Lukas 23:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Pag takale meꞌ Gubnul Pilatu bay bitsala da, tilaw na, “Jama Jalil kitu ya?”

Lukas 23:6 Iomraidhean Croise

Matiyu 26:69

Sasang si Isa sinumariya, luu disu tindog danda pasōng pa mman si Pitel sasang na ningkōꞌ ni haman lumaꞌ looy, yuk na, “Kau pun bitu dansoheꞌ du kam ka si Isa, lalla looy man Jalil.”

Lukas 13:1

Na ni waktu looy du siꞌ, luu na baw siga jama bay nuntutan si Isa pasal kasohean jama man Jalil bay sinohoꞌ pinapatoy meꞌ Gubnul Pilatu. Sila bay pinapatoy sasang da nongan kulban pa Tuhan.

Lukas 23:5

Sugaꞌ amu-amu baw sila halling, “Kalingog baw bina ya ni sikaliput Yahudiya. Sabapan tōꞌ na, hiluhalaꞌ na manusiyaꞌ labba man Jalil ngabut sampay pitu pa Jerusalem.”

Lukas 23:7

Tampung da, “Ohoꞌ, Tuwan Gubnul.” Tasayu jaꞌ siꞌ meꞌ Gubnul Pilatu si Isa jama Jalil, lay na sohoꞌ na binoo pa mman Gubnul Herod hinukum batan Jalil ilay njawom sakup na. Sarī gi, luu gi du Gubnul Herod ni Jerusalem waktu looy.

Salsila siga Rasul 5:37

“Damikiyan, meꞌ looy du silay bay katuwaꞌ ni lalla looy man Jalil, yana si Judas bay jaman sinsus bohoꞌ tinagnaan meꞌ parinta Rom. Meka du jama bay taboo na mmeꞌ niiya. Sugaꞌ damikiyan, lay du ya pinapatoy sampay lay na du magkanatan raayat na.