Lukas 24:36 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁶ Sasang da masi mitsala, sarunduun du luu na si Isa nangge ni tangngaan da sambayan na halling, “Kasannangan ningkaam sikamimon.”

Lukas 24:36 Iomraidhean Croise

Matiyu 10:13

Na bong ina mintu jama lumaꞌ looy ngahasi kaam, malaingkan koleꞌ du sila kasannangan. Sugaꞌ bong niyaꞌ, malaingkan yaꞌ du luu takoleꞌ da.

Malkus 16:14

Yaꞌ hallom, si Isa na mismu bay patammu ni ga mulit na sikasapu-dambuwaꞌ sasang da mangan. Sampay lay gi sila sinahawi meꞌ na sabap ni katohas kōk da yaꞌ sila kuhi pitsayaꞌ ni siga pagkahi da ma bay ngita iya pus na bay pinakallum.

Lukas 10:5

“Na pag dutai bi pa lumaꞌ jama, duhuꞌ-duhuꞌ halling bi, ‘Kamura-murahan binuwanan du kam meꞌ Tuhan kasannangan.’

Yahiya 14:27

“Sangkon daa susa atay bi maka daa kam tawu. Mbanan ta sa kam kasannangan njawom atay bi, yana kasannangan ku ma yaꞌ sibuꞌ ka ilooy ma pinag-awnan kasannangan meꞌ sagannap ma saꞌ sukuꞌ ku.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Yahiya 20:26

Paddus jaꞌ siꞌ wawuꞌ ngallaw, lay na baw kumpo ga mulit si Isa njawom lumaꞌ pabalik sampay luu na du ndooy si Tomas. Kuwan siga lawang da, meꞌ sibuwa du lay kinunsiꞌ. Sugaꞌ san meꞌ looy, sakayi da kasayu, luu na baw balik si Isa nangge ni tangngaan da sambayan na halling, “Kasannangan ningkaam.”

1 Korin 15:5

Pag-anu, llum jaꞌ siꞌ ya pabalik, lay gi ya patammu ni si Pitel, boꞌ na bay nammuhan siga rasul na ilooy kasohean.

1 Korin 15:7

Pag-anu, lay na baw ya patammu ni si Yaꞌkub, boꞌ na patammu pabalik ni siga rasul na sikamimon.

2 Tesaloneka 3:16

Kamura-murahan ni mimon kahalan bi, binuwanan na pin kam kasannangan jawom atay bi meꞌ Papuꞌ, yana poonan kasannangan. Maka kamura-murahan luu na pin ya ngunungan kaam labbasakayi.

Siga Pakaradjaan bay Pinalahil 1:4

Ituu tu si Yahiya nuwat pa mman siga baanan sukuꞌ si Isa ni pituꞌ daira nnaa ni Asiya. Kamura-murahan binuwanan na pin kam kasannangan maka barakat meꞌ Tuhan sabanna, ilooy ma ndang luu na man maruhuꞌ-ruhuꞌ ngabut batnaa sampay saumu ni sinōng. Maka kamura-murahan binuwanan na pin kam kasannangan ka barakat meꞌ ilooy ma ginalla Rū Sikapituꞌ, yana Rū Tuhan ma luu na pin ni awpan paningkoan man Tuhan ningkōꞌ marinta.