Lukas 24:47 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁷ Maka yuk si Isa, “Luu gi bay sinuwatan subay pinasaplag umanat mahap pasal Almasi ni mimon kabangsa-bangsahan nagnaꞌ mantuu ni Jerusalem. Subay jama binaan bong tawbatan da dusa da maka pitsayaꞌ ni Almasi, malaingkan inampun na sila meꞌ Tuhan.

Lukas 24:47 Iomraidhean Croise

Panagnaan 12:3

Sagannap ma mitsala kau pa kaayaran, supaatan ku du sina. Sugaꞌ soysoy baw ina numpaan kau, sumpaan ku du. Bbos-bbos kau ina poonan man mimon kabangsa-bangsahan taꞌ babaw junyaꞌ koleꞌ supaat.”

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Matiyu 3:2

Pamakoy na bay pinabuwat ka bū untaꞌ maka kambot na kuwit sapiꞌ. Makanan na tompang ka gowaꞌ buwani. Ndooy siꞌ, wā ya masaplag ni siga jama ma bay pilay pa mman na, yuk na, “Nawbat na kam sabap tapit na katakka pamarinta Tuhan.” Na sabapan pabuwatan si Yahiya ilay siꞌ, lay na binakbul bay tunaꞌ Nabi Isaya, ilooy ma yuk na, “Luu sina mintu jama takale ngahowap ni lahat lau-lau, yuk na, ‘Saddiyahun bi na lān ni katakka Papuꞌ. Paintongun bi na mari tahan na patiluꞌ pa mman bi.’ ”

Matiyu 9:13

Intong na, aku itu bay pitu, saꞌ ga maksud ku ngaliyun jama ma mista dī da intong. Arapun aku itu bay pitu ngaliyun sagannap ma mangaku baldusa. Pahamun bi doꞌ paayad palman njawom kitab, ilooy ma yuk Tuhan, ‘Kainagon ku maaseꞌ kam ni pagkahi bi manusiyaꞌ. Saꞌ ga kulban bi karomanan ku.’ ”

Lukas 13:34

Na sabap susa atay si Isa ni siga Yahudi ndooy ni Jerusalem, njawom atay na, “Kaam, siga jama Jerusalem, bbuwatan bi mapatoy kanabi-nabihan. Boꞌ hiyak bi lagi ka batu jama kasohean ma lay du sohoꞌ Tuhan pa mman bi. Daran na ku bay magkainagon ngaliyun kaam pa jawom okoman ku meꞌ hantang induꞌ manuk ngokoman anak na, sugaꞌ yaꞌ du kam kuhi.

Salsila siga Rasul 10:43

Iya ilay ndang bay na tasabbut meꞌ mimon kanabi-nabihan njawom kitab. Man sabapan bitsala da, tahati tabi na sagannap ma pitsayaꞌ niiya koleꞌ na kaampunan ni mimon dusa da.”

Salsila siga Rasul 11:18

Pag bay takale meꞌ siga Yahudi looy tuntut si Pitel, bohoꞌ da lay na patagong nahawi. Pag-anu, boꞌ da mudji Tuhan. Maka yuk da, “Bong bilay meꞌ looy, lay na du hati buwanan Tuhan ga bangsa saꞌ Yahudi lawang man da nawbatan dusa da supaya sila koleꞌ na du kasampulnaan nyawa saumu-umu.”

Salsila siga Rasul 13:46

Minsan meꞌ looy, amu-amu si Pol ka si Balnabas nawakka mitsala ninsila, yuk da, “Kaam, siga Yahudi, wajib sina ningkaam pinakalehan duhuꞌ umanat Tuhan. Sugaꞌ pagka tuwak bi umanat na, sat bi sāꞌ māꞌ yaꞌ kam tawop binuwanan kasampulnaan nyawa ma yaꞌ luu katapusan na. Sangkon labba man batnaa, pilay na kami pa mman kabangsa-bangsahan saꞌ Yahudi.

Salsila siga Rasul 2:38

Pag tampung si Pitel, “Subay kam nawbat saliꞌ-saliꞌ, boꞌ bi nohoꞌ pinandi ni awon si Isa Almasi. Meꞌ looy ilay, puwas na mimon dusa bi pa Tuhan boꞌ bi buwanan na ladjikiꞌ, yana Rū Sutsiꞌ.

Salsila siga Rasul 20:21

Tōꞌ ku ni bangsa ku Yahudi yaꞌ du luu bay pagtingkahan na ka tōꞌ ku ningkaam ma saꞌ Yahudi. Saliꞌ-saliꞌ du kam bay sohoꞌ ku nawbatan dusa bi ka lillaꞌ pa Tuhan sampay nohoꞌ pitsayaꞌ ni Papuꞌ tabi si Isa.

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Salsila siga Rasul 26:20

Duhuꞌ-duhuꞌ man ku bay masaplag ndooy ni Damaskus. Pasunuꞌ, ndooy na baw ni Jerusalem. Paddus mandooy, boꞌ lay na ku ngalataan kakawum-kawman ni sikaliput Yahudiya. Lakka mandooy, lay na baw ku pilay pa kalahat-lahatan ga bangsa saꞌ Yahudi masaplag. Tōꞌ ku ninsila, subay sila nawbat ka maglillaꞌ pa Tuhan. Maka subay sila buwat kaayaran mari tumatandaꞌ lai na du labbahan da mimon dusa da.

Salsila siga Rasul 28:28

Yuk si Pol lagi, “Na, mbuwaꞌ danganakan, pagka kaekahan Yahudi yaꞌ kuhi pitsayaꞌ ni umanat Tuhan pasal kasalamatan njataꞌ si Isa, baan ta kam banahan, pinasaplag na du sina ni kabangsa-bangsahan saꞌ Yahudi. Boꞌ tatantu ku, mastiꞌ hinasi jaꞌ sina meꞌ da.”

Salsila siga Rasul 3:19

Sangkon, nawbat na kam boꞌ bi lillaꞌ na pa Tuhan supaya pinuwasan na dusa bi.

Salsila siga Rasul 4:12

Na iya ilay, isu-isu iya kasalamat ningkitabi. Batan yaꞌ luu taꞌ babaw junyaꞌ sarī man iya bay papitu Tuhan nalamat manusiyaꞌ.”

Salsila siga Rasul 5:31

Pag batnaa, lay na ya pinatingkōꞌ meꞌ Tuhan pa bihing na huwin pa kawnan njawom kabantugan mehe. Maka lay na ya binuwat panghuluꞌ maka tukang nalamat. Kon meꞌ looy, supaya tabuwanan na na kitabi bangsa Israil lawang man tabi nawbatan mimon dusa tabi, boꞌ tabi koleꞌ na kaampunan.

Suwat si Pol pa mman Baanan Sukuꞌ si Isa ndooy ni Rom 5:20

Balik ta pa saraꞌ Nabi Musa, ngkon na ilay bay pinamuwan meꞌ Tuhan niiya supaya tasayu na meꞌ manusiyaꞌ meka na dusa da. Sugaꞌ saehe-ehe dusa manusiyaꞌ, mas mehe gi ampun ka aseꞌ Tuhan.

Epesus 1:6

Sangkon tud pataꞌ Tuhan pinudji. Biddaꞌ na ehe aseꞌ na njataꞌ tabi ma tibuuk ka kakasi na, yana si Isa Almasi.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

1 Yahiya 2:12

Siga anak ku, suwatan ta kam batan lay na kam inampun meꞌ Tuhan ni mimon dusa bi man sabapan pabuwatan si Isa Almasi.