Lukas 23:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Sugaꞌ amu-amu baw sila halling, “Kalingog baw bina ya ni sikaliput Yahudiya. Sabapan tōꞌ na, hiluhalaꞌ na manusiyaꞌ labba man Jalil ngabut sampay pitu pa Jerusalem.”

Lukas 23:5 Iomraidhean Croise

Matiyu 11:1

Pag lupus jaꞌ si Isa bay noan siga mulit na ma sikasapu-duwa, lay na ya lakka mandooy boꞌ na pawus padisu-padisu daira nōꞌ ka masaplag.

Matiyu 2:1

Na si Isa ilay bay pinamaddihan ni Betlehem ndooy ni Yahudiya jaman Sultan Herod marinta. Ni waktu looy du siꞌ, luu na baw takka pa Jerusalem siga lalla halul-akka lakka man lahat huwin pa mataallaw. Sila ilay tukang ngadjian potean.

Matiyu 27:24

Pag tabista Gubnul Pilatu yaꞌ na du tapaling manusiyaꞌ ndooy, gam pin song hiluhalaꞌ na, magti ya ngaddoꞌ boheꞌ, boꞌ na ngosoan tangan na ni awpan ga jama looy. Yuk na, “Bahalaꞌ bi na. Lay na kosoan ku tangan ku mari yaꞌ na ku talapay ndusa ni kapatoy jama tuu.”

Matiyu 4:23

Lakka mandooy siꞌ, lay na baw ga si Isa ngalataan Jalil magnasihat ni kalangga-langgahan ndooy sampay masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Malkus 1:14

Na song hallom, kuwan si Yahiya, lay na baw sinungkuban sampay lay na tajīl sabap meꞌ na bay nahawi Gubnul Herod pasal dusa na. Kuwan si Isa, lay na pabeleng pa Jalil masaplag umanat mahap man Tuhan,

Lukas 11:53

Pag lupus si Isa halling meꞌ looy, lay na ya palakka mandooy. Kuwan siga guru saraꞌ agama ka ga Parisi baw siꞌ tu, tud bay dugahan niiya. Dari labba mandooy, daran na ya sinual

Lukas 23:23

Sugaꞌ amu-amu sila ngahowap mogos nohoꞌ si Isa llansang taꞌ tehang mari matoy. Dari sabap kalanduꞌ sila mogos, song hallom, jamu na Gubnul Pilatu naggaꞌ.

Lukas 23:6

Pag takale meꞌ Gubnul Pilatu bay bitsala da, tilaw na, “Jama Jalil kitu ya?”

Yahiya 1:43

Pag meꞌ sumawung, doman na baw si Isa pilay pa Jalil. Takka ndooy siꞌ, lay ya sitammu ka disu lalla inawnan si Pilip, jama Betsayda, yana kawum mman ga si Andru ka si Pitel. Dari yuk si Isa niiya, “Tu ko, mmeꞌ na ko niyaku.” Dari lay du ya mmeꞌ.

Yahiya 19:15

Sugaꞌ maghowapan na baw sila, yuk da, “Papatoyun na! Papatoyun na! Lansangun na taꞌ tehang!” Tilaw Gubnul Pilatu baw siꞌ tu, “Hati, sultan bi sohoꞌ bi na baw kina llansang niyaku taꞌ tehang?” Iya tampung siga imam langkaw baw siꞌ tu, “Yaꞌ baw bitu la luu sultan kami sarī man Sultan Sisal.”

Yahiya 2:11

Na ilooy siꞌ ma bay pabuwat si Isa ndooy ni kawum Kana ni Jalil, yana pabuwatan sibuwa kahaylan-haylan man na bay makita ehe kawasa Tuhan njataꞌ na. Dari sabap meꞌ looy, magsasōng na meꞌ siga mulit na pitsayaꞌ niiya.

Yahiya 7:41

Kuwan kasohean baw halling, “Iya na bitu Almasi.” Sugaꞌ tilaw kasohean baw, “Hati, lakka man Jalil kilay Almasi?

Yahiya 7:52

Yuk da baw siꞌ tu, “Uy, batiꞌ ta bitu jama Jalil du ko. Maliksaꞌ teꞌ ko njawom kitab. Yaꞌ silay luu tatammu nu nabi bay tinunaꞌ pōꞌ man Jalil.”

Salsila siga Rasul 10:37

Kira ku san kaam, lay na du taaka bi bong oy bay pabuwat si Isa, lalla looy man Nasaret, nagnaꞌ man Jalil sampay ni sikaliput Yahudiya. Iya ilay bay nagnaꞌ majatu pabuwatan na noy paddus na si Yahiya bay masaplag pasal pandi tawbat. Maka kira ku lay na du taaka bi luu na Rū Sutsiꞌ ddas ka kawasa na bay pinatannaꞌ meꞌ Tuhan njataꞌ si Isa. Dari man sabapan gaos Tuhan njataꞌ na, ninggai-ninggai palanan na, wā ya buwat kaayaran sampay ngulian sagannap ma bay malasahi meꞌ Ibilis.

Salsila siga Rasul 23:10

Na pag sikapasuꞌ jaꞌ ga Parisi ka ga Saddusi ndooy, hanggaw na komandel looy taggahaꞌ salik-manalik na baw baran si Pol meꞌ da. Dari lay sohoꞌ komandel looy llakkahan si Pol mandooy, boꞌ nohoꞌ binoo pabeleng pa kampu ni siga sundalu na.

Salsila siga Rasul 5:33

Pag takale meꞌ baanan Sanhidrin bitsala siga rasul looy, tud bay sinalaputan tabbuk da maka doman na ga sila mapatoy sila.

Salsila siga Rasul 7:54

Pag lay jaꞌ takale meꞌ baanan kapakihan ndooy bitsala si Esteben, ilooy ma tud sinalaputan na tabbuk da.

Salsila siga Rasul 7:57

Yaꞌ gi siꞌ ya lupus mitsala, bbuwatan baanan kapakihan ndooy nompong tinga da sambayan da howap man da ngalimbo bitsala na. Pag-anu, biniglaꞌ na ya sinungkuban meꞌ da,