Lukas 24:30 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁰ Na pag tingkōꞌ da mangan, lay si Isa ngaddoꞌ tinapay boꞌ pinagsukuhan meꞌ na pa Tuhan. Pag lupus, pinong-pōng na baw meꞌ na boꞌ sinongan pa mman da.

Lukas 24:30 Iomraidhean Croise

Matiyu 14:19

Pag-anu siꞌ, lay sohoꞌ na ga baanan jama looy ningkōꞌ ni jataꞌ kuhun. Lay jaꞌ siꞌ sila ningkōꞌ, lay kaddoꞌ na tinapay looy sikalimam batang ka daying looy sikaduwa, boꞌ na pahangad pa taꞌ langit sambayan na muwan pagsukuhan pa Tuhan. Pag lupus, pinong-pōng na meꞌ na ga tinapay looy ka ga daying na, boꞌ lay songan na pa mman siga mulit na nohoꞌ ndean ga baanan jama looy.

Matiyu 15:36

Pag-anu, kinaddoꞌ na meꞌ na ga tinapay looy sikapitum batang maka daying na, boꞌ pinagsukuhan meꞌ na pa Tuhan. Pag lupus, pinong-pōng na meꞌ na, boꞌ sinongan pa mman ga mulit na nohoꞌ man makan ga baanan jama looy.

Matiyu 26:26

Na sasang da siꞌ mangan, lay si Isa ngaddoꞌ dambatang tinapay boꞌ pinagsukuhan pa Tuhan. Pag lupus, pinong-pōng meꞌ na boꞌ sinongan ni siga mulit na sambayan na halling, “Atu, ngaddoꞌ kam boꞌ kakanun bi. Ingatun bi ituu baran ku.”

Malkus 14:22

Na sasang da siꞌ mangan, lay si Isa ngaddoꞌ dambatang tinapay boꞌ pinagsukuhan pa Tuhan. Pag lupus, pinong-pōng meꞌ na boꞌ sinongan ni siga mulit na sambayan na halling, “Atu, ngaddoꞌ kam boꞌ kakanun bi. Ingatun bi ituu baran ku.”

Malkus 6:41

Pag-anu, lay na kaddoꞌ si Isa tinapay looy sikalimam batang ka daying looy sikaduwa, boꞌ na pahangad pa taꞌ langit sambayan na muwan pagsukuhan pa Tuhan. Pag lupus, pinong-pōng na meꞌ na ga tinapay looy ka ga daying looy boꞌ sinongan na pa mman siga mulit na nohoꞌ man makan ga baanan jama looy.

Malkus 8:6

Pag-anu, lay sohoꞌ na baanan ga jama looy ningkōꞌ. Pag-anu, kinaddoꞌ na meꞌ na ga tinapay looy sikapitum batang boꞌ pinagsukuhan pa Tuhan. Pag lupus, pinong-pōng na meꞌ na, boꞌ sinongan pa mman ga mulit na nohoꞌ man makan baanan ga jama looy.

Lukas 22:19

Pag-anu, lay na baw ya ngaddoꞌ dambatang tinapay boꞌ pinagsukuhan pa Tuhan. Pag lupus, pinong-pōng meꞌ na boꞌ sinongan ni siga mulit na sambayan na halling, “Atu, ngaddoꞌ kam boꞌ kakanun bi. Ingatun bi ituu baran ku ma song pinaglillaꞌ kalnaꞌ kaam. Buwat kam tabiat meꞌ tuu bilang pangintoman bi niyaku.”

Lukas 24:29

Sugaꞌ lay doꞌ ya bitsalahan da nohoꞌ pahantiꞌ mman da dambahangi sabap song sangom na lahat. Dari siꞌ, lay na ya mmeꞌ pa lumaꞌ mman da.

Lukas 24:35

Pag-anu, lay na baw ga lalla looy siꞌ ma duwa nuntutan sila ni hāl meꞌ da bay tinammuhan meꞌ si Isa lān da pa Emeyas. Maka yuk da sakayi tasayu da ilooy na si Isa, noy bay na ya takita da mong-mōng tinapay.

Lukas 9:16

lay kaddoꞌ si Isa tinapay looy sikalimam batang ka daying looy sikaduwa, boꞌ na pahangad pa taꞌ langit sambayan na muwan pagsukuhan pa Tuhan. Pag lupus, lay pinong-pōng meꞌ na mimon boꞌ lay songan na pa mman siga mulit na nohoꞌ ndean ga baanan jama ndooy.

Yahiya 6:11

Pag-anu, lay paku si Isa tinapay looy siꞌ, boꞌ pinagsukuhan pa Tuhan. Pag lupus, boꞌ lay sohoꞌ na ndean ga baanan jama looy ma ningkōꞌ. Ga daying looy pun, meꞌ looy du meꞌ na bay buwat. Sampay lay na sila labbasakayi kakakan sa-sso-sso da na.

Salsila siga Rasul 2:42

Maka labba man llaw looy, sigi-sigi na sila pōꞌ pakale ni tōꞌ siga rasul si Isa. Dambuwaꞌ atay na sila maka daran na sila kumpo-kumpo mangan sampay maku duwaa.

Salsila siga Rasul 2:46

Llaw-llaw kumpo sila numba ni langga mehe. Ni kahilas atay da, gāk sila sipahampit-pahampit kinakan da maka tigiꞌ sila siharung-harung mangan ni siga lumaꞌ da.

Salsila siga Rasul 27:35

Paddus si Pol mitsala meꞌ looy, lay ya ngaddoꞌ tinapay boꞌ na pinagsukuhan pa Tuhan ni pag-awpan da sikamimon. Pag-anu, lay na ya nabbeꞌ, boꞌ na mangan.