Lukas 4:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Takale jaꞌ siꞌ meꞌ jama ndooy tōꞌ na, tud jayip sila batan tumatandaꞌ luu kapatut na man Tuhan.

Lukas 4:32 Iomraidhean Croise

Malkus 1:22

Jama siꞌ tu ndooy, tud bay haylan ni tōꞌ na, batan tumatandaꞌ luu kapatut na man Tuhan, saꞌ meꞌ tōꞌ siga guru saraꞌ agama.

Lukas 2:47

Na sagannap ma bay kale bitsala na ndooy tud bay kapajayip sila ni kalawom pangahati na ka ni kaalistu na nampung.

Lukas 4:33

Pag-anu, ndooy ni langga looy siꞌ, luu na baw disu lalla sineytan, boꞌ magti ngahowapan si Isa, yuk na,

Lukas 4:36

Ni kahaylan ga jama ndooy, yuk dangan pa dangan, “Jama oy doꞌ tu meꞌ tuu? Tud basag la kawasa-kapatut na. Sampay siga seytan, ngasip jaꞌ ni bitsala na. Bong karuhung sohoꞌ na pōꞌ, sarunduun du pōꞌ!”

Yahiya 6:63

Baan ta kam banahan, bong itu tud isi baran ku, mastiꞌ yaꞌ kabuwan kasampulnaan nyawa. Ilooy ya muwan kasampulnaan nyawa, yana Rū Sutsiꞌ. Boꞌ bay bitsala ku ilay siꞌ ningkaam, lakka man iya. Sangkon soysoy pitsayaꞌ ni bitsala ku koleꞌ kasampulnaan nyawa.

Yahiya 7:46

Tampung ga tukang jaga looy, “Yaꞌ baw ba la kami bay lumingkaꞌ kale bitsala meꞌ bitsala lalla looy.”

2 Korin 4:2

Lay na labbahan kami mimon pabuwatan kaiyaꞌ-iyaꞌ ma subay na pin tinapuk. Dari yaꞌ situ kami ngandupang jama atawa pun nabid isi umanat mahap ma bay hinalap ningkami meꞌ Tuhan. Isu-isu kabanahan pasampay kami. Bong siꞌ ina jama bonto, basta tabista da jaꞌ situ bana bitsala kami. Lagiꞌ na, katoonan Tuhan du sina.

1 Tesaloneka 1:5

Batan jaman kami ilay bay masampay umanat mahap pasal si Isa Almasi ningkaam, lay na kam pitsayaꞌ. Boꞌ kaam ilay bay pitsayaꞌ, saꞌ du ga sat man sabapan bitsala kami; luu du kawasa Rū Sutsiꞌ bay mukaꞌ puad bi. Sarī gi, lay du bay tabistu bi bana halling kami batan lay na bay tasakup bi arat-tabiat kami nnaa. Maka katoonan bi na du, mimon bay pabuwat kami nnaa, yaꞌ luu saꞌ yaꞌ bay pa kaayaran ningkaam.

Taytus 2:15

Na Taytus, ituu siꞌ sikamimon ma bay suwat ku ningkau, pasampayun sa ni siga baanan sukuꞌ si Isa nnaa. Buwansangan nu sila mmeꞌ ni tōꞌ tuu. Bong luu pagkahi nu yaꞌ doman mmeꞌ ni tōꞌ tuu, daa pabiyahun. Ndang-ndang luu du kapatut nu naup sila.