ du luu kasongan da.

Matiyu 9:4

Na si Isa siꞌ tu, ndang katoonan na njawom pamiki da. Dari yuk na ninsila, “Marean ta kanna bi yaꞌ luu kawasa-kapatut ku muwasan dusa.

Malkus 8:17

Na si Isa siꞌ tu, tasayu na du bong oy binitsala meꞌ da. Dari yuk na ninsila, “Ongoy subay na pin kam hanggaw pasal tinapay yaꞌ luu? Yaꞌ gi bitu hati kam kahati pasal aku! Tud awod kam la tinoan.

Lukas 24:38

Sugaꞌ yuk si Isa ninsila, “Ongoy na pin doꞌ tu gundalaꞌ pamiki bi? Ongoy taggahaꞌ hawal-hawalan na pin kam itu na ku llum pabalik?

Lukas 5:21

Pag lay jaꞌ takale bitsala na meꞌ siga guru saraꞌ agama ka ga Parisi, tud bay dugahan sila. Honaꞌ-honaꞌ da, “Uy, lalla naa la, tatammu na ga mitsala pangka pa Tuhan! Isu-isu Tuhan bina luu kapatut na muwasan dusa!”

Lukas 5:23

Sugaꞌ subay siꞌ tabista bi pagka luu kawasa-kapatut ku ngulian jama, mastiꞌ luu du kawasa-kapatut ku muwasan dusa.

Salsila siga Rasul 5:3

Dari yuk si Pitel niiya, “Ananiyas, ongoy taggahaꞌ kuhi-kuhi jaꞌ ko pinagbayaan meꞌ Ibilis. Tatammu nu na ga ngandustaan Rū Sutsiꞌ. Baꞌ-bāꞌ nu, luu na ntuu mimon ballihan tanaꞌ nu, mingkan luu gi kasohean bay nnaꞌ nu para ni dī nu.

Hibrani 4:12

Na palman Tuhan ina kawasahan boꞌ kabuwan gi kaallum bahau. Dari ko ngawon, palman na tawom gi man kataliꞌ batan ngassob sina pa jawom atay tabi sampay pa nyawa tabi. Maka palman na ina, inaa na man tabi mindoga bong mahap atawa maat pamiki tabi ka niyat atay tabi.

Siga Pakaradjaan bay Pinalahil 2:23

Mimon ma mmeꞌ meꞌ uwahan na, papatoy ku du sina. Dari pag mintu meꞌ looy, tabista na sina meꞌ mimon baanan sukuꞌ ku, mastiꞌ tasayu ku jaꞌ bong oy njawom atay manusiyaꞌ ka pamiki da. Maka aku du nungbasan sila saliꞌ-saliꞌ magbēꞌ ka pabuwatan da mahap-maat.