Lukas 3:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

^1-2 Na luu jaꞌ daka dangon taun bay pingkaꞌ, kuwan si Yahiya, yana anak si Jakariya, lay binuwanan meꞌ Tuhan umanat waktu na maglahat ndooy ni lahat lau-lau yaꞌ maglumaꞌ. Ilooy siꞌ bay magkadarihan meꞌ looy sasang si Tiberius panghuluꞌ sultan ni bangsa Rom luu na sapu-liman taun. Boꞌ ilooy na du silay masa man si Puntus Pilatu maggubnul ni Yahudiya. Si Herod Antipas pun, maggubnul du ndooy ni Jalil. Maka danganakan na si Pilip maggubnul du ndooy ni Ituriya ka Tarakuniti. Maka luu gi gubnul ni Abilin inawnan si Lisani. Lay du magsabtan ka jaman si Kayapas gantiꞌ si Annas binuwat panghuluꞌ imam.

Lukas 3:1 Iomraidhean Croise

Panagnaan 49:10

Maka Juda, luu sina mintu siga panubuꞌ nu magsunuꞌ-sunuꞌ magsultan ni lahat tabi. Boꞌ luu gi sina mintu lahil panubuꞌ nu ilooy ma yaꞌ na kuhi labbos pagkasultan na saumu. Iya ina mintu yana sultan ma inasip meꞌ mimon kabangsa-bangsahan.

Matiyu 14:1

Na jaman looy du siꞌ, kuwan si Herod, yana gubnul ndooy ni Jalil, lay du kaakahan pasal siga pakaradjaan bay pabuwat si Isa.

Matiyu 14:3

Ngkon ilay Gubnul Herod bay mitsala meꞌ looy sabap hanggaw na ya pagka iya bay nohoꞌ si Yahiya sinungkuban sampay iningkotan boꞌ njīl. Kon na ilay bay nungkub sabap daran ya bay sinahawi meꞌ si Yahiya pasal kalaatan na bay ngagaw nda ariꞌ na si Pilip binuwat nda na. Awon danda looy siꞌ si Herodiyas.

Matiyu 14:6

Sugaꞌ meꞌ tuu silay bay kadari na. Pag taabut haliyan buwan man Gubnul Herod bay pinamaddihan, lay ya ballang mehe. Ni paballangan looy siꞌ, kuwan anak si Herodiyas ma budjang, lay ngiluk ni awpan Gubnul Herod ka ga bisita na. Dari siꞌ, ni kagāk Gubnul Herod ni ilukan na,

Matiyu 22:17

Sangkon, Tuwan Guru, luu situ siꞌ la tilaw kami ningkau. Bong ningkau, sikatuwaꞌ kilay ni saraꞌ bangsa tabi mayaran sukay pa mman panghuluꞌ sultan bangsa Rom, atawa niyaꞌ?”

Matiyu 27:2

Dari lay na ya iningkotan boꞌ na binoo pa mman Gubnul Pilatu.

Malkus 6:17

Ngkon ilay Gubnul Herod bay mitsala meꞌ looy sabapan ilooy ma bay pabuwat na ni si Yahiya. Batan iya bay nohoꞌ si Yahiya sinungkuban sampay iningkotan boꞌ njīl. Kon na ilay bay nungkub sabap bay ya sinahawi meꞌ si Yahiya pasal kalaatan na bay ngagaw nda si Pilip, yana si Herodiyas. Boꞌ si Pilip ilay yana ariꞌ Gubnul Herod mismu.

Malkus 6:21

Sugaꞌ song hallom, luu na dapat si Herodiyas ngahawasan paddi inansong na. Dari meꞌ tuu silay: Pag taabut haliyan buwan man Gubnul Herod bay pinamaddihan, lay ya ballang mehe. Lay kaddoꞌ na ga kunsihal na, siga komandel sundalu na sampay ilooy kasohean ma balkanan ndooy ni Jalil.

Lukas 13:31

Pus si Isa mitsala meꞌ looy, luu na baw pasōng pa mman na siga Parisi, yuk da, “Lakka na ko mantuu batan Gubnul Herod ilay doman mapatoy kau.”

Lukas 2:1

Na jaman looy ilay, luu aturan bay pinōꞌ meꞌ panghuluꞌ parinta Rom, yana Sultan Agustus. Njawom aturan looy, mimon raayat ni kalahat-lahatan njawom ntanan na subay magrejistel pa parinta supaya kinatoonan bong dangoy eka raayat ni sakup na.

Lukas 23:24

Dari lay na duwan na kahandak baanan ga jama ndooy.

Lukas 3:19

Pus mandooy, lay gi si Yahiya nahawi Gubnul Herod Antipas pasal dusa na bay ngagaw ipa na si Herodiyas binuwat nda na. Boꞌ meka gi jinisan kalaatan na bay binungka meꞌ si Yahiya.

Lukas 9:7

Na pag taaka Gubnul Herod pasal mimon bay kadarihan ga si Isa, yaꞌ na katoon-toonan na pamiki na sabap baꞌ-bāꞌ kasohean si Isa yana si Yahiya ma Tukang Mandi llum na pabalik.

Salsila siga Rasul 23:26

“Ituu itu aku, yana Komandel Kalawdiyus Laysiyas. Itu suwat ku pa mman nu Tuwan Gubnul Pilik. Salam duwaa ningkau.

Salsila siga Rasul 24:27

Na paddus duwan taun, lay na ginantian si Pilik maggubnul meꞌ si Polsiyus Pestus. Sugaꞌ pagka Gubnul Pilik doman nulut siga Yahudi, masi du yaꞌ bay pōꞌ na si Pol man jawom jīl.

Salsila siga Rasul 26:30

Pus meꞌ looy, lay na nangge sultan ka gubnul sampay si Belnisa ka ga soheꞌ da,

Salsila siga Rasul 4:27

“Dari batnaa Tuhan, tumatandaꞌ na ningkami, lay na du bana binakbul tunaꞌ looy siꞌ. Batan pag lahil tukang nalamat ma bay peneꞌ nu pa junyaꞌ, yana si Isa, sosohoan nu ma sutsiꞌ, lay du ya bana sinulang meꞌ Sultan Herod ka Gubnul Puntus Pilatu. Maka meka gi Yahudi sampay siga saꞌ Yahudi ni daira tuu lay du magtaayun nulang iya.