Lukas 24:51 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵¹ Sasang na masi nupaatan sila, lay na ya inangkat pa sulgaꞌ.

Lukas 24:51 Iomraidhean Croise

Malkus 16:19

Paddus Papuꞌ Isa bay mitsala ninsila, ilooy ma lay na ya inangkat pa sulgaꞌ. Pag-anu, boꞌ na ningkōꞌ ni bihing Tuhan huwin pa kawnan.

Lukas 24:50

Pus meꞌ looy, lay na sila binoo meꞌ si Isa lumān pa Betani. Takka ndooy, lay angkat na tangan na nupaatan sila.

Lukas 24:52

Pag-anu, ilooy ma lay sila numba iya, boꞌ da pabeleng pa Jerusalem njawom kagakan mehe.

Yahiya 20:17

Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Salsila siga Rasul 1:9

Paddus si Isa mitsala ninsila, ilooy ma lay na ya inangkat pa taꞌ langit ni pag-awpan da sasang da maiman. Sampay yaꞌ na ya takita kalimbuhan meꞌ tayiꞌ baliyu.

Hibrani 1:3

Maka njataꞌ Anak na, takita tabi na kawasa ka kaayaran Mmaꞌ na Tuhan, batan iya sabana-bana limbagan arat-tabiat Tuhan. Pooy-pooy kadari Tuhan, meꞌ naa du sina Anak na. Boꞌ Anak na ina magbayaan mimon-mimon ni sikaliput alam man kawasa palman na mari yaꞌ pulak-palik. Maka iya ilay bay muwasan dusa tabi mari kitabi sutsiꞌ na pa Tuhan. Pus meꞌ looy, lay na ya pabeleng pa sulgaꞌ boꞌ na ningkōꞌ ni bihing Tuhan Sangat Kawasa huwin pa kawnan.

Hibrani 4:14

Lipara luu du panghuluꞌ imam asahan tabi ma yaꞌ luu sibuꞌ sabanding na, lay na duhuꞌ pilay pa sulgaꞌ, yana si Isa Almasi, Anak Tuhan. Sangkon, subay yaꞌ labbahan tabi ilooy ma kinapitsayaan meꞌ tabi pasal iya.