Lukas 4:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Yuk Ibilis niiya, “Mimon pamarinta ka mimon pangaltaꞌ njawom junyaꞌ lay na sina pina-ntan niyaku sampay aku na magbayaꞌ ninsila. Ilooy ilay siꞌ labbasakayi dari dean ku ni soysoy pineneꞌ meꞌ ku.

Lukas 4:6 Iomraidhean Croise

Lukas 4:7

Na bong ko sujud numba aku, malaingkan dean ku na kau labbasakayi.”

Yahiya 12:31

Taabut na situ waktu man Tuhan ngalabuꞌ hukuman na ni kapasal mimon dusa manusiyaꞌ. Maka taabut na du waktu man maā Ibilis ma panghuluꞌ ni manusiyaꞌ ma yaꞌ pitsayaꞌ niyaku.

Yahiya 14:30

Yaꞌ na patahaꞌ ku bitsala ku sabap song takka na Ibilis ngalān aku. Iya ilay magbayaan manusiyaꞌ ma yaꞌ pitsayaꞌ niyaku. Sugaꞌ bong baw aku, basta yaꞌ baw tu luu kawasa-kapatut na njataꞌ ku.

Yahiya 8:44

Kaam ina, Ibilis mmaꞌ bi. Dari ilooy karomanan bi pinabuwat, siga pabuwatan ma nulut ni kahandak na. Ibilis ina ndang tukang mapatoy labba man tagnaꞌ. Bong inawnan hāl kabanahan, yaꞌ ya doman palamud sabap yaꞌ luu niiya kabanahan. Bong ya mitsala, dustaꞌ jaꞌ, batan ndang pangandustaꞌ ya. Lagiꞌ na, ndang iya poonan dustaꞌ.

2 Korin 11:14

Sugaꞌ daa na kitabi haylan, batan Ibilis pun ina ngakka du sampay manyalupa gi pa malaikat nahayaꞌ na bahasa lakka man Tuhan.

Epesus 2:2

Jaman looy ilay, bbuwatan bi mandang hāl junyaꞌ jaꞌ sabap bay kam pinagmundaan meꞌ panghuluꞌ siga seytan, yana Ibilis. Iya ilay ndang magbayaan sagannap ma yaꞌ doman mmeꞌ ni kahandak Tuhan.

1 Pitel 1:24

Meꞌ bay sinuwatan njawom kitab, yuk na, “Kaallum manusiyaꞌ sandaꞌ-sandaꞌ jaꞌ meꞌ karuha parang jaꞌ ngalayu. Damikiyan, kabantugan manusiyaꞌ pun sandaꞌ-sandaꞌ jaꞌ du meꞌ karuha sumping ma ngalatak.

1 Yahiya 5:19

Maka katoonan tabi du san mimon manusiyaꞌ ma yaꞌ pitsayaꞌ ni si Isa lay na takawum leꞌ Ibilis, bong kitabi, niyaꞌ na, batan sukuꞌ Tuhan na kitabi.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.

Siga Pakaradjaan bay Pinalahil 13:2

Sattuwa looy siꞌ ingbas ka miyong tawun ma mehe banahan. Battis na subay ga battis baluwang. Kuwan behe na, meꞌ behe halimaw. Pag-anu siꞌ, lay na dean naga looy kawasa-kapatut na ka pamarinta na ni sattuwa looy man na marinta taꞌ junyaꞌ.

Siga Pakaradjaan bay Pinalahil 13:7

Lay jaꞌ ya pinabiya ngalān siga sukuꞌ Tuhan sampay lay sila tumandiyoꞌ meꞌ na. Maka lay gi ya binuwanan kawasa-kapatut marintahan manusiyaꞌ ni mimon kalahat-lahatan ka ni mimon kabangsa-bangsahan, kaniya-kaniya ka jinisan pallun da.