Lukas 3:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Dari pag takale baanan ga jama looy bitsala na, yuk da, “Tuwan, oy tu la pataꞌ subay pabuwat kami mari tumatandaꞌ lay na tawbatan kami dusa kami?”

Lukas 3:10 Iomraidhean Croise

Lukas 3:12

Na ndooy siꞌ, luu du siga tukang ninga sukay parinta nohoꞌ du pinandi, yuk da, “Kami baw Tuwan Guru, oy baw tu pataꞌ subay pabuwat kami?”

Lukas 3:14

Maka luu gi du ndooy siga sundalu nohoꞌ binaan bong pooy ninsila. Tilaw da, “Hati, kuwan kami baw, pooy lay la Tuwan?” Pag tampung si Yahiya, “Daa kam mitna atawa makitawu jama bong pin kam sinuap ka pilak. Magsuku jaꞌ kam ni gadji bi.”

Lukas 3:8

Bong bana-bana hilas meꞌ bi nawbat, subay paayarun bi kawul-piil bi. Daa kam mista sukat kam panubuꞌ Nabi Ibrahim salamat na kam pa Tuhan. Saꞌ sina inaa katabang ningkaam. Baan ta kam, minsan ina ga buran batu naa tapadari du meꞌ Tuhan panubuꞌ Nabi Ibrahim bong siꞌ tud inaa puntukan niiya.

Salsila siga Rasul 16:30

Pag-anu siꞌ, lay na boo na ga si Pol ka si Saylas pa poan, boꞌ da tilaw na, yuk na, “Siga Tuwan, oy tu la subay pabuwat ku supaya ku salamat?”

Salsila siga Rasul 2:37

Pag lay jaꞌ takale siga jama ndooy bay bitsala si Pitel, lassa sobak na ga atay da ni kasasso da. Dari yuk da ni si Pitel ka ga pagkahi na rasul, “Siga mbuwaꞌ danganakan, oy tu la pataꞌ subay pabuwat kami supaya kami inampun meꞌ Tuhan?”

Salsila siga Rasul 2:38

Pag tampung si Pitel, “Subay kam nawbat saliꞌ-saliꞌ, boꞌ bi nohoꞌ pinandi ni awon si Isa Almasi. Meꞌ looy ilay, puwas na mimon dusa bi pa Tuhan boꞌ bi buwanan na ladjikiꞌ, yana Rū Sutsiꞌ.

Salsila siga Rasul 9:6

Nangge na ko, boꞌ nu pawus na pa daira looy. Ndooy sa mintu, boꞌ nu binaan bong oy subay pabuwat nu.”