Lukas 3:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Dari meꞌ looy na silay siꞌ meꞌ si Yahiya bay masaplag umanat mahap pasal Almasi ni siga jama ndooy. Boꞌ meka gi bitsala na bay pinōꞌ meꞌ na man mitsalahan ga jama ndooy nohoꞌ mmeꞌ ni kahandak Tuhan.

Lukas 3:18 Iomraidhean Croise

Lukas 3:17

Iya ina mintu meꞌ sapantun jama ka tapan na ngahampaan bohas. Isi na inannaꞌ ni jawom buriga na. Kuwan hampaꞌ na, tinunu meꞌ na njawom api ma yaꞌ kuhi pawom saumu-umu.”

Lukas 3:19

Pus mandooy, lay gi si Yahiya nahawi Gubnul Herod Antipas pasal dusa na bay ngagaw ipa na si Herodiyas binuwat nda na. Boꞌ meka gi jinisan kalaatan na bay binungka meꞌ si Yahiya.

Yahiya 1:15

Iya na silay ilooy ma bay binitsala meꞌ si Yahiya jaman na bay mandi jama. Jaman looy siꞌ, lay si Yahiya ngahowap masaplag pasal iya, yuk na, “Ituu na situ ilooy ma bay bāꞌ ku pasunuꞌ man aku. Sugaꞌ ni sabana na, duhuꞌ gi silay ya man aku sabap yaꞌ gi ku bay pinamaddihan, ndang luu na ya.”

Yahiya 1:29

Pag meꞌ sumawung, takita si Yahiya na si Isa pasōng pa mman na. Dari yuk na ni baanan jama ndooy, “Alu na lalla ma ginalla Bili-bili Tuhan ma muwasan dusa manusiyaꞌ.

Yahiya 1:34

Boꞌ na, pagka tud lay na du bay takita ku meꞌ looy, ituu situ man ku kabāꞌ na basta tud mawjud du lalla looy Anak Tuhan.”

Salsila siga Rasul 2:40

Na sarī man ilooy siꞌ, meka gi bitsala si Pitel man na noan sila kabanahan. Sigi-sigi ya nganjunjung ninsila, yuk na, “Bean bi na bay halling ku siꞌ mari kam salamat man mulkaꞌ ma labuꞌ bbos-bbos ni siga jama maat ni angkat-angkatan batnaa.”

Salsila siga Rasul 20:2

Takka jaꞌ siꞌ ndooy, lay ya ngalataan lahat looy ngandaꞌ-ngandaꞌ siga baanan sukuꞌ si Isa sampay lay gi ya magnasihat man na mataggu iman da. Pag-anu, boꞌ na pawus na pa Greece.

Suwat si Pol pa mman Baanan Sukuꞌ si Isa ndooy ni Rom 12:8

Damikiyan, ma kaladjikian magamgaman atay jama, subay du pakutuꞌ na. Ma bay kaladjikian sīnan, subay yaꞌ tingot nulung siga pagkahi na ma sigpit. Bong luu bay kaladjikian alistu magpa-mmean, subay du ya tiggo magtakōk. Ma kaladjikian manimbang, subay du ya manimbang ni kagāk atay na nabangan jama.